Search form

DIPESALEME 20

Thapelo ya morena mohla ntwa.

Ho monga baphokodi. Pesaleme ya Davida.

1Jehova a ke a o utlwe ka tsatsi la matswalo; lebitso la Modimo wa Jakobo le ke le o sireletse. 2A ke a o romele thuso ya hae e tswang sehalalelong, a o fe ho tiya a le Sione! 3A ke a hopole dinyehelo tsa hao kaofela, a amohele ditjheso tsa hao! (Sela.) 4A ke a o fe se ratwang ke pelo ya hao, a phethise tseo o di rerileng! 5Etlaba moo re thabelang hlolo ya hao; ka lebitso la Modimo wa rona re tla emisa difolaga tsa rona. Jehova a ke a o fe tsohle tseo o di qelang.

6Le jwale ke a tseba hobane Jehova o pholosa motlotsuwa wa hae; o tla mo araba a le lehodimong la hae le halalelang, ka diketso tse matla tsa letsoho la hae le letona. 7Ba bang ba ithorisa ka makoloi a bona, ba bang ka bakalli ba bona; empa rona, re tla ithorisa ka lebitso la Jehova, Modimo wa rona; 8bona, ba kobeha, ba wa; empa rona, re tla tiya, re eme. 9Jehova, boloka morena! o ke o re utlwe, ha re o rapela!

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index