Search form

قٍ قْلْ قْلّ 7

بَنبَرَنيِ بٍلٍبٍلٍ

1عَلَتَلَ نَشَ عَ مَسٍن نُهَ بّ، «سٌ كُنكُي كُي، عِ تَن نُن عِ شَ دٍنبَيَ بِرِن، بَرِ مَ عِ تَن تِنشِنتْي نَن عِ رَ يِ وَشَتِ مِشِيٍ تَفِ. 2سُبٍ رَدَشَشِ بِرِن، عِ شَ شّمّ سٌلٌقٍرٍ نُن فِنّ سٌلٌقٍرٍ بَكِ. سُبٍ رَهَرَ مُشِ بِرِن، عِ شَ شّمّ كٍرٍن نُن فِنّ كٍرٍن بَكِ. 3شْنِ قَن عَ مْولِ بِرِن، عِ شَ شّمّ سٌلٌقٍرٍ نُن فِنّ سٌلٌقٍرٍ بَكِ. نَ كُي سُبٍ مْولِ بِرِن شَ نْ لُدٍ دُنِحَ مَ بَنبَرَنيِ دَنفِ شَنبِ.»

4«شِ سٌلٌقٍرٍ نَ دَنفِ، ﭑ تُنّ رَفٌرٌ مَ بْشِ مَ. شِ تٌنفٌ نَانِ تُنّ قَمَ كْي نُن يَنيِ. نِمَسٍ بِرِن ﭑ نَشَن دَاشِ، نَ بِرِن سْنتْمَ نّ.» 5نُهَ نَشَ نَ بِرِن نَبَ عَلَتَلَ نَشَن مَسٍن عَ بّ.

6نَ تُنّ قَمَ تّمُي نَشّ، نُهَ شَ سِمَيَ نُ نَ حّ كّمّ سٍننِ. 7نُهَ يٌ، عَ شَ فِنّ، عَ شَ دِيٍ نُن نٍيٍ قَن شَ فِنّيٍ، عٍ بِرِن نَشَ عٍ فِ يٍ مَ، عٍ سَ سٌ كُنكُي كُي. 8سُبٍ رَدَشَشِيٍ، سُبٍ رَهَرَ مُشِيٍ، شْنِيٍ، نُن بُبُسٍيٍ، عٍ بِرِن 9نَشَ سِفَ نُهَ شْن مَ كُنكُي كُي، شّمّيٍ نُن فِنّيٍ، عٍ سَ سٌ كُنكُي كُي عَلْ عَلَ نُهَ يَمَرِشِ كِ نَشّ.

10شِ سٌلٌقٍرٍ دَنفِ شَنبِ، نَ بَنبَرَنيِ نَشَ دِن دُنِحَ مَ. 11نُهَ شَ سِمَيَ نُ نَ حّ كّمّ سٍننِ، كِكٍ قِرِن، شِ قُ عَ نُن سٌلٌقٍرٍ. نَ لْشْي يٍ نَشَن نَ بْشِ بُن مَ، نَ نَشَ تٍ قْلْ، يٍ نَشَن نَ كٌورٍ مَ، نَ قَن نَشَ فٌرٌ قْلْ. 12تُنّ نَشَ بِرَ بْشِ مَ شِ تٌنفٌ نَانِ. كْي عَ نُن يَنيِ، تُنّ قَمَ.

13نَ لْشْي، نُهَ نُن عَ شَ دِيٍ، سٍمِ، هَمِ، يٍقٍتِ، عَ شَ فِنّ، نُن عَ شَ دِ سَشَنيِيٍ شَ فِنّيٍ، عٍ بِرِن نَشَ سٌ كُنكُي كُي. 14بُورُنيِ سُبٍ بْنسْي بِرِن، شُرُ سٍ بْنسْي بِرِن، بُبُسٍ بْنسْي بِرِن، عَ نُن شْنِ بْنسْي بِرِن، عٍ نَشَ سٌ كُنكُي كُي. 15دَالِسٍ نَشَن بِرِن حّنفِمَ، عَ قِرِن قِرِن، عٍ نَشَ قَ نُهَ شْن مَ، عٍ سَ سٌ كُنكُي كُي. 16نِمَسٍ بِرِن، شّمّ نُن فِنّ، عٍ سٌشِ نّ كُنكُي كُي عَلْ عَلَ نُهَ يَمَرِشِ كِ نَشّ. نَ شَنبِ عَلَتَلَ نَشَ نَادّ بَلَن.

17شِ تٌنفٌ نَانِ بَنبَرَنيِ تٍمَ. عَ نَشَ كُنكُي عِتٍ. 18يٍ تٌ فبٌ بْشِ مَ، كُنكُي نَشَ دْشْ يٍ قَرِ. 19يٍ نَشَ تٍ هَن عَ نَشَ فٍيَ بِرِن مَكٌتٌ دُنِحَ مَ. 20يٍ نَشَ دُ سُ فٍيَ شُن هَن كَنكٍ يَ سٌلٌقٍرٍ نُن عَ تَفِ. 21نِمَسٍ نَشَن بِرِن نُ حّرّ مَ دُنِحَ مَ، عٍ بِرِن نَشَ قَشَ؛ شْنِيٍ، شُرُ سٍيٍ، بُورُنيِ سُبٍيٍ، بُبُسٍيٍ، عَ نُن عَدَ مَدِيٍ. 22نِمَسٍ نَشَن بِرِن حّنفِمَ شَرٍ مَ، عٍ بِرِن نَشَ قَشَ. 23عَلَ نَشَ نِمَسٍ بِرِن بَ دُنِحَ مَ. نِمَسٍ بِرِن نَشَ قَشَ؛ عَدَ مَدِيٍ، شُرُ سٍيٍ، بُبُسٍيٍ، عَ نُن شْنِ نَشٍيٍ حّرّ مَ كٌورٍ مَ، قٌ نُهَ كٍرٍن، عَ نُن نَشٍيٍ نُ نَ عَ شُن مَ كُنكُي كُي. 24بَنبَرَنيِ نَشَ دِن دُنِحَ مَ شِ كّمّ شِ تٌنفٌ سُولِ.

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index