Search form

مَسٍنيِ دْنشْي int

مَسٍنيِ ندٍ يِ كِتَابُي شَ قٍ رَ

عَلَ عَ شَ مَسٍنيِ سِنفٍيٍ قِشِ وٌن مَ عَننَبِ مُنسَ نَن سَابُي رَ. نَ مَسٍنيِ دْشْ سُولِيٍ قِندِشِ كِتَابُي كٍرٍن نَن نَ، نَشَن شِلِ قَلَمَ تَوُرٍتَ مُنسَ. عَ دْشْ سِنفٍ عَلَ شَ حَمَ قْلْ كِ نَن مَسٍنمَ. عَلَ تٌ عَننَبِ عِبُرَهِمَ سُفَندِ، عَ عَ شّي كَنَان بْشِ مَ، عَ شَ دِيٍ نَشَ قِندِ بْنسْي بٍلٍبٍلٍ رَ مّننِ. عَننَبِ يَشُبَ وَشَتِ، كَامّ نَشَ دِن بْشِ رَ عٍ نُ دّننَشّ. عَننَبِ يَشُبَ شَ دِيٍ نَشَ سِفَ مِسِرَ بْشِ مَ بَلٌي قٍندٍ. عَلَ نَشَ عَ رَفِرِ، عٍ شَ عٍ شُنيَ يُسُقُ لِ نَا. عَننَبِ يُسُقُ نَشَ عٍ مَلِ عَ قَنيِ رَ.

عَلَ نَشَ نَ بْنسْي مَلِ هَن عٍ قِندِ سِ بٍلٍبٍلٍ رَ. حّ وُيَشِ تٌ دَنفِ، مِسِرَ مَنفّ نَشَ فَاشُ قْلْ عٍ يَ رَ. عَ نَشَ عٍ قِندِ كٌنيِيٍ رَ عَلَكٌ عٍ نَشَ نْ مِسِرَكَيٍ رَ. نَ كٌنيِيَ نَشَ بُ هَن عَلَ عَننَبِ مُنسَ شّي تّمُي نَشّ. عَلَ نَشَ عَ مَلِ شْرّيَ قِدٍ عَ شَ مِشِيٍ مَ. عٍ نَشَ مِنِ مِسِرَ بْشِ مَ عَلَ سّنبّ سَابُي رَ، نَشَن بَا بْتِنِ مَبَ عَلَكٌ عٍ شَ عَ عِفِرِ عٍ سَنيِ رَ.

نَ كَابَنَكٌ بٍلٍبٍلٍ شَنبِ، عَلَ نَشَ عٍ شُن تِ كَنَان بْشِ رَ، عَ دّننَشّ قِ عٍ مَ. كِرَ رَ، عَلَ نَشَ مِنِ عٍ مَ تُرُ سِنِنَ فٍيَ قَرِ. عَ نَشَ عَ شَ يَامَرِ قُ قِ عَننَبِ مُنسَ مَ، عٍ سّبّشِ فّمّ وَلَشّ مَ. عَلَ مَن نَشَ سّرِيّ فبّتّ قَلَ عَننَبِ مُنسَ بّ عَلَكٌ حَمَ شَ لُ عٍ مَرِفِ سَفٌي. كْنْ حَمَ نَشَ عَلَتَلَ مَتَندِ سَنيَ وُيَشِ فبٍنفبٍرٍنيِ مَ. نَ تَرُشُي بِرِن سّبّشِ تَوُرٍتَ مُنسَ نَن كُي.

بٍينُن عٍ شَ كَنَان بْشِ سْتْ، عَننَبِ مُنسَ نَشَ عٍ مَلَن يِرٍ كٍرٍن. مّننِ عَ نَشَ يِ تَرُشُي بِرِن مَدْشْ عٍ بّ. عَ مَن نَشَ فبِلٍن عَلَ شَ سّرِيّ بِرِن مَ عَلَكٌ عٍ نَشَ نّيمُ عَ مَ كَنَان. عَ تٌ فّ نَ بِرِن تَفِ رَبَ عٍ بّ، عٍ نَشَ لَايِدِ تٌنفٌ بِرَقٍ رَ عَلَ شَ سّرِيّ قْشْ رَ. نَ مَسٍنيِ دْشْ سُولِ ندٍ بِرِن شِلِ قَلَمَ، «عَننَبِ مُنسَ شَ مَسٍنيِ دْنشْي.» نَ دَنفِ شَنبِ، عَننَبِ مُنسَ نَشَ لَاشِرَيَ فٍيَ قَرِ.

يِ كِتَابُي لْننِ قِمَ وٌن مَ عَلَكٌ وٌن شَ عَلَ شَ سّرِيّ كٌلٌن. عَلَ شَ وٌن مَلِ نَ كٌلٌنقٍ رَ. عَمِنَ.

تَوُرٍتَ مُنسَ

عَننَبِ مُنسَ شَ مَسٍنيِ دْنشْي

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index