Search form

يّتّ سْتْي 36

بٍسَلٍلِ نُن عٌهٌلِيَبُ شَ وَلِ

1بٍسَلٍلِ، عٌهٌلِيَبُ، نُن وَلِ قَنيِ رَبَيٍ، عَلَتَلَ بَرَ شَشِلِ قَنيِ قِ نَشٍيٍ مَ، عَلَكٌ عٍ شَ هْرْ مْلِنفِرَ وَلِ بِرِن نَبَ كِ كٌلٌن لْننِ قَنيِ رَ، نٍيٍ وَلِ سُشُ نّ عَلْ عَلَتَلَ عَ يَمَرِ كِ نَشّ. 2مُنسَ نَشَ بٍسَلٍلِ، عٌهٌلِيَبُ، نُن وَلِ قَنيِ رَبَيٍ شِلِ، عَلَتَلَ بَرَ شَشِلِ قَنيِ قِ نَشٍيٍ مَ، نَشٍيٍ نُ بَرَ عَ حَنِفٍ عٍ شَ نَ وَلِ رَبَ. 3مُنسَ نَشَ هَدِيَ بِرِن سٌ عٍ يِ رَ، عِسِرَيِلَكَيٍ نَشٍيٍ بَشِ سّرّشّ حَنِفٍشِ رَ عٍ شَ هْرْ مْلِنفِرَ تِقٍ شَ قٍ رَ. فّيسّفّ يٌ فّيسّفّ، عٍ نُ هَدِيَ فبّتّ سْتْمَ. 4نَ وَلِ قَنيِ رَبَيٍ نَشَ كٍلِ عٍ شَ وَلِيٍ دّ عِ، عَلَكٌ عٍ شَ هْرْ مْلِنفِرَ وَلِ فبَنسَن نَبَ. 5عٍ نَشَ عَ قَلَ مُنسَ بّ، «حَمَ قَمَ هَدِيَ نَشٍيٍ رَ، عَ فبٌ وَلِ بّ، عَلَتَلَ نَشَن يَمَرِشِ.» 6نَ كُي مُنسَ نَشَ يَامَرِ قِ، يِ شِبَارُ شَ رَيٍنسٍن يٌنكِندٍ كُي، «مِشِ نَشَ وَلِ سْنْن هَدِيَ شَ قٍ رَ، نَشَن بَمَ هْرْ مْلِنفِرَ تِقٍ رَ.» حَمَ نَشَ نَ شُي رَبَتُ، عٍ مُ قَ نَ هَدِيَ مْولِ رَ سْنْن. 7سٍ نَشٍيٍ نُ بَرَ بَ، نٍيٍ نُ نْمَ وَلِ رَحْندٍ عَ قَنيِ رَ.

8وَلِ قَنيِ رَبَيٍ نَشَ هْرْ مْلِنفِرَ تِ سُوَ دُفِ قُ رَ، عَ فّرّ دَاشِ، عَ بُلُ دَاشِ، نُن عَ فبٍيلِ. عٍ مَلٍكّيٍ سَوُرّ مَسْشْ عَ مَ عَ تٌقَن كِ مَ. 9دُفِ بِرِن كُيَ نْنفْن مْشْحّن نُن سٌلٌمَسَشَن، عٍ عِفبٌ نْنفْن نَانِ. عٍ كُيّ نُن عٍ عِفبٌيَ لَن. 10عٍ دُفِ سُولِ دّفّ عٍ بٌورٍ رَ، عٍ دُفِ سُولِ فبّتّ قَن دّفّ عٍ بٌورٍ رَ. نَ كُي نَ دُفِ قُ بَرَ قِندِ دُفِ قِرِن نَ. 11عٍ فّسّ فّرّ دَاشِ دّفّ نَ دُفِ سِنفٍ دّ كِرِ مَ، عَ نُن نَ دُفِ قِرِن ندٍ دّ كِرِ مَ. 12عٍ فّسّ تٌنفٌ سُولِ دّفّ نَ قِرِنيِ دّ كِرِ مَ عَلَكٌ عٍ بِرِن شَ لَن عٍ بٌورٍ مَ. 13عٍ سُشُسٍ تٌنفٌ سُولِ يَءِلَن شّيمَ رَ، نَ دُفِ قِرِنيِيٍ رَلَن عٍ بٌورٍ رَ نَ سُشُسٍيٍ رَ. نَ نَن عَ نِيَ هْرْ مْلِنفِرَ قِندِ دُفِ كٍرٍن نَ.

14عٍ دُفِ قُ نُن كٍرٍن سْشْ سِ شَبٍ رَ، نَشٍيٍ عَلَ شَ هْرْ مْلِنفِرَ مَكٌتٌمَ. 15دُفِ كٍرٍن كُيَ نْنفْن تٌنفٌ سَشَن، عَ عِفبٌ نْنفْن نَانِ. نَ دُفِ قُ نُن كٍرٍنيِ بِرِن لَن نّ. 16عٍ دُفِ سُولِ دّفّ عٍ بٌورٍ رَ، عٍ قِندِ دُفِ كٍرٍن نَ. نَ دُفِ سٍننِ نَشٍيٍ لُشِ، عٍ قَن دّفّ عٍ بٌورٍ رَ. 17عٍ فّسّ تٌنفٌ سُولِ دّفّ نَ دُفِ سِنفٍ رَ، عَ نُن نَ دُفِ قِرِن ندٍ رَ. 18عٍ سُشُسٍ تٌنفٌ سُولِ يَءِلَن وُرٍ فبٍيلِ رَ، نَ دُفِ قِرِنيِيٍ رَلَن عٍ بٌورٍ رَ نَ سُشُسٍيٍ رَ. نَ نَن عَ نِيَ نَ بِرِن قِندِ دُفِ كٍرٍن نَ نَشَن عَلَ شَ هْرْ مْلِنفِرَ مَكٌتٌمَ. 19عٍ مَكٌتٌسٍ فبّتّ يَءِلَن يّشّي كٌنتٌنيِ كِرِ رَ، نَشَن سٌشِ عَ فبٍيلِ رَ. عٍ مَكٌتٌسٍ فبّتّ يَءِلَن ثٍرٍ مُي كِرِ رَ.

20عٍ كَسِيَ وُرِ شَبَ شٍبٍنيِيٍ رَ هْرْ مْلِنفِرَ تِمَ نَشٍيٍ رَ. 21كَنكَن كُيَ نْنفْن قُ، عَ عِفبٌ نْنفْن كٍرٍن نُن عَ تَفِ. 22سُشُسٍ قِرِن لُ هْرْ مْلِنفِرَ شٍبٍنيِ بِرِن مَ عٍ كَقُمَ عٍ بٌورٍ مَ نَشٍيٍ رَ. 23شٍبٍنيِ مْشْحّن نَن تِ هْرْ مْلِنفِرَ يِرٍقَنيِ مَ. 24سَنبُنيِ فبٍتِ دَاشِ تٌنفٌ نَانِ نَن سَ نَ شٍبٍنيِ مْشْحّن بُن مَ، شٍبٍنيِ كٍرٍن، سَنبُنيِ قِرِن. عٍ لُ شٍبٍنيِ سُشُسٍيٍ قّ مَ. 25شٍبٍنيِ مْشْحّن نَن تِ هْرْ مْلِنفِرَ كْولَ قَن مَ، 26عَ نُن عٍ سَنبُنيِ فبٍتِ دَاشِ تٌنفٌ نَانِ، شٍبٍنيِ كٍرٍن، سَنبُنيِ قِرِن. 27شٍبٍنيِ سٍننِ نَن تِ هْرْ مْلِنفِرَ شَنبِ رَ سٌفٍفٌرٌدٍ مَبِرِ. 28عٍ شٍبٍنيِ قِرِن يَءِلَن تُشُييٍ بّ هْرْ مْلِنفِرَ شَنبِ رَ، 29نَشٍيٍ قُفٍ نُن لَبٍ لَنمَ عٍ بٌورٍ مَ، عٍ شِرِ قُفٍ رَ سٍ دِفِلِنشِ رَ. نَ تُشُي قِرِنيِ يَءِلَن نَ كِ نّ. 30نَ بِرِن لَنشِ شٍبٍنيِ سٌلٌمَسَشَن نَن مَ، عَ نُن عٍ سَنبُنيِ فبٍتِ دَاشِ قُ نُن سٍننِ، شٍبٍنيِ كٍرٍن، سَنبُنيِ قِرِن.

31عٍ وُرِ سُولِ يَءِلَن كَسِيَ وُرِ رَ، هْرْ مْلِنفِرَ شٍبٍنيِيٍ تِمَ نَشٍيٍ مَ. سُولِ رَوَلِ سّيتِ مَ، 32سُولِ رَوَلِ بٌورٍ سّيتِ مَ، سُولِ رَوَلِ هْرْ مْلِنفِرَ شَنبِ رَ سٌفٍفٌرٌدٍ مَبِرِ. 33وُرِ نَشَن لُ عَ تَفِ، نَ دَنفِ شٍبٍنيِيٍ نَن شُن مَ، عَ كٍلِ سّيتِ سِنفٍ عَ سَ دْشْ بٌورٍ رَ. 34نَ شٍبٍنيِيٍ، نُن نَ وُرِيٍ، نُن سٍ دِفِلِنشِيٍ وُرِ سٌ نَشٍيٍ كُي، نَ بِرِن مَسٌ شّيمَ نَن نَ.

35عٍ سُوَ دُفِ يَءِلَن فّسّ فّرّ دَاشِ، بُلُ دَاشِ، نُن عَ فبٍيلِ رَ. مَلٍكّ سَوُرّيٍ دّفّ نَ مَ، عَ تٌقَن كِ مَ. 36عَ فبَكُ كَسِيَ وُرِ نَانِ مَ نَشٍيٍ مَسٌشِ شّيمَ رَ، عٍ تِشِ فبٍتِ سَنبُنيِيٍ مَ. سُشُسٍ نَشٍيٍ دُفِ شِرِ مَ وُرِيٍ مَ، نٍيٍ قَن مَسٌ شّيمَ رَ.

37عٍ سُوَ دُفِ فبّتّ يَءِلَن فّسّ فّرّ دَاشِ، بُلُ دَاشِ، نُن عَ فبٍيلِ رَ هْرْ مْلِنفِرَ سٌدٍ دّ رَ. عٍ عَ مَسْشْ عَ قَنيِ رَ، عَ شَ تٌقَن. 38عٍ عَ فبَكُ وُرِ سُولِ مَ نَشٍيٍ يَءِلَنشِ كَسِيَ وُرِ رَ، عٍ مَسٌشِ شّيمَ رَ، عٍ تِشِ فبٍتِ سَنبُنيِيٍ مَ. سُشُسٍ نَشٍيٍ دُفِ شِرِ مَ وُرِيٍ مَ، نٍيٍ يَءِلَنشِ وُرٍ فبٍيلِ رَ.

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index