Search form

قٍ قْلْ قْلّ 40

يُسُقُ نَ فٍيلِ

1نَ دَنفِ شَنبِ مِسِرَ مَنفّ شَ وَلِكّ نَشَن عَ حّنفِ سَشِ عَ شَ مِنسٍ شْن مَ، عَ نُن عَ شَ تَامِفَنيِ نَشَ قٍ ندٍ رَبَ نَشَن مُ رَقَنشِ عٍ شَ مَنفّ مَ. 2مِسِرَ مَنفّ نَشَ شْنْ نَ وَلِكّ قِرِنيِيٍ مَ، نَشَن حّنفِ سَمَ عَ شَ مِنسٍ شْن مَ عَ نُن نَشَن عَ شَ تَامِ فَنمَ. 3عَ نَشَ عٍ سُشُ، عٍ بَلَن سْورِ مَنفّ شَ فٍيلِ كُي، يُسُقُ نُ نَ دّننَشّ. 4سْورِيٍ شَ مَنفّ نَشَ عٍ تَشُ يُسُقُ رَ، عَ شَ مّينِ عٍ مَ.

عٍ تٌ سَشَنيِ رَبَ فٍيلِ كُي، 5نَشَن حّنفِ سَمَ مَنفّ شَ مِنسٍ شْن مَ، عَ نُن نَشَن تَامِ فَنمَ مَنفّ بّ، نٍيٍ نَشَ شِيٍ سَ فٍيلِ كُي كْي كٍرٍن نَ. كَنكَن شَ شِيٍ نُ وَ مَ قٍ ندٍ نَن مَسٍنقٍ عَ كَنيِ بّ. 6نَ كُيٍ عِبَ يُسُقُ نَشَ قَ عٍ يِرٍ، عَ نَشَ عٍ لِ سُننُنيِ كُي. 7نَ تّمُي عَ نَشَ نَ مِسِرَ مَنفّ شَ وَلِكّ قِرِنيِيٍ مَشْرِن، نَشٍيٍ تَشُشِ عَ رَ، «مُنقٍ رَ وٌ سُننُنشِ تٌ؟» 8عٍ نَشَ عَ يَابِ، «مُشُ بَرَ شِيٍ ندٍيٍ نَن سَ، كْنْ مِشِ يٌ مُ نَ بٍ نَشَن نْمَ نَ قَسَرِدٍ.» يُسُقُ نَشَ عَ قَلَ عٍ بّ، «وٌ مُ عَ كٌلٌن عَلَ نْمَ عَ قَسَرِدٍ وٌ بّ؟ وٌ شِيٍ قَلَ ﭑ بّ.»

9نَشَن حّنفِ نُ سَمَ مَنفّ شَ مِنسٍ شْن مَ، عَ نَشَ عَ شِيٍ قَلَ يُسُقُ بّ. عَ نَشّ، «ﭑ تَن مَ شِيٍ كُي، ﭑ وّنِ بِلِ نَن تٌ عَ تِشِ ﭑ يَ عِ. 10سَلٌن سَشَن نَ عَ بِلِ مَ. عَ تٌ قُفَ، عَ قُفٍ نَشَ وّنِ بٌفِ مْشِيٍ رَ مِنِ. 11مِسِرَ مَنفّ شَ وّنِ سَسٍ سُشُشِ ﭑ يِ رَ. ﭑ نَشَ نَ وّنِ بٌفِ مْشِيٍ بَ، ﭑ نَشَ عٍ بُندُ مِسِرَ مَنفّ شَ وّنِ سَسٍ كُي، ﭑ قَ عَ سٌ عَ يِ رَ.» 12يُسُقُ نَشَ عَ قَلَ عَ بّ، «يِ شِيٍ يِ نَن قَسَرِشِ؛ نَ سَلٌنيِ سَشَن نَشَن نَ كِ، عَ شِ سَشَن نَن مَسٍنشِ. 13شِ سَشَن دَنفِ شَنبِ، مِسِرَ مَنفّ عِ شُن نَكٍلِمَ نّ، عَ مَن قَ عِ رَفبِلٍن عِ وَلِدٍ قٌرِ. عِ مَن قَمَ نّ وّنِ تْنبِلِ سٌدٍ مِسِرَ مَنفّ يِ رَ عَلْ عِ دَرِشِ عَ رَ كِ نَشّ. 14كْنْ عِ نَشَ نّيمُ ﭑ مَ عِ نَ هّيرِ سْتْ تّمُي نَشّ. عِ شَ قِندِ سَابُي رَ ﭑ بّ، عِ شَ ﭑ مَ قٍ قَلَ مِسِرَ مَنفّ بّ عَلَكٌ ﭑ شَ مِنِ فٍيلِ كُي، 15بَرِ مَ عٍ ﭑ تٌنفٌشِ نْي نَن نَ عٍبُرُ بْشِ مَ. بٍ قَن، ﭑ مُ قٍقٍ رَبَشِ نَشَن عَ نِيَمَ ﭑ شَ فٍيلِ سْتْ.»

16نَشَن تَامِ فَنمَ مَنفّ بّ، عَ تٌ بَرَ عَ تٌ يُسُقُ وْيّنيِ نَشَن تَفِ رَبَشِ عَ بٌورٍ بّ، عَ قَنشِ عَ بّ، عَ نَشَ عَ قَلَ يُسُقُ بّ، «ﭑ تَن قَن شِيٍ ندٍ سَشِ. دٍبٍ سَشَن دْشْشِ ﭑ شُن مَ، تَامِ قِيشّ نَ عٍ كُي. 17دٍبٍ نَشَن دْشْشِ عَ قَرِ، تَامِفَنيِ دٌنسٍ نَشَن بِرِن نَقَلَمَ مِسِرَ مَنفّ بّ، عَ بِرِن نُ نَ عَ كُي. كْنْ شْنِيٍ نُ قَ نَ دٌنسٍ مَسَكُن نَشَن دْشْشِ ﭑ شُن مَ.» 18يُسُقُ نَشَ عَ مَسٍن عَ بّ، «عِ شَ شِيٍ يِ نَن قَسَرِشِ؛ نَ دٍبٍ سَشَنيِ نَشَن نَ كِ، عَ شِ سَشَن نَن مَسٍنشِ. 19شِ سَشَن دَنفِ شَنبِ، مِسِرَ مَنفّ عِ شُنيِ بٌلٌنمَ نّ عَ دّ عِ. عَ عِ فبَكُمَ نّ وُرِ مَ، شْنِيٍ عِ سُبٍ مَسَكُن.»

20شِ سَشَن لْشْي، مِسِرَ مَنفّ بَرِ لْشْي، مَنفّ نَشَ شُلُنيِ بٍلٍبٍلٍ تِ عَ شَ وَلِكّيٍ بّ. نَشَن حّنفِ سَمَ مَنفّ شَ مِنسٍ شْن مَ، عَ نُن عَ شَ تَامِفَنيِ، مِسِرَ مَنفّ نَشَ عٍ شُن نَكٍلِ وَلِكّيٍ تَفِ. 21نَشَن حّنفِ سَمَ مِنسٍ شْن مَ، عَ نَشَ عَ رَفبِلٍن عَ وَلِدٍ قٌرِ، عَلَكٌ عَ مَن شَ مِنسٍ سٌ عَ يِ رَ. 22كْنْ عَ نَشَ عَ شَ تَامِفَنيِ فبَكُ وُرِ مَ عَلْ يُسُقُ نُ بَرَ عَ تَفِ رَبَ كِ نَشّ. 23نَشَن حّنفِ سَمَ مَنفّ شَ مِنسٍ شَ قٍ شْن مَ، عَ مُ رَتُ يُسُقُ شَ قٍ مَ، عَ نّيمُ عَ مَ.

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index