Search form

DIPESALEME 120

Thapelo e kopang thuso nakong ya diphapang.

Sefela sa Mahalothe (methati).

1Matswalong a ka ke phahamisetsa mehoo ya ka ho Jehova, mme o a nkaraba. 2Jehova, o lopolle moya wa ka melomong e etsang leshano, le lelemeng le thetsang. 3Na moputso wa hao keng, mme seo o tla se kotula keng, wena, leleme le leshano? 4O tla putswa ka metsu e ntjhotjho ya mohale, le ka mashala a hlenneng a sehalahala.

5Ke madimabe hakakang, ha ke aheletse Mesheke, leha ke dutse ditenteng tsa Kedare! 6Ke se ke ikaheletse halelele haholo hara ba hloyang kgotso. 7Ke rata kgotso feela! Empa ha ke bua, ba batla ntwa.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index