Search form

Sam 54

Sam Kranzpnu-nzlvqn-nrade-pwx (54)

Nzbrtikr Drtwrgu Gct Nzaovxio-krde Enqmi Rgung

Nabz ne Devet kx yrbzle mz kxrmailz ngr dzbe kxnzngrng,

mzli kc lr Sifz tzvz-ngrbzlr mz Sol mz nzrpi-krbzlr kx, “?Krlzq kx Devet sc tqmnc-kapq mztea nyzgr?”

1Gct, arlapx ninge mz zmatq ngr drtqm,

X aelwzpx-ngrbz nztubq-krnge mz nztu-krbzme mz nibrnge.

2Xlrm natqnge

Mz nzkrka'-krbo bam.

3Kxnzaetqng drtq nzglqpx-lzbqng nzrpilr natzlr ninge,

X krkcng tzxpqbrlr-ngrdr nim, nzrpilr nanibqlr ninge.

4A' nim Gct kx okatr-zvzle ninge,

Mz nzngini-krm Kxetu rnge kc tqmnc-xgle-zvzx.

5Yawe Gct, ayzlu-mopwz badr da kxtrka kcng tzwaisr-ngrdr ninge.

X nibq nidr murde nim kx brti drtwr.

6Zbz sa na-abrtzlvzx nzrka-krbo bam blz mz olta nyzm.

X na-awi-ngrbo bam nzmrlz-zlwz-krm.

7Murde arlapxq ninge mz nzkxpu-krngeng amrlx,

X okatrq ninge mz nzaovxio-krnge enqmi rngeng.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index