Search form

Sam 13

Sam Kranzpnu-esz'-nrade-tq (13)

?Yawe, Na-aenzli-alopex Nim?

Nabz ne Devet kx yrbzle mz kxrmailz ngr dzbe kxnzngrng.

1?Yawe, myx kxmule, namrbrtitr-alope drtwrm ninge?

?Namnc-rlru-alopeme bange?

2?Nelznge navzdz-alopem?

?X drtwrnge navz-alope?

?X namnclz-alopebo mz zmatq ngr enqmi rngeng?

3Yawe, obqm bange x ayzlum natqnge.

Ka-mop bange nzxplr-krnge murde ma tqbzx.

4Bzkq rlr-ngrbzme mz enqmi rngeng nzpi-krdr kx nzaovxiopelr ninge.

X bzkq rlr-ngrbzme nzabrtzlvz-krdr nzrnrcti-lzbq-krnge.

5Murde abrtrpo drtwrnge mz nzaodu-krm kc tqyc tqyc.

X sa na-abrtz-zlwz-ngrne nzarlapx-krm ninge.

6Yawe, sa nangrbo bam murde amrlz-zlwzpeq ninge.

Mz da amrlx kx kame bange, Yawe, sa nangrbo bam.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index