Search form

DIPESALEME 75

Moahlodi o tlisitse mohope wa bohale ho o nosa dira tsa hae.

Ho monga baphokodi. Ka pina ya Aletashethe. Pesaleme ya Asafe. Sefela.

1Re a o roka, Modimo, re a o roka; lebitso la hao le pela rona; ho bolelwa meeka ya hao.

2Etlare hobane ke bee latsatsi la teng, ke tla ahlola ka ho loka. 3Lefatshe le a tlakasela le ba ahileng ho lona; empa ke nna ke tiisang ditshiya tsa lona. (Sela.)

4Ke moo ke reng ho baikakasi: Le se ke la ikakasa! le ho banyefodi: Le se ke la phahamisa lenaka la lona. 5Le se ke la phahamisa lenaka la lona hakalo, le se ke la bua ka bonyefodi, ka melala e sataletseng!

6Hobane kahlolo ha e tswe botjhabela, leha e le bophirimela, leha e le lefeelleng; 7empa ke Modimo o ahlolang: o kokobetsa e mong, mme e mong o mo phahamise. 8Hobane mohope o letsohong la Jehova, veine e phophoma ho wona, e tletse ditswako; o tshela ka wona, mme banyefodi ba lefatshe ba tla nwa ho wona, ba be ba nwe le ditshifa. 9Haele nna, ke tla nne ke bolele tseo kamehla, ke rorise Modimo wa Jakobo!

10Ke tla roba dinaka tsa ba bolotsana; empa dinaka tsa ba lokileng di tla phahamiswa.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index