Search form

DIPESALEME 63

Thapelo ya hosasa ya motho ya leleketsweng nahathotheng e hlokang metsi.

Pesaleme ya Davida, ya mohla a neng a le feelleng la Juda.

1Oho Modimo, o Modimo wa ka, ke a o batla; 2moya wa ka o nyoretswe wena, nama ya ka e tsetselela wena, naheng ena e tshehla, e feelleng, e se nang metsi. 3Ke ka mokgwa o jwalo ke lebisitseng mahlo a ka ho wena sehalalelong, ke tle ke bone matla a hao le kganya ya hao; 4hobane mohau wa hao o fetisa bophelo ka monate. Melomo ya ka e a o rorisa. Ke ka mokgwa o jwalo ke tlang ho o rorisa, ha ke ntse ke phela, ke be ke emisetse matsoho a ka ho wena ka lebitso la hao. 5Moya wa ka o tla kgora jwaloka hoja ke jele moko le mafura, mme ka lentswe la nyakallo molomo wa ka o tla o roka.

6Ha ke o hopola ke sekame diphateng tsa ka, ke ntse ke nahana tsa hao ka dinako tsa bosiu. 7Hobane o thuso ya ka, mme ke hlasimoloha moriting wa mapheo a hao. 8Moya wa ka o o kgomaretse, letsoho le letona la hao le a ntshehetsa. 9Empa ba batlang bophelo ba ka, ba reng ke timele, ba tla hohlomela maleng a lefatshe. 10Ba tla neelwa lerumo, ba fetohe dijo tsa diphokojwe. 11Empa morena o tla ithabela ho Modimo; bohle ba anang ka wona ba tla nyakalla; hobane melomo ya ba bolelang mashano e tla thijwa.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index