Search form

Sam 133

Sam Kratrtqki-esz'-nzpnu-tq-nrade-tq (133)

Nzesz'tikr Drtwrgu

Nabz ne Devet kx nzngrnelzngr Jerusalem mz nzangiongr.

1Lqngipx x mrlzvxi

Mzli kc leplz tzmnctr-lxblr-ngrdr mz nzesz'tikr drtwrdr.

2Nzesz'tikr drtwr lqngipx apule nzyrleokr tolo mz nar Eron x nrpnr naode, krlzo-kzpzle lrpzde,

Mzli kc tzaelu-ngrde tolo mz nzngini-krde Nardr Pris.

3X nzesz'tikr drtwr mrlzvxi apule nzdco-krm tewa

Mz newz nyzgung mrkc tqmingr zvz.

Murde da kc tqmrlzting amrlx tqkam Yawe bagu nzvzpxmqng Jerusalem,

Myapxbz nzmnc-zpwx-zvz-krgu mz drtc' nyzgu.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index