Search form

DIPESALEME 112

Thoriso ya ya tshabang Modimo.

1Bokang Jehova! Ho lehlohonolo motho ya tshabang Jehova, ya ithabelang ditaelong tsa hae haholo. 2Lesika la hae le tla ba matla lefatsheng, mme ditloholo tsa ya lokileng di tla hlohonolofala. 3Menono e ka tlung ya hae le maruo; ho loka ha hae ho hlola ka ho sa feleng. 4Lefifing, lesedi le tjhabela ya lokileng; o mohau, o lereko, o lokile. 5Ho lehlohonolo ya fanang, ya adimanang; nyewe ya hae e tla emelwa kahlolong. 6Hobane a ke ke a sisinngwa le ka mohla o le mong, ya lokileng o tla hopolwa ka ho sa yeng kae. 7A ke ke a tshoha ke pehi e mpe, pelo ya hae e tiile, e itshepisa ka Jehova. 8Pelo ya hae e tiile hantle, ha a tshohe letho, a mahlo a hae. 9O abela, o fa bahloki; ho loka ha hae ho hlola ka ho sa feleng; lenaka la hae le ema ka kganya. 10E mobe o tla bona hoo, a hlokofale ke hona; o tla tsikitlanya meno, a omelle. Ditakatso tsa ba babe di tla etswa lefeela.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index