Search form

NEHEMIA 7

Palo ya Baiseraele ba tlileng naheng ya Juda le Sorobabele.

1Eitse hobane lerako le phethehe, ka kenya mamati a menyako, mme balebedi ba bewa kabelong ya bona, le tsona dibini, le Balevi. 2Ka bea Hanani ngwaneso, le Hanania, molaodi wa qhobosheane, hore ba lebele Jerusalema; hobane e ne e le monna wa sebele, ya tshabang Modimo ho feta, 3ka re ho bona: Menyako ya Jerusalema e se ke ya bulwa haese ha letsatsi le se le futhumetse; ha lona le sa ntsane le eme teng, ho ke ho kwalwe menyako, mme e tiiswe ka mekwallo; ba ahileng Jerusalema le ba etse balebedi, e mong le e mong sehlopheng sa hae, e mong le e mong maloka le ntlo ya hae. 4Hobane motse o ne o le batsi, o le moholo, empa setjhaba sa teng se ne se se sekae, le wona matlo a ne a eso ho hahuwe.

5Yaba Modimo wa ka o kenya pelong ya ka kgopolo ya ho phutha baholo le mahosana le setjhaba, hore ba balwe ka masika a bona. Ka fumana buka ya masika a ba neng ba tlile pele, ka fumana teng ho ngodilwe, ho thwe:

6Ke bana batho ba naha ba kgutlileng kgolehong ba neng ba isitswe kgolehong ke Nebukadnesare, morena wa Babilona, ba boetseng ba kgutletse Jerusalema le Juda, e mong le e mong motseng wa habo, 7ba tlileng le Sorobabele, le Joshua, le Nehemia, le Asaria, le Raamia, le Nahamani, le Mordekai, le Bilshane, le Misperethe, le Bigvai, le Nehume, le Baana.

Palo ke ena ya banna ba setjhaba sa Iseraele: 8Bana ba Pareoshe ba kete tse pedi tse nang le lekgolo le mashome a supileng a metso e mmedi; 9bana ba Shefathia ba makgolo a mararo a mashome a supileng a metso e mmedi. 10Bana ba Arake ba makgolo a tsheletseng a mashome a mahlano a metso e mmedi; 11baneng ba Joshua bana ba Pakathe-Moabe ba lesika la Joabe ba kete tse pedi tse nang le makgolo a robileng meno e le mmedi a leshome le metso e robileng meno e le mmedi; 12bana ba Elame ba sekete se nang le makgolo a mabedi a nang le mashome a mahlano a metso e mene; 13bana ba Satthu ba makgolo a robileng meno e le mmedi a mashome a mane a metso e mehlano; 14bana ba Sakkai ba makgolo a supileng a mashome a tsheletseng; 15bana ba Binnui ba makgolo a tsheletseng a mashome a mane a metso e robileng meno e le mmedi; 16bana ba Bebai ba makgolo a tsheletseng a mashome a mabedi a metso e robileng meno e le mmedi; 17bana ba Asgade ba kete tse pedi tse nang le makgolo a mararo a mashome a mabedi a metso e mmedi; 18bana ba Adonikame ba makgolo a tsheletseng a mashome a tsheletseng a metso e supileng; 19bana ba Bigvai ba kete tse pedi tse nang le mashome a tsheletseng a metso e supileng; 20bana ba Adine ba makgolo a tsheletseng a mashome a mahlano a metso e mehlano; 21bana ba Athere ba lesika la Esekiase, ba mashome a robileng mono o le mong a metso e robileng meno e le mmedi; 22bana ba Hashume ba makgolo a mararo a mashome a mabedi a metso e robileng meno e le mmedi; 23bana ba Betsai ba makgolo a mararo a mashome a mabedi a metso e mene; 24bana ba Harife ba lekgolo le le leng le nang le leshome le metso e mmedi; 25bana ba Gibeone ba mashome a robileng mono o le mong a metso e mehlano; 26banna ba Bethlehema le ba Nethofa ba lekgolo le nang le mashome a robileng mono o le mong a metso e robileng meno e le mmedi; 27banna ba Anathothe, ba lekgolo le mashome a mabedi a metso e robileng meno e le mmedi; 28banna ba Beth-Asmavethe ba mashome a mane a metso e mmedi; 29banna ba Kiryathe-Jearime le Kefira le Beerothe ba makgolo a supileng a mashome a mane a metso e meraro; 30banna ba Rama le Geba ba makgolo a tsheletseng a mashome a mabedi a motso o mong; 31banna ba Mikmashe ba lekgolo le nang le mashome a mabedi a metso e mmedi; 32banna ba Bethele le Ai ba lekgolo le nang le mashome a mabedi a metso e meraro; 33banna ba Nebo e mong ba mashome a mahlano a metso e mmedi; 34bana ba Elame e mong ba sekete se nang le makgolo a mabedi a mashome a mahlano a metso e mene; 35bana ba Harime ba makgolo a mararo a mashome a mabedi; 36bana ba Jeriko ba makgolo a mararo a mashome a mane a metso e mehlano; 37baba ba Lode le Hadide le Ono ba makgolo a supileng a mashome a mabedi a motso o mong; 38bana ba Senaa ba kete tse tharo tse nang le makgolo a robileng mono o le mong a mashome a mararo.

39Haele baprista, ya eba bana ba Jedaia, wa ntlo ya Joshua, ba makgolo a robileng mono o le mong a mashome a supileng a metso e meraro; 40bana ba Immere ba sekete se nang le mashome a mahlano a metso e mmedi; 41bana ba Pashkure ba sekete se nang le makgolo a mabedi a mashome a mane a metso e supileng; 42bana ba Harime ba sekete se nang le leshome le metso e supileng.

43Haele Balevi, ya eba bana ba Joshua le Kadmiele, le bana ba Hodva, ba mashome a supileng a metso e mene.

44Haele dibini, ya eba bana ba Asafe ba lekgolo le mashome a mane a metso e robileng meno e le mmedi.

45Haele balebedi ba menyako, ya eba bana ba Shallume, bana ba Athere, bana ba Thalmone, bana ba Akkube, bana ba Hathitha, le bana ba Shobai; ba etsa lekgolo le nang le mashome a mararo a metso e robileng meno e le mmedi.

46Haele Banethinime, ya eba bana ba Tsika, bana ba Hasufa, bana ba Tabbaothe, 47bana ba Keroshe, bana ba Sia, bana ba Padone, 48bana ba Lebana, bana ba Hagaba, bana ba Salmai; 49bana ba Hanane, bana ba Giddele, bana ba Gakare, 50bana ba Reaia, bana ba Retsine, bana ba Nekoda, 51bana ba Gassame, bana ba Ussa, bana ba Paseha, 52bana ba Besai, bana ba Mehunime, bana ba Nefushesime, 53bana ba Bakbuke, bana ba Hakufa, bana ba Karhure, 54bana ba Batslithe, bana ba Mehida, bana ba Harsha, 55bana ba Barkoshe, bana ba Sisera, bana ba Thema, 56bana ba Netsiha, le bana ba Hathifa.

57Haele bana ba bafo ba Salomone, ya eba bana ba Sothai, bana ba Soferethe, bana ba Perida, 58bana ba Jaala, bana ba Darkone, bana ba Giddele, 59bana ba Shefathia, bana ba Hatthile, bana ba Pokerethe-Hatsebaime, le bana ba Amone.

60Kaofela ha Banethinime le bana ba bafo ba Salomone ya eba makgolo a mararo a mashome a robileng mono o le mong a metso e mmedi.

61Ba bang ke ba tlohileng Thele-Melha, le Thele-Harsha, le Kerub-Addone, le Immere, ba mpa ba sitwa ho supa matlo a bontata bona, le lesika la bona le pakang hore ke Baiseraele: 62Ke bana ba Delaia, le bana ba Tobia, le bana ba Nekoda ba makgolo a tsheletseng a mashome a mane a metso e mmedi. 63Hape, baneng ba baprista, ya eba bana ba Hobaia, le bana ba Hakkotse, le bana ba Barsillai bao ntata bona a neng a nyetse e mong wa baradi ba Barsillai Mogileade, a bile a rewa lebitso la habo bona. 64Bano ba kile ba batla mangolo a mabitso a bona mangolong a masika, ba mpa ba se ke ba a fumana; ba balwa ke hona e le ba sa hlwekang, mme ba ntshwa bopristeng. 65Mmusisi a ba bolella hore ba se no ya ntho tse halalelang, ho be ho hlahe moprista ya ka emang pela Modimo a tshwere Urime le Thummime.

66Phutheho kaofela, ha e balwa hammoho, ya etsa dikete tse mashome a mane a metso e mmedi tse nang le makgolo a mararo a mashome a tsheletseng, 67kantle ho makgoba a bona a banna le a basadi a neng a etsa dikete tse supileng tse nang le makgolo a mararo a mashome a mararo a metso e supileng; ba makgolo a mabedi a mashome a mane a metso e mahlano ba bona e ne e le dibini tsa banna le tsa basadi. 68Hape, ba ne ba na le dipere tse makgolo a supileng a mashome a mararo a metso e tsheletseng, le dimulete tse makgolo a mabedi a mashome a mane a metso e mehlano, 69le dikamele tse makgolo a mane a mashome a mararo a metso e mehlano, le diesele tse dikete tse tsheletseng tse nang le makgolo a supileng a mashome a mabedi.

70Ba bang ba dihlooho tsa matlo a bontata bona ba ntshetsa mosebetsi dimpho. Mmusisi yena a ntshetsa bobolokelo sekete sa didarike tsa kgauta, le merifi e mashome a mahlano, le diaparo tsa baprista tse makgolo a mahlano a mashome a mararo. 71Ho dihlooho tsa matlo a bontata bona, ba bang ba ntshetsa bobolokelo ba tjhelete tsa mosebetsi didarike tsa kgauta tse dikete tse mashome a mabedi, le dimina tsa silefera tse kete tse pedi tse nang le makgolo a mabedi. 72Se kileng sa ntshwa ke ba bang ba setjhaba ke didarike tsa kgauta tse dikete tse mashome a mabedi, le dimina tsa silefera tse kete tse pedi, le diaparo tsa baprista tse mashome a tsheletseng a metso e supileng.

73Jwale baprista, le Balevi, le balebedi ba menyako, le dibini, le bao e leng batho feela, le Banethinime, le Baiseraele bohle, ba aha metseng ya bona.

Ho balwa molao phuthehong ya setjhaba sohle. — Ho etswa mokete wa Metlotlwane.

Eitse ha ho thwasa kgwedi ya bosupa, bana ba Iseraele ba ne ba se ba le metseng ya bona.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index