Search form

Sam 98

Sam Kranzpnu-rpwxmz-nrade-rtqmz (98)

Na-angrlvzku Yawe, King Kc Tqmatq-esz'ngr

Na-angrlvzku Yawe

1Nangr-ngrbzku mz Yawe nabz kxmrna mz nzale-krde da kcng tqmyapxbzng.

Murde aovxiole enqmi rdeng mz nzetukr zmatq ngrde.

2X sc tqaelwapxpe-ngrbzle nztubq-krde mz lr mrkzbleng amrlx,

Mz nzarlapx-krbzle leplz nedeng mz mq enqmi rdrng.

3X aodule nigu lr Israel mz nzatutr-zvz-krde natqde.

Murde leplz mz nrlc tulvzo nakrlzlr kx arlapxle nigu.

Naglqpxku Nide

4Nigu leplz amrlx mz nrlc na-angrlvzku Yawe

Mz nabz kx yrlvi.

5Naglqpxku nide

Mz nzayrni-krbzku bade gita,

6X mz nzvxu-krbzku trpu.

Na-angrlvzku Yawe, kc tqngi King!

Nangrbzku Bade

7Nimu prla x drtc' x dalrmung amrlx

Drtwrmu naelalzm!

8Nimu lue na-amqmq-lzbqamu mz nztalio-krmu mz nabzde.

X nimu newz na-angrlvzamu Yawe!

9Nigu amrlx nangrbzku bade.

Murde sa tqvzm mz nzaclve-krde lr nrlc,

X nzayzlu-krbzle da mz leplz sa natubq x narsakrlrngr.

Nzryrngrkxtr Kc Ate Rut x Sam

© 2008 Wycliffe Bible Translators, Inc.

More Info | Version Index