Search form

DIPESALEME 124

Thoko e rokang ya tsebang ho lwela motho metsing le marabeng.

Sefela sa Mahalothe. Sa Davida.

1Hola e se be Jehova ya re lwanetseng, — Iseraele a ke a rialo! — 2hola e se be Jehova ya re hauhetseng, mohla batho ba neng ba re phahamela, 3ba ka be ba re hohlomeditse re ntse re utlwa, mohla bohlanya ba bona bo re tukelang; 4mehleng eo, metsi a ka be a re kgurumeditse, mme diphororo di ka be di fetile hodima meya ya rona. 5Metsi a phorosetsang a ka be a fetile hodima meya ya rona.

6Ho roriswe Jehova ya sa kang a re neela ho rusollwa ke meno a bona! 7Moya wa rona o phonyohile jwaloka nonyana lerabeng la motshwasi; leraba le ne le kgaohe, ra phonyoha.

8Thuso ya rona e lebitsong la Jehova, ya entseng mahodimo le lefatshe.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index