Search form

DIPESALEME 11

Tshepo ya motho ha a le tsietsing ya ho timela.

Ho monga baphokodi. Pesaleme ya Davida.

1Ke beile tshepo ya ka ho Jehova; na le ka re ho moya wa ka jwang: Balehela dithabeng tsa heno jwaloka nonyana? 2Hobane, bonang, bakgopo ba koba diqha tsa bona, ba tjheha metsu ya bona lesikeng, ho phosetsa batho ba pelo tse lokileng lefifing. 3Ha metheo e helehile, ya lokileng a ka etsa jwang?

4Jehova o sehalalelong sa hae, Jehova o na le terone ya hae mahodimong; mahlo a hae a bona, dintshi tsa hae di leka bana ba batho. 5Jehova o lekola ya lokileng; moya wa hae o hloile ya kgopo le ya ratang sehloho. 6O nesetsa bakgopo mashala le mollo le sebabole; moya o tjhesang ke sona senwelo seo ba se abetsweng. 7Hobane Jehova o lokile, o rata ketso tse lokileng; batho ba lokileng ba boha sefahleho sa hae.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index