Search form

Luk 6:3-4

3-4Sosu Jisas lowe ma'e itiya'u eiye, “Fene Owane Sitewi lo peri siye te'eye ta'ama awere? Nowe ta se ya'ariyei meni owane nomo lo, Devit, lau erasi iroteye. Le Owane Sitewi lo wesi tutawe papu wiri. Le nau ta'ase amou aniyewe aye. Le lu tewi lo ma'e nau ta'ase amou ape lowe aiwawe ene ateye. Lu yahowa'i a'i werese nau ta'ase amou ape ene arowata. Amou tene! Au heseyei lu owane lowe a'i lai nau ta'ase amou ape fara'u ene arorowa. Fene nowe amou ape lo sitewi so'oru ta'ama.” 5Le lowe ma'e eiye, “Ane, meni hire ma'e itorai ape, ane nowe amou lo Meni Owane Pefine a'i ne. Ane etiri ta nowe amou ape se ta'aneyei ne toterowa su, ane etiri fara'u ta'anerowa.”

Owane Sitewi lo Peri Te'e Naneiyei He'i

© 2004, Wycliffe Bible Translators, Inc. All rights reserved. More Info | Version Index