Search form

قٍ قْلْ قْلّ 48

يُسُقُ شَ دِيٍ مَنَسِ نُن عٍقِرَ مِ

1نَ قٍ بِرِن تٌ بَرَ دَنفِ، عٍ نَشَ عَ قَلَ يُسُقُ بّ، «عِ بَبَ مُ يَلَنشِ.» يُسُقُ نَشَ سِفَ عَ بَبَ يِرٍ، عَ نُن عَ شَ دِ شّمّ قِرِنيِيٍ، مَنَسِ نُن عٍقِرَ مِ. 2مِشِ ندٍ نَشَ عَ قَلَ يَشُبَ بّ، «عِ شَ دِ يُسُقُ بَرَ قَ.» عِسِرَيِلَ نَشَ سّنبّ رَبَ، عَ كٍلِ، عَ دْشْ سَدٍ مَ. 3يَشُبَ نَشَ عَ قَلَ يُسُقُ بّ، «عَلَ سّنبّ كَنيِ مِنِ نّ ﭑ مَ لُسِ كَنَان بْشِ مَ. عَ نَشَ بَرَكّ سَ ﭑ مَ قٍ. 4عَلَ نَشَ عَ قَلَ ﭑ بّ، ‹ﭑ عِ قِندِ مَ دِبَرِ بٍلٍبٍلٍ نَن نَ. ﭑ عِ شَ دِيٍ رَوُيَمَ نّ، هَن عٍ قِندِ حَمَ فبٍفبٍ رَ. ﭑ يِ بْشِ قِمَ نّ عِ بْنسْي مَ، هَلِ عِ دَنفِ شَنبِ، عَ قِندِ عٍ فبٍ رَ هَن دُنِحَ حْن.›»

5«يَكْسِ يِ دِ قِرِنيِيٍ، عِ نَشٍيٍ بَرِشِ مِسِرَ بٍينُن ﭑ تَن شَ قَ، ﭑ بَرَ عٍ قِندِ ﭑ مَ دِيٍ رَ. عٍقِرَ مِ نُن مَنَسِ قِندِ مَ ﭑ تَن نَن فبٍ رَ، عَلْ رُبٍن نُن سِمٍيْن. 6كْنْ عِ دِ نَشٍيٍ بَرِ مَ يٍيٍ شَنبِ رَ، عِ فبٍ لَنشِ نٍيٍ نَن مَ. عٍ قَمَ لُدٍ عٍ تَارَيٍ نَن بُن مَ عٍ كّ شَ قٍ رَ. 7ﭑ تٌ كٍلِ ثَدَن، رَشٍلٍ نَشَ قَشَ ﭑ يِ رَ كِرَ شْن كَنَان بْشِ مَ. عَ حْندٍ مُ نُ مَكُيَ عٍقَرَتَ رَ. ﭑ نَشَ عَ رَفَتَ مّننِ، عٍقَرَتَ كِرَ رَ، دّننَشّ شِلِ بّتّلّيمُ.»

8عِسِرَيِلَ نَشَ يُسُقُ شَ دِيٍ مَتٌ، عَ قَ عَ قَلَ، «ندٍيٍ يٍيٍ رَ؟» 9يُسُقُ نَشَ عَ بَبَ يَابِ، «ﭑ مَ دِ شّمّيٍ نَ عٍ رَ عَلَ نَشٍيٍ قِشِ ﭑ مَ بٍ.» عِسِرَيِلَ نَشَ عَ قَلَ، «عِ شَ عٍ مَسٌ ﭑ نَ، عَلَكٌ ﭑ شَ دُبَ عٍ بّ.» 10يَشُبَ نُ بَرَ فّ قٌرِدٍ، عَ يَيٍ مُ نُ سٍيٍ عِفبّمَ سْنْن. يُسُقُ تٌ عَ شَ دِيٍ مَسٌ عَ رَ، عِسِرَيِلَ نَشَ عٍ مَسُنبُ، عَ قِندِفِلِن عٍ مَ. 11عِسِرَيِلَ نَشَ عَ قَلَ يُسُقُ بّ، «ﭑ مُ نُ لَشِ عَ رَ، شَ ﭑ عِ يَتَفِ تٌمَ سْنْن، كْنْ عَلَ بَرَ عَ رَفِرِ ﭑ بَرَ عِ شَ دِيٍ قَن تٌ.» 12يُسُقُ نَشَ عَ شَ دِيٍ تٌنفٌ عَ بَبَ سَن مَ، عَ قَ عَ رَقٍلٍن بْشِ قَرِ.

13نَ دَنفِ شَنبِ، يُسُقُ نَشَ عَ شَ دِ قِرِنيِيٍ تٌنفٌ عٍ بّلّشّ مَ. عَ نَشَ عٍقِرَ مِ سُشُ عَ يِرٍقَنيِ بّلّشّ رَ، عِسِرَيِلَ كْولَ مَبِرِ. عَ نَشَ مَنَسِ سُشُ عَ كْولَ بّلّشّ رَ، عِسِرَيِلَ يِرٍقَنيِ مَبِرِ. عَ نَشَ عٍ مَسٌ عَ رَ. 14كْنْ يَشُبَ نَشَ عَ يِرٍقَنيِ بّلّشّ سَ عٍقِرَ مِ شُنيِ قَرِ نَشَن نَ دِ مّدِ رَ. عَ نَشَ عَ كْولَ بّلّشّ سَ مَنَسِ شُنيِ قَرِ نَشَن نَ دِ سِنفٍ رَ. عَ نُ عَ كٌلٌن عَ نُ قٍ نَشَن نَبَمَ عَ بّلّشّيٍ رَ. 15عَ نَشَ دُبَ يُسُقُ بّ، عَ قَ عَ قَلَ،

«عَلَ، ﭑ بٍنبَيٍ عِبُرَهِمَ نُن عِسِيَفَ حّرّ نَشَن يَ شْرِ،

عَلَ نَشَن نَ ﭑ كَنتَمَ رَ، كَقِ ﭑ بَرِ لْشْي هَن تٌ،

16عَلَ نَشَن مَلٍكّ شّيشِ ﭑ نَتَنفَدٍ قٍ شْرْشْي مَ،

عَ شَ بَرَكّ سَ يِ دِ مّيٍ شَ قٍ.

مِشِيٍ شَ عٍ شِلِ ﭑ شِلِ رَ،

عٍ شَ عٍ شِلِ ﭑ بٍنبَيٍ عِبُرَهِمَ نُن عِسِيَفَ شِلِ رَ.

عٍ بْنسْي شَ وُيَ عَ فبٍفبٍ رَ دُنِحَ.»

17يُسُقُ نَشَ عَ تٌ عَ بَبَ بَرَ عَ يِرٍقَنيِ بّلّشّ سَ عٍقِرَ مِ شُنيِ مَ. نَ قٍ مُ رَقَنشِ عَ مَ. عَ نَشَ عَ بَبَ بّلّشّ سُشُ، عَ بَ عٍقِرَ مِ شُنيِ مَ، عَ قَ عَ سَ مَنَسِ شُنيِ مَ. 18يُسُقُ نَشَ عَ قَلَ عَ بَبَ بّ، «ﭑ بَبَ، نَ كِ شَ مُ عَ رَ، بَرِ مَ يِ نَن نَ قٌرِ رَ. عِ يِرٍقَنيِ بّلّشّ سَمَ يِ نَن شُنيِ مَ.» 19عَ بَبَ نَشَ تٌندِ، عَ قَ عَ قَلَ، «ﭑ مَ دِ، ﭑ عَ كٌلٌن، ﭑ عَ كٌلٌن. عَ قَن قَمَ قِندِدٍ بْنسْي وُيَشِ كَنيِ نَن نَ. عَ قَن فبٌمَ نّ، كْنْ عَ شُنيَ نَن قَمَ فبٌدٍ دَنفِقٍ عَ رَ. عَ شُنيَ بْنسْي قِندِ مَ نّ سِ وُيَشِ رَ.»

20عَ نَشَ دُبَ عٍ بّ نَ لْشْي، عَ قَ عَ قَلَ، «عِسِرَيِلَكَيٍ دُبَ رَبَمَ وٌ شِلِيٍ نَن نَ. عٍ قَمَ عَ قَلَدٍ، ‹عَلَ شَ عِ لُ عَلْ عٍقِرَ مِ نُن مَنَسِ.›» نَ كُي عَ نَشَ عٍقِرَ مِ تِ يَرٍ مَنَسِ بّ.

21عِسِرَيِلَ نَشَ عَ قَلَ يُسُقُ بّ، «عِ بَرَ عَ تٌ، عَ فبٍ مُ لُشِ ﭑ شَ لَاشِرَ، كْنْ عَلَ تِمَ نّ عِ قَنفَ رَ، عَ قَ عِ رَفبِلٍن عِ بٍنبَيٍ شَ بْشِ مَ. 22ﭑ قَمَ كّ قِدٍ عِ مَ دَنفِ عِ تَارَيٍ رَ. ﭑ بْشِ نَشَن نَسُشُ عَمٌرِكَيٍ يِ رَ ﭑ مَ سَنتِدّفّمَ نُن ﭑ مَ شَلِ سَابُي رَ، ﭑ بَرَ نَ قَن سَ عِ كّ قَرِ.»

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index