Search form

ESDRASE 2

Palo ya Baiseraele ba kgutletseng naheng ya Juda.

1Ke bana batho ba naha ba kgutlileng kgolehong, ba neng ba isitswe kgolehong Babilona ke Nebukadnesare, morena wa Babilona, ba boetseng ba kgutletse Jerusalema le Juda, e mong le e mong motseng wa habo, 2ba ileng le Sorobabele: Ke Joshua, Nehemia, Seraia, Reelaia, Mordekai, Bilshane, Mispare, Bigvai, Rehume, le Baana.

Palo ke ena ya banna ba setjhaba sa Iseraele: 3Bana ba Pereoshe ba kete tse pedi tse nang le lekgolo le le leng le mashome a supileng a metso e mmedi; 4bana ba Shefathia ba makgolo a mararo a mashome a supileng a metso e mmedi, 5bana ba Arake ba makgolo a supileng a mashome a supileng a metso e mehlano; 6baneng ba Joshua, bana ba Pakathe-Moabe ba lesika la Joabe ba kete tse pedi tse nang le makgolo a robileng meno e le mmedi a leshome le metso e mmedi; 7bana ba Elame ba sekete se nang le makgolo a mabedi a mashome a mahlano a metso e mene; 8bana ba Satthu ba makgolo a robileng mono o le mong a mashome a mane a metso e mehlano; 9bana ba Sakkai ba makgolo a supileng a mashome a tsheletseng; 10bana ba Bani ba makgolo a tsheletseng a mashome a mane a metso e mmedi; 11bana ba Bebai ba makgolo a tsheletseng a mashome a mabedi a metso e meraro; 12bana ba Asgade ba sekete se nang le makgolo a mabedi a mashome a mabedi a metso e mmedi; 13bana ba Adonikame ba makgolo a tsheletseng a mashome a tsheletseng a metso e tsheletseng; 14bana ba Bigvai ba kete tse pedi tse nang le mashome a mahlano a metso e tsheletseng; 15bana ba Adine ba makgolo a mane a mashome a mahlano a metso e mene; 16bana ba Athere ba lesika la Esekiase, ba mashome a robileng mono o le mong a metso e robileng meno e le mmedi; 17bana ba Betsai ba makgolo a mararo a mashome a mabedi a metso e meraro; 18bana ba Jora ba lekgolo le nang le leshome le metso e mmedi; 19bana ba Hashume ba makgolo a mabedi a mashome a mabedi a metso e meraro; 20bana ba Gibbare ba mashome a robileng mono o le mong a metso e mehlano; 21bana ba Bethelehema ba lekgolo le nang le mashome a mabedi a metso e meraro, 22banna ba Nethofa ba mashome a mahlano a metso e tsheletseng; 23banna ba Anathothe ba lekgolo le nang le mashome a mabedi a metso e robileng meno e le mmedi; 24bana ba Asmavethe ba mashome a mane a metso e mmedi; 25bana ba Kiryath-Arime, le Kefira, le Beerothe ba makgolo a supileng a mashome a mane a metso e meraro; 26bana ba Rama le Geba ba makgolo a tsheletseng a mashome a mabedi a motso o mong; 27banna ba Mikmashe ba lekgolo le nang le mashome a mabedi a metso e mmedi; 28banna ba Bethele le Ai ba makgolo a mabedi a mashome a mabedi a metso e meraro; 29bana ba Nebo ba mashome a mahlano a metso e mmedi; 30bana ba Magbishe ba lekgolo le nang le mashome a mahlano a metso a tsheletseng; 31bana ba Elame e mong ba sekete se nang le makgolo a mabedi a mashome a mahlano a metso e mene; 32bana ba Harime ba makgolo a mararo a mashome a mabedi; 33bana ba Lode le Hadide le Ono ba makgolo a supileng a mashome a mabedi a metso e mehlano; 34bana ba Jeriko ba makgolo a mararo a mashome a mane a metso e mehlano; 35bana ba Senaa ba kete tse tharo tse nang le makgolo a tsheletseng a mashome a mararo.

36Haele baprista, ya eba bana ba Jedaia, wa ntlo ya Joshua, ba makgolo a robileng mono o le mong a mashome a supileng a metso e meraro; 37bana ba Immere ba sekete se nang le mashome a mahlano a metso e mmedi; 38bana ba Pashkure ba sekete se nang le makgolo a mabedi a mashome a mane a metso e supileng; 39bana ba Harime ba sekete se nang le leshome le metso e supileng.

40Haele Balevi, ya eba bana ba Joshua le Kadmiele, ba lesika la bana ba Hodavia, ba mashome a supileng a metso a mene.

41Haele dibini, ya eba bana ba Asafe ba lekgolo le mashome a mabedi a metso e robileng meno e le mmedi.

42Haele bana ba balebedi ba menyako, ya eba bana ba Shallume, le bana ba Athere, le bana ba Thalmone, le bana ba Akkube, le bana ba Hathitha, le bana ba Shobai; hammoho ba etsa lekgolo le nang le mashome a mararo a metso e robileng mono o le mong.

43Haele Banethinime, ya eba bana ba Tsika, le bana ba Hasufa, le bana ba Thabaothe, 44le bana ba Keroshe, le bana ba Siaha, le bana ba Padone, 45le bana ba Lebana, le bana ba Hagabe, le bana ba Akkube; 46le bana ba Hagabe, le bana ba Shamlai, le bana ba Hanane, 47le bana ba Giddele, le bana ba Gakare, le bana ba Reaia, 48le bana ba Retsine, le bana ba Nekoda, le bana ba Gassame, 49le bana ba Ussa, le bana ba Pasea, le bana ba Besai, 50le bana ba Asna, le bana ba Mehunime, le bana ba Nefusime, 51le bana ba Bakbuke, le bana ba Hakufa, le bana ba Karkure, 52le bana ba Batsluthe, le bana ba Mehida, le bana ba Harsha, 53le bana ba Barkoshe, le bana ba Sisera, le bana ba Thema, 54le bana ba Netsia, le bana ba Hathifa.

55Haele bana ba bafo ba Salomone, ya eba bana ba Sothai, le bana ba Hassoferethe, le bana ba Peruda, 56le bana ba Jaala, le bana ba Darkone, le bana ba Giddele, 57le bana ba Shefathia, le bana ba Hatthile, le bana ba Pokerethe-Hatsebaime, le bana ba Ami.

58Kaofela ha Banethinime le bana ba bafo ba Salomone ya eba makgolo a mararo a mashome a robileng mono o le mong a metso e mmedi.

59Ba bang ke ba tlohileng Thele-Mela, le Thele-Harsha, le Kerub-Addane, le Immere, ba mpa ba sitwa ho supa matlo a bontata bona le lesika la bona le pakang hore ke Baiseraele: 60Ke bana ba Delaia, le bana ba Tobia, le bana ba Nekoda, batho ba makgolo a tsheletseng a mashome a mahlano a metso e mmedi. 61Hape, baneng ba baprista, ya eba bana ba Habaia, le bana ba Hakkotse, le bana ba Barsillai, bao ntata bona a neng a nyetse e mong wa baradi ba Barsillai Mogileade, a mong wa baradi ba Barsillai Mogileade, a bile a bitswa ka lebitso la habo bona. 62Bano ba kile ba batla mangolo a mabitso a bona mangolong a masika, ba mpa ba se ke ba a fumana; ba balwa ke hona e le ba sa hlwekang, mme ba ntshwa bopristeng. 63Mmusisi a ba bolella hore ba se no ja ntho tse halalelang, ho be ho hlahe moprista ya ka emang pela Modimo a tshwere Urime le Thummime.

64Phutheho kaofela, ha e balwa hammoho, ya etsa batho ba kete tse mashome a mane a metso e mmedi tse nang le makgolo a mararo a mashome a tsheletseng, 65kantle ho makgoba a bona a banna le a basadi a neng a etsa dikete tse supileng tse nang le makgolo a mararo a mashome a mararo a metso e supileng; ba makgolo a mabedi ho bona e ne e le dibini tsa banna le tsa basadi. 66Hape, ba ne ba na le dipere tse makgolo a supileng a mashome a mararo a metso e tsheletseng, le dimulete tse makgolo a mabedi a mashome a mane a metso e mehlano, 67le dikamele tse makgolo a mane a mashome a mararo a metso e mehlano, le diesele tse dikete tse tsheletseng tse nang le makgolo a supileng a mashome a mabedi.

68Eitse hobane ba fihle tlung ya Jehova ya Jerusalema, ba bang ba dihlooho tsa matlo a bontata bona ba ntshetsa ntlo ya Jehova dimpho ka ho rata ha bona, hore e tsoswe setsheng sa yona. 69Hape, ka ho ikutlwa matla a bona, ba ntshetsa bobolokelo ba tjhelete tsa mosebetsi didarike tsa kgauta tse dikete tse mashome a tsheletseng a motso o mong, le dimina tsa silefera tse kete tse hlano, le diaparo tse lekgolo tsa baprista.

70Jwale, ke ha baprista, le Balevi, le bao e leng batho feela, le dibini, le balebedi ba menyako, le Banethinime, ba aha metseng ya bona; le Baiseraele bohle ba aha metseng ya bona.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index