Search form

DIPESALEME 130

Dillo tsa motho ha a le mahlomoleng a tshabehang.

Sefela sa Mahalothe.

1Jehova, botebong ba bodiba ke bitsa ho wena! 2Morena, utlwa lentswe la ka; ditsebe tsa hao a di ke di sekehelwe thapelo ya ka!

3Jehova, ha o ka lotolotsa makgopo, ke mang ya ka emang pela hao, Morena? 4Empa tshwarelo e teng ho wena, o tle o tshajwe.

5Ke itshepetse Jehova, moya wa ka o mo tshepile, ke itshepisa ka pallo ya hae. 6Moya wa ka o lebeletse Morena ka tebello e fetisang ya ba lebellang meso, ya ba lebellang meso.

7Iseraele, o itshepele Jehova, hobane mohau o teng ho Jehova; topollo e kgolo e teng ho yena. 8Ke yena ya tlang ho lopolla Iseraele makgopong a hae kaofela.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index