Search form

DIPESALEME 1

BUKA YA PELE

Ho se tshwane ha morapedi le ya sa rapelang.

1Ho lehlohonolo motho ya sa lateleng keletso ya bakgopo, ya sa emeng tseleng ya baetsadibe, ya sa duleng mokgatlong wa basomi; 2empa a ithabela malaong wa Jehova, molao wa wona a o nahana motshehare le bosiu. 3O jwaloka sefate se hlomilweng pela metsi a kwellang, se beang ditholwana tsa sona ka kgwedi ya tsona, seo mahlaku a sona a sa foforeheng; seo a se etsang kaofela se a mo atla.

4Empa bakgopo ha ba jwalo, ba jwaloka mooko o fefolwang ke moya; 5le kahlolong bakgopo ba ke ke ba ema, leha e le baetsadibe phuthehong ya ba lokileng. 6Hobane Jehova o tseba tsela ya ba lokileng, empa tsela ya bakgopo e fella tshenyehong.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index