Search form

يّتّ سْتْي 27

سّرّشّبَدٍ، هْرْ مْلِنفِرَ تّتّ

نُن هْرْ مْلِنفِرَ لَنثُي تُرٍ

1«عِ شَ سّرّشّبَدٍ يَءِلَن كَسِيَ وُرِ رَ، نَشَن كُيَ نْنفْن سُولِ، عَ عِفبٌ نْنفْن سُولِ، عَ عِتٍ نْنفْن سَشَن. 2عِ شَ قٍرِ نَانِ يَءِلَن عَ تُشُي بِرِن مَ، نَشٍيٍ قِندِشِ سٍ كٍرٍن نَ سّرّشّبَدٍ رَ. عِ شَ وُرٍ فبٍيلِ مَسٌ نَ بِرِن مَ. 3عِ شَ عَ يِرَبَسٍ بِرِن يَءِلَن وُرٍ فبٍيلِ رَ، عَلْ شُبٍ سَسٍيٍ، ثٍلِيٍ، ثْوتِيٍ، سُبٍ سْشْسٍيٍ، نُن تُندٍيٍ تّ سَمَ نَشٍيٍ كُي. 4عِ شَ سٍ ندٍ يَءِلَن وُرٍ فبٍيلِ رَ نَشَن سَمَ تّ شُن مَ، سُبٍ سَمَ نَشَن قَرِ. عِ شَ سُشُسٍ دِفِلِنشِيٍ وُرٍ فبٍيلِ دَاشِ سَ عَ تُشُي مَ، 5عَلَكٌ عَ شَ فبَكُ سّرّشّبَدٍ كُي عَ تَفِ. 6عِ شَ وُرِ كُيٍيٍ يَءِلَن كَسِيَ وُرِ رَ وُرٍ فبٍيلِ مَسٌشِ عٍ مَ. 7عٍ رَ سٌمَ سُشُسٍ دِفِلِنشِ نَانِيٍ نَن كُي سّرّشّبَدٍ سّيتِ قِرِنيِيٍ مَ عَ شَنِنقٍ رَ. 8عِ شَ نَ سّرّشّبَدٍ يَءِلَن شٍبٍنيِيٍ نَن نَ. سٍسٍ نَشَ لُ عَ كُي. عِ شَ عَ يَءِلَن عَلْ ﭑ عِ يَمَرِشِ كِ نَشّ فٍيَ قَرِ.»

9«عِ شَ هْرْ مْلِنفِرَ تّتّ يَءِلَن يِ كِ نّ؛ تّتّ شَ كُيَ نْنفْن كّمّ يِرٍقَنيِ مَبِرِ رَ. عِ شَ فّرّ سُوَ دُفِ فبَكُ نَ 10وُرِ مْشْحّن مَ، نَشٍيٍ تِشِ سَنبُنيِ وُرٍ فبٍيلِ دَاشِيٍ مَ. نَ دُفِ سُشُسٍيٍ شَ يَءِلَن فبٍتِ رَ. 11تّتّ شَ كُيَ نْنفْن كّمّ كْولَ قَن مَبِرِ رَ. عِ شَ فّرّ دُفِ فبَكُ نَ وُرِ مْشْحّن مَ، نَشٍيٍ تِشِ سَنبُنيِ وُرٍ فبٍيلِ دَاشِيٍ مَ. نَ دُفِ سُشُسٍيٍ شَ يَءِلَن فبٍتِ رَ. 12تّتّ شَ عِفبٌ نْنفْن تٌنفٌ سُولِ سٌفٍفٌرٌدٍ مَبِرِ رَ. عِ شَ فّرّ دُفِ فبَكُ نَ وُرِ قُ مَ، نَشٍيٍ تِشِ سَنبُنيِ وُرٍ فبٍيلِ دَاشِيٍ مَ. 13تّتّ شَ عِفبٌ نْنفْن تٌنفٌ سُولِ سٌفٍتٍدٍ قَن مَبِرِ رَ. 14فّرّ دُفِ شَ فبَكُ سّيتِ مَ وُرِ سَشَن مَ، نَشٍيٍ تِشِ سَنبُنيِ مَ. نَ شَ كُيَ نْنفْن قُ نُن سُولِ. 15فّرّ دُفِ فبّتّ شَ فبَكُ بٌورٍ سّيتِ مَ وُرِ سَشَن مَ، نَشٍيٍ تِشِ سَنبُنيِ مَ. نَ قَن شَ كُيَ نْنفْن قُ نُن سُولِ. 16تّتّ سٌدٍ دّ شَ يَءِلَن سُوَ دُفِ رَ نَشَن مَسْشْشِ فّسّ فّرّ دَاشِ نُن فّسّ بُلُ دَاشِ نُن فّسّ فبٍيلِ رَ. نَ دُفِ شَ نْنفْن شَ مْشْحّن سْتْ. نَ شَ فبَكُ وُرِ نَانِ مَ، نَشٍيٍ تِشِ سَنبُنيِ مَ. 17وُرِ نَشٍيٍ تِشِ تّتّ مَ، عٍ تِشِ عٍ سَنبُنيِ وُرٍ فبٍيلِ دَاشِيٍ مَ. دُفِ سُشُسٍيٍ قَن نَ عٍ مَ نَشٍيٍ يَءِلَنشِ فبٍتِ رَ. 18نَ هْرْ مْلِنفِرَ تّتّ كُيّيَ لَنمَ نْنفْن كّمّ نَن مَ، عَ عِفبٌيَ نْنفْن تٌنفٌ سُولِ. سُوَ دُفِ نَشٍيٍ فبَكُشِ نَ، عٍ عِتٍ نْنفْن سُولِ. تّتّ وُرِ سَنبُنيِيٍ، 19هْرْ مْلِنفِرَ يِرَبَسٍ بِرِن، نُن تّتّ لُوتِ شِرِ مَ سٍ نَشٍيٍ مَ، نَ بِرِن يَءِلَنمَ وُرٍ فبٍيلِ نَن نَ.»

20«عِ شَ عِسِرَيِلَكَيٍ يَامَرِ، عٍ شَ قَ عٌلِوِ تُرٍ قَنيِ رَ عِ شْن مَ، عَلَكٌ هْرْ مْلِنفِرَ لَنثُييٍ شَ دّشّ تّمُي بِرِن. 21هَرُنَ نُن عَ شَ دِيٍ شَ نَ لَنثُييٍ رَدّشّ، نَشٍيٍ نَ هْرْ مْلِنفِرَ كُي، ﭑ عِ لِمَ دّننَشّ، يِرٍ سّنِيّنشِ قِسَمَنتٍ يَ رَ، دُفِ فبَكُشِ دّننَشّ سَاتّ كَنكِرَ يَ رَ. نَ لَنثُييٍ شَ يَنبَ عَلَتَلَ يَ شْرِ كٍلِقٍ كْي هَن فّيسّفّ. سّرِيّ نَن نَ كِ عِسِرَيِلَ بْنسْي بِرِن بّ نَشَن مُ كَنَمَ عَبَدَن.»

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index