Search form

NÚMEROS 7

Altarpi ofrendata churanamanta

1Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca. 2Chai quipami israelcunata mandaccunaca Diosman ofrendata apamurca. Paicunami israelcunata yupanata ayudarca. 3Paicunaca carpahuan catashca sucta carretatapish, chunga ishcai huagratapishmi apamurca. Israelcunata pushaccunaca cada ishcai pushacmi shuc carretata, shuc huagrata Mandac Diospac ñaupaman apamurca.

4Mandac Dios Moisesta rimashpaca: 5«Paicuna apamushcacunata japishpa, imata ruhuac cashcata ricushpa levitacunaman cungui. Chai apamushcacunami ñucahuan tupana huasipica imata ruhuangapac servinga» nirca.

6Moisesca carretacunatapish, huagracunatapish japishpaca levitacunamanmi curca. 7Gersonpac churicunamanca ishcai carretata, chuscu huagratami paicuna imata ruhuana cashcata ricushpa curca. 8Meraripac churicunamanca chuscu carretata, pusac huagratami paicuna imata ruhuana cashcata ricushpa curca. Paicunataca Aarón curapac churi Itamarmi mandacurca. 9Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.

10Altarta aceitehuan cahuishpa, Diospacllata ruhuai punzhami Israel aillucunaca altarta Diosman mingangapac ofrendata apamurca. Chashnami israelcunata mandaccunaca altar ñaupaman apamurca. 11Mandac Dios Moisesta rimashpaca: «Altarta ñucaman mingangapacca punzhantami shuc mandac ñucaman ofrendata apamuna can» nirca.

12Callari punzhapica Judapac aillupuramanta Aminadabpac churi Naasonmi Diosman ofrendata apamurca. 13Paipac ofrendaca Diospaclla ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 14Shinallatac chunga siclosta pezac curi cucharapi inciensota jundachishcatapish apamurcami. 15Shinallatac tucui rupachingapacca shuc becita, shuc cari ovejata, shuc huatayuc cari ovejatami apamurca. 16Shuc cari chivotapish juchata pichachun Diosman cungapac apamurcami. 17Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Aminadabpac churi Naasonpac ofrendaca carca.

18Ishcai punzhapica Zuarpac churi Isacarpac churicunata pushac Natanaelmi ofrendata apamurca. 19Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, shinallatac canchis chunga siclosta pezac cullqui jarromi apamurca. Chai ishcaipitacmi alli harinata aceitehuan jundachishca carca. 20Shinallatac chunga siclosta pezac curi cucharapi inciensota jundachishcatapish apamurcami. 21Tucui rupachingapacca shuc becita, shuc cari ovejata, shuc huatayuc cari ovejatami apamurca. 22Shuc cari chivotaca juchata pichachun Diosman cungapacmi apamurca. 23Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Zuarpac churi Natanaelpac ofrendaca carca.

24Quimsa punzhapica Helonpac churi Zabulonpac churicunata pushac Eliabmi ofrendata apamurca. 25Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 26Shinallatac chunga siclosta pezac curi jatun cucharapi inciensota jundachishcatapish apamurcami. 27Tucui rupachingapacca shuc becita, shuc cari ovejata, shuc huatayuc cari ovejatami apamurca. 28Shuc cari chivotaca juchata pichachun Diosman cungapacmi apamurca. 29Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Helonpac churi Eliabpac ofrendaca carca.

30Chuscu punzhapica Sedeurpac churi Rubenpac churicunata pushac Elisurmi ofrendata apamurca. 31Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 32Shinallatac chunga siclosta pezac curi cucharatapi inciensota jundachishcatapish apamurcami. 33Tucui rupachingapacca shuc becita, shuc cari ovejata, shuc huatayuc cari ovejatami apamurca. 34Shuc cari chivotaca juchata pichachun Diosman cungapacmi apamurca. 35Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc charic pichca cari ovejatami apamurca. Caicunami Sedeurpac churi Elisurpac ofrendaca carca.

36Pichca punzhapica Zurisadaipac churi Simeonpac churicunata pushac Selumielmi ofrendata apamurca. 37Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 38Shinallatac chunga siclosta pezac curi jatun cucharapi inciensota jundachishcatapish apamurcami. 39Tucui rupachingapacca shuc becita, shuc cari ovejata, shuc huatayuc cari ovejatami apamurca. 40Shuc cari chivotaca juchata pichachun Diosman cungapacmi apamurca. 41Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Zurisadaipac churi Selumielpac ofrendaca carca.

42Sucta punzhapica Reuelpac churi Gadpac churicunata pushac Eliasafmi ofrendata apamurca. 43Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 44Shinallatac chunga siclosta pezac curi jatun cucharapi inciensota jundachishcatapish apamurcami. 45Tucui rupachingapacca shuc becita, shuc cari ovejata, shuc huatayuc cari ovejatami apamurca. 46Shuc cari chivotaca juchata pichachun Diosman cungapacmi apamurca. 47Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Reuelpac churi Eliasafpac ofrendaca carca.

48Canchis punzhapica Amihudpac churi Efrainpac churicunata pushac Elisamami ofrendata apamurca. 49Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 50Shinallatac chunga siclosta pezac curi cucharapi inciensota jundachishcatapish apamurcami. 51Tucui rupachingapacca shuc becita, shuc cari ovejata, shuc huatayuc cari ovejatami apamurca. 52Shuc cari chivotaca juchata pichachun Diosman cungapacmi apamurca. 53Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunatami Amihudpac churi Elisamaca Diosman cungapac apamurca.

54Pusacni punzhapica Pedasurpac churi Manasespac churicunata pushac Gamalielmi ofrendata apamurca. 55Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 56Shinallatac chunga siclosta pezac curi cucharapi inciensota jundachishcatapish apamurcami. 57Tucui rupachingapacca shuc becita, shuc cari ovejata, shuc huatayuc cari ovejatami apamurca. 58Shuc cari chivotaca juchata pichachun Diosman cungapacmi apamurca. 59Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Pedasurpac churi Gamalielpac ofrendaca carca.

60Iscun punzhapica Gedeonipac churi Benjaminpac churicunata pushac Abidanmi ofrendata apamurca. 61Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 62Shinallatac chunga siclosta pezac curi cucharapi inciensota jundachishcatapish apamurcami. 63Tucui rupachingapacca shuc becita, shuc cari ovejata, shuc huatayuc cari ovejatami apamurca. 64Shuc cari chivotaca juchata pichachun Diosman cungapacmi apamurca. 65Shinallatac Dios-huan alli tucungapacca ishcai huagrata, pichca cari ovejata, pichca cari chivota, shinallatac shuc huatayuc pichca cari ovejatami apamurca. Caicunami Gedeonipac churi Abidanpac ofrendaca carca.

66Chunga punzhapica Amisadaipac churi Danpac churicunata pushac Ahiezermi ofrendata apamurca. 67Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 68Shinallatac chunga siclosta pezac curi cucharapi inciensota jundachishcatapish apamurcami. 69Tucui rupachingapacca shuc becita, shuc cari ovejata, shuc huatayuc cari ovejatami apamurca. 70Shuc cari chivotaca juchata pichachun Diosman cungapacmi apamurca. 71Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Amisadaipac churi Ahiezerpac ofrendaca carca.

72Chunga shuc punzhapica Ocranpac churi Aserpac churicunata pushac Paguielmi ofrendata apamurca. 73Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 74Shinallatac chunga siclosta pezac curi cucharapi inciensota jundachishcatapish apamurcami. 75Tucui rupachingapacca shuc becita, shuc cari ovejata, shuc huatayuc cari ovejatami apamurca. 76Shuc cari chivotaca juchata pichachun Diosman cungapacmi apamurca. 77Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Ocranpac churi Paguielpac ofrendaca carca.

78Chunga ishcai punzhapica Enanpac churi Neftalipac churicunata pushac Ahirami ofrendata apamurca. 79Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca. 80Shinallatac chunga siclosta pezac curi cucharapi inciensota jundachishcatapish apamurcami. 81Tucui rupachingapacca shuc becita, shuc cari ovejata, shuc huatayuc cari ovejatami apamurca. 82Shuc cari chivotaca juchata pichachun Diosman cungapacmi apamurca. 83Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Enanpac churi Ahirapac ofrendaca carca.

84Aceitehuan cahuishpa, altarta Diospacllata ruhuashpa, paiman mingana punzhapica Israel aillucunata pushaccunaca caicunatami Diosman cungapac apamurca. Chunga ishcai cullqui platota, chunga ishcai cullqui jarrota, chunga ishcai curi cucharatami apamurca. 85Chai chunga ishcai platocunaca cada platomi patsac quimsa chunga siclosta pezarca. Shinallatac chai chunga ishcai jarrocunapish cada jarromi canchis chunga siclosta pezarca. Tucui caicunata tandachicpica, ishcai huaranga chuscu patsac siclostami pezarca. 86Diospaclla cac ucupi tiyac cullqui valishca shinami chunga ishcai curi cucharapi inciensota jundachishca carca. Chai cucharacunaca cada cucharami chunga siclosta pezarca. Tucui tandachicpica, patsac ishcai chunga siclos valicmi carca.

87Tucui rupachina huagracunata tandachicpica, chunga ishcai becicuna, chunga ishcai cari ovejacuna, chunga ishcai shuc huatayuc cari ovejacunatami Mandac Diosman cungapac apamurca. Cutin chunga ishcai cari chivocunataca juchata pichachun cungapacmi apamurca. 88Mandac Dios-huan alli tucungapac apamushcaca ishcai chunga chuscu huagracuna, sucta chunga cari ovejacuna, sucta chunga cari chivocuna, shuc huatayuc cari ovejami carca. Sucta chungata tandachishpami pushaccunaca aceitehuan tallishca quipa altarpi Diosman cungapacca apamurca.

89Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.

Dios Rimashcata Quillcashcami

Dios Rimashcata Quillcashcami © Sociedades Bíblicas Unidas 2010

Texto Biblia en Quichua Cañar © Sociedades Bíblicas Unidas, 2010.

More Info | Version Index