Search form

Sam 47

Sam Kranzpnu-pwx-nrade-rlimz (47)

Yawe Kc Tqmyatxlz-esz'ngr

Nabz ne nqvi lr Kora.

Naglqpxku Yawe

1Nigu leplz amrlx na-ayrlewzku da

Mz nzngr-abrtz-kato-krbzku mz Yawe, Gct rgu.

2Murde na-amrlueku nide kc tqmyatxlz-esz'ngr,

Mz nzngini-krde King kxmatq kc tqaclvele nrlc.

3Batrpzle nzaovxio-krgu lr mrkzbleng,

Mz nzmnclz-krmlr bagu.

4Nigu leplz ngr nqvi lr Jekop kcng tqmrlzting Yawe,

Bilvzpeku drtc' kc tqmcpxbzle nangi nyzgu.

King Rgu

5Mzli kc Yawe tqwxbuo-ngrmle mz tron nyzde Mangr-nzangiongr,

Sc tqrvxupeku trpu x tqmalq-katopeku mz nzabrtzlvz-krgu nide.

6Nangr-katobzku mz Yawe Gct rgu.

Murde nide King rgu, nangr-katobzku bade.

7Naglqlzku nide mz nabz kxyrlvi,

Murde nide King r nrlc tulvzo.

8X wxbu mz tron kxtr nyzde,

Mz nzaclve-krde neidu amrlx.

9Kxnzmailzlr lr mrkzbleng nzaxvctr-lzbqmqng bagu, nigu leplz neng Gct r Ebraam.

Murde Gct kc tqmyatxlz-esz'ngr myaszpxle king amrlx mz nrlc.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index