Search form

Sam 61

Sam Kranzpnu-esz'mz-nrade-esz' (61)

Vzmibz Ninge Mz Butqbr Kxmqngi

Nabz ne Devet kx yrbzle mz kxrmailz ngr dzbe kxnzngrng.

1Gct, xlrm nzyrni-krnge,

X lalztqm mz nzkrka'-krnge.

2Kqlex nim murde mncx esz'-krnge, x nabznge talvzo zlwz.

Vzmibz ninge mz butqbr kxmqngi.

3Murde nim lrpalvc nyznge,

Me rlakitrx mz mq enqmi rngeng.

4Rlr-ngrm bange nzmncpx-alo-krmc mz ma nyzm.

Murde na-apux nei kio kx mnc-kapqlzbz mz nabx lxede.

5Gct, abrtzlvzq nzesalz-krnge nzangrlvz-zvz-krnge nim.

Murde krlc takitrde leplz kcng tzamrluelr nim.

6Kam bange nzlungr kxboi, ninge king nem,

Murde nzmnc-krnge navz zvz.

7Okatrp ninge mz nzaclve-angidr-krnge leplz nengeng mz nzmnclz-krbo mz zmatq ngrm.

Ayrbqpx ninge mz nzaodu-zvz-krm ninge x nzangidati-krm natqm.

8Delc na-angrlvz-zvzx nim,

Mz nzale-krnge da kc tqesalz-ngrbo bam.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index