Search form

Salmo 1

PUNTA KAQ LIBRO (1-41)

Cheqap kusikuymanta

1Mayna kusisqam mana allin runakunapa umachakuyninta mana chaskiq runaqa,

payqa manam huchasapa runakunapa kawsasqanpipas purinchu,

nitaqmi Diosmanta burlakuqkunawanpas hukllawakunchu.

2Chayna runaqa,

Tayta Diospa kamachikuyninpim kusikun,

Tayta Diospa kamachikuyninpim tuta punchaw yuyaymanan,

3-Chayna runaqa,

yarqapa patanpi plantasqa sacha hinam,

tiempollanpi ruruq sacha hinam,

llaqenkunapas manam chakinchu,

tukuy ima ruwasqanpas allinmi lloqsin.

4Mana allin runakunam ichaqa,

wayrapa apasqan qopa hina kanqaku.

5Chayna runakunaqa,

juicio punchawpipas manam hatarimunqakuchu;

manataqmi chuya runakunapa huñunakuyninmanpas yaykunqakuchu.

6Tayta Diosmi reqsin

chuya runakunapa imaynam kawsasqantaqa,

mana allin ruwaqkunam ichaqa puchukanqaku.