Search form

Sam 37:5-7

5-7Clveti-lzbq, x aenzli-lrpi mz nzabrtr-krbzme drtwrm mz Yawe.

Bzkq nabzm talvzo mz nzrmc-krm leplz kxnzrngiscng nzvz-nqblq-krdr nqmq krdr kxtrka.

Da kx na-aleq, mnc-xgle txpwz Yawe,

X abrtrpz drtwrm bade, murde sa naokatrle nim.

Delc sa na-aelwapx-ngrbzle nzopxkr nztubq-krm,

Mz nzapu-krde nilz r nepi kc tqvz-esz'ngr mzli kc bea.

E, G (8-11)

8-11Eu, bzkq drtwrm ngya x nabzm talvzo

Murde da lcng li ma tzrkatrpzng bam drtwr kxtrka.

Eu, murde kxnzabrtrpzlr drtwrdr mz Yawe sa nangi nyzdr drtc' kc tqpile nakabzle badr,

A' kxdrka'-ngrng sa namaszlrtxpx-ngrng.

Glqpx Yawe kx mzli trnaboipeu x kxdrka'-ngrng sc tzmrbrpeng.

Kxmule-esz' rtangrtiq nidr a' trpengr nzmc-krmleng.

Gct rlr-ngrbzle drtc' nyzde mz kxnzavzo-lzbqng.

X sa na-abrtzng mz nzmnc-zpwx-krdr elr.

I, J (12-15)

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index