Search form

I DIKRONIKE 7

Ditloholo tsa Issaskare, tsa Benjamine, tsa Nefthali, tsa Manasse, tsa Efraime le tsa Asere.

1Bara ba Issaskare ke Thola, Pua, Jashube, le Shimrone; ba bane. 2Bara ba Thola ke Ussi, Refaia, Jeriele, Jahmai, Jibsame, le Samuele; ke tsona dihlooho tsa matlo a bontata bona, ke ba ha Thola; e ne e le banna ba bahale melokong ya bona. Mehleng ya Davida, ba ntlo eo e ne e le banna ba dikete tse mashome a mabedi a metso e mmedi tse nang le makgolo a tsheletseng. 3Mora wa Ussi ke Jisraia; bara ba Jisraia ke Mikaele, Obadia, Joele, le Jishia; ba bahlano; kaofela ha bona e ne e le mahosana. 4Melokong ya bona, ha ho uwa ka matlo a bontata bona, ba ne ba ena le dihlopha tsa bahlabani ba lwanang, ba etsang batho ba dikete tse mashome a mararo a metso e tsheletseng; ba ne ba na le basadi le bana ba bangata. 5Bao e leng banababo bona melokong yohle ya Issaskare, e ne e le banna ba bahale, bao palo ya bona masikeng wohle a bona e neng e le dikete tse mashome a robileng meno e le mmedi a metso e supileng.

6Bara ba Benjamine ke Bela, Bekere, le Jediaele; ba bararo. 7Bara ba Bela ke Etsbone, Ussi, Usiele, Jerimothe, le Iri; ba bahlano; e ne e le dihlooho matlung a bontata bona, banna ba bahale; masikeng a bona ha ba balwa, e ne e le dikete tse mashome a mabedi a metso e mmedi tse nang le mashome a mararo a metso e mene. 8Bara ba Bekere ke Semira, Joashe, Eliesere, Eleoenai, Omri, Jerimothe, Abija, Anathothe, le Alamethe. Bao kaofela ke bara ba Bekere. 9Ha ba balwa ka lesika la bona le meloko ya bona, ho uwa ka dihlooho tsa matlo a bontata bona, banna ba bahale, ba etsa kete tse mashome a mabedi tse nang le makgolo a mabedi. 10Hape, mora wa Jediaele ke Bilhane; bara ba Bilhane ke Jeushe, Benjamine, Ehude, Kenaana, Sethane, Tarshishe, le Akishahare. 11Bao kaofela ke bara ba Jediaele, ha ho uwa ka dihlooho tsa matlo a bontata bona, e le banna ba bahale, banna ba dikete tse leshome le metso e supileng tse nang le makgolo a mabedi, ba loketseng ho futuha le ho lwana.

12Hape, ho na le Shuppime, le Huppime, bara ba Ire. Hape ke Hushime, mora wa Akere.

13Bara ba Nefthali ke Jahtsiele, Guni Jetsere, le Shallume; bao ke bara ba Bilha.

14Bara ba Manasse, ke Asriele eo mosadi wa hae a mo tswaletseng yena; serethe sa hae sa Mosiria se mo tswalla Makire, ntata Gileade; 15Makire a nka mosadi wa Huppime le Shuppime; lebitso la kgaitsedi ya hae ke Maaka. Bitso la mora wa hae wa bobedi ke Tselofkade; mme Tselofkade a tswala basetsana. 16Maaka, mosadi wa Makire, a tswala moshanyana, mme a mo rea lebitso la Pereshe; bitso la moenae ya eba Shereshe, mme bara ba hae ke Ulame le Rekeme. 17Mora wa Ulame ke Bedane. Bao ke bara ba Gileade, mora Makire, mora Manasse. 18Kgaitsedi ya hae Hammolekethe a tswala Ishode, Abiesere, le Mahala. 19Bara ba Shemida ke Akiane, Sikeme, Likhi, le Aniame.

20Bara ba Efraime ke Shuthela, le mora hae Berede, le Thahathe, mora hae, le Eleada, mora hae, le Thahathe, mora hae, 21le Sabade, mora hae, le Shutela, mora hae, le Esere, le Eleade, ba neng ba bolawe ke banna ba Gathe ba neng ba le naheng eo, mohla ba futuhelang ho hapa dikgomo. 22Ntata bona Efraime a ba llela ka matsatsi a mangata, mme banababo ba tla ho yena matshedisong. 23A boela a ya ho mosadi wa hae, mme a emola, a ba a tswala moshanyana, mme a mo rea lebitso la Beria (ya kotsing), kahobane ntlo ya hae e ne e tswile kotsi. 24Moradi wa hae ke Sheera, ya ileng a haha Bethe-Horone ya katlase, le Bethe-Horone ya kahodimo, le Ussene-Sheera. 25Mora Beria ke Refa, e mong ke Reshefe, le Thela, mora hae le Thahane, mora hae, 26le Laedane, mora hae, le Ammihude, mora hae, le Elishama, mora hae, 27le Nune, mora hae, le Joshua, mora hae. 28Fatshe la bona le neng le ruilwe ke bona le madulo a bona e ne e le Bethele le metsana ya teng, le Naarane ka nqa botjhabela, le Gesere nqa bophirimela le metsana ya teng; Sikeme le metsana ya teng, ho ya fihla Gasa le metsana ya teng; 29pela moedi wa bana ba Manasse ke Bethe-Sheane le metsana ya teng, Thaanake le metsana ya teng, Megiddo le metsana ya teng, Dore le metsana ya teng. Metseng eo, ho ne ho ahile bana ba Josefa, mora Iseraele.

30Bara ba Asere ke Jimna, Jishva, Jishvi, Beria, le Sera kgaitsedi ya bona. 31Bara ba Beria ke Hebere le Malkiele, ntata Birsavithe. 32Hebere yena a tswala Jaflethe, Shomere, Hothame, le Shua kgaitsedi ya bona. 33Bara ba Jaflethe ke Pasake, Bimhale, le Ashvathe. Bao ke bana ba Jaflethe. 34Bara ba Shamere ke Aki, Rohega, Hubba le Arame. 35Bara ba Heleme moenae ke Tsofa, Jimna, Sheleshe, le Amale. 36Bara ba Tsofa ke Sua, Harnefere, Shuale, Beri, Jimra, 37Betsere, Hode, Shamma, Shilsha, Jithrane, le Beera. 38Bara ba Jethere ke Jefunne, Pispa, le Ara. 39Bara ba Ulla ke Ara, Hanniele, le Ritsia.

40Bao kaofela ke bana ba Asere, e ne e le dihlooho matlung a bontata bona, banna ba kgethilweng, ba bahale, ba baholo hara mahosana. Ka ho ya ka lesika la bona, ba teng ba neng ba loketse ho futuha le ho lwana e ne e le ba dikete tse mashome a mabedi a metso e tsheletseng.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index