Search form

DIPESALEME 16

Modimo o tseba ho phemisa motho bohloki le lefu.

Sefela sa Davida.

1Oho Modimo, o mpoloke, hobane ke tshabela ho wena. 2Ke itse ho Jehova: Ke wena Morena wa ka; kantle ho wena ha ke na leruo le fetisang ka boholo. 3Bakgethehi ba lefatsheng, banna ba borapedi ba sebele, ke bao ke kgahlwang ke bona. 4Ho atiswa medimo ya bohata, ho nyehellwa medimo esele. Nke ke ka hlahisa ditshelo tsa yona tsa madi, mabitso a yona a ke ke a hlaha melomong ya ka. 5Jehova ke kabelo ya ka, ke mohope oo ke o abetsweng; ke wena ya ntiiselletsang lefa la ka. 6Ke neilwe kabelo ya ka nqalong tse ntle, le lefa la ka dinaheng tse kgahlehang.

7Ke rorisa Jehova, hobane e bile moeletsi wa ka; esita le ka bosiu pelo ya ka e a nkeletsa. 8Ke beile Jehova pela ka kamehla; nke ke ka sisinyeha, hobane o lehlakoreng la ka le letona. 9Pelo ya ka e thabile ke hona, moya wa ka o nyakaletse, le yona nama ya ka e tla phomola ka tshepo; 10hobane o ke ke wa tlohela moya wa ka nqalong ya bafu, o ke ke wa dumela hoba mokgethwa wa hao a bone ho bola. 11O tla ntsebisa tsela ya bophelo. Kgora ya thabo e teng pela hao, le dinyakallo tse sa feleng tsohong la hao le letona.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index