Search form

1 Juan 1

Kawsay qokuq Simimanta

1-Tukuy imapas manaraq unanchasqa kachkaptinqa kawsay qokuq Simiqa karqañam. Paytam ñoqaykupuni uyarirqaniku, rikurqaniku hinaspa makiykuwan llapcharqaniku. 2-Kay kawsaymi rikuriykuwarqaku, chaytam rikurqaniku hinaspam rikusqaykumanta testigo kaspa qamkunamanpas wiñay kawsakuymanta willamuykiku. Kay wiñay kawsayqa Dios Taytawanmi karqa hinaspam ñoqaykuman rikuriykuwarqaku. 3Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina. 4Kaykunatam qellqamuykiku kusikuynikichik qespichisqa kanapaq.

Diosqa achkiy kasqanmanta

5Jesucristopa imam yachachiwasqankutam qamkunaman willamuykiku: Diosqa achkiymi, paypiqa manam tutayayqa kanchu. 6Sichum, paywanmi huklla kachkani nichkaspa tutayaypiraq kawsaspanchikqa llullakuchkanchikmi, manam cheqapman hinachu ruwachkanchik. 7Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

8Mana huchayuqmi kani nispanchikqa kikillanchiktam engañakuchkanchik, hinaptinqa cheqap kaqqa manam ñoqanchikpiqa kanchu. 9Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun. 10Sichum nisunchik: “Manam huchallikunichu” nispa, hinaspaqa Diostam llullapaq hapichkanchik, chaynapiqa palabranqa manam ñoqanchikpichu kachkan.