Search form

DIPESALEME 54

Motho o a ikgothatsa, leha a teetswe hare ke ba ratang ho mmolaya.

Ho monga baphokodi. Sefela sa Davida, se tle se binwe ka tse tidinngwang, sa mohla Basife ba tlileng ho Saule, ba re: Na Davida ha a ipate hara rona na?

1Oho Modimo, o mpoloke ka lebitso la hao, o nkemele ka matla a hao! 2Modimo, o mamele thapelo ya ka, o sekehele ditaba tsa molomo wa ka tsebe! 3Hobane basele ba ntsohela matla, batho ba sehloho ba batla bophelo ba ka; ha ba ka ba bea Modimo pela mahlo a bona. (Sela.)

4Bonang, Modimo ke mothusi wa ka, Morena ke e mong wa ba emelang bophelo ba ka. 5O tla dihela hodima bao e leng dira ho nna bolotsana ba bona. O ke o ba qete, botshepehing ba hao! 6Ka pelo e mafolofolo ke tla o etsetsa mahlabelo, ke rorise lebitso la hao, Jehova, hobane le molemo; 7hobane o ntopolotse ditsietsing tsa ka kaofela, mme mahlo a ka a bone tshenyeho ya bao e leng dira ho nna.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index