Search form

لٍوِ سّرّشّدُبّ 16

شُنسَرٍ لْشْي

1هَرُنَ شَ دِ قِرِنيِ تٌ قَشَ عٍ يّتّ مَسٍنقٍ رَ عَلَتَلَ بّ، عَلَتَلَ نَشَ عَ مَسٍن عَننَبِ مُنسَ بّ، 2«عَ قَلَ عِ تَارَ هَرُنَ بّ، عَ نَ سٌ هْرْ مْلِنفِرَ كُي، عَ نَشَ لُ دَنفِ رَ دُفِ فبَكُشِ رَ شَ عَ دَنفِ تّمُي مُ عَ لِشِ، عَلَكٌ عَ نَشَ قَشَ. يِرٍ سّنِيّنشِ نَ عَ رَ سَاتّ كَنكِرَ نَ دّننَشّ. شُنسَرَدٍ نَ نَ سَاتّ كَنكِرَ نَن قَرِ، ﭑ مِنِمَ نُشُي كُي دّننَشّ.»

3«هَرُنَ شَ سٌ هْرْ مْلِنفِرَ كُي تُورَ رَ، نَشَن بَمَ يُنُبِ شَقَرِ سّرّشّ رَ، عَ نُن يّشّي كٌنتٌنيِ سّرّشّ فَن دَاشِ رَ. 4عَ شَ فُبَ سّنِيّنشِ فّسّ قُتٍ دَاشِ رَفٌرٌ عَ مَ، عَ شَ وَنتَنيِ فّسّ قُتٍ دَاشِ سٌ. عَ شَ عَ تَفِ عِشِرِ بّلّتِ فّسّ قُتٍ دَاشِ رَ، عَ شَ شُنمَسٍ دْشْ عَ شُنيِ مَ. عَ نَ فّ عَ مَشَدٍ، عَ شَ نَ دُفِ سّنِيّنشِ بِرِن نَفٌرٌ عَ مَ. 5عِسِرَيِلَ حَمَ شَ سِكْتّ قِرِن سٌ عَ يِ رَ يُنُبِ شَقَرِ سّرّشّ رَ، عَ نُن يّشّي كٌنتٌنيِ كٍرٍن سّرّشّ فَن دَاشِ رَ. 6هَرُنَ شَ تُورَ بَ عَ يّتّ شَ يُنُبِ شَقَرِ سّرّشّ رَ عَلَكٌ عَ تَن نُن عَ شَ دٍنبَيَ شُن شَ سَرَ. 7عَ شَ نَ سِكْتّ قِرِنيِ تِ ﭑ تَن عَلَتَلَ يَ عِ، هْرْ مْلِنفِرَ سٌدٍ دّ رَ. 8عَ شَ ﭑ تَن عَلَ مَشَندِ عَ شَ تْنشُمَ مَسٍن ﭑ بّ نَ سِكْتّ قِرِنيِ شَ قٍ رَ. كٍرٍن شَ قِندِ ﭑ تَن عَلَتَلَ فبٍ رَ، بٌورٍ شَ لُ سٍنتَنّ بّ وُلَ عِ. 9سِكْتّ نَشَن سُفَندِشِ ﭑ تَن عَلَتَلَ فبٍ رَ، هَرُنَ شَ عَ بَ يُنُبِ شَقَرِ سّرّشّ رَ. 10سِكْتّ نَشَن سُفَندِشِ عَ شَ قِندِ سٍنتَنّ فبٍ رَ، نَ مُ قَشَمَ. هَرُنَ شَ عَ تِ ﭑ تَن عَلَتَلَ يَ عِ، عَ شَ قِندِ شُنسَرٍ رَ، عَ شَ عَ بّحِن سِفَقٍ رَ وُلَ عِ سٍنتَنّ بّ. 11هَرُنَ شَ تُورَ بَ عَ يّتّ شَ يُنُبِ شَقَرِ سّرّشّ رَ، عَ شَ قِندِ عَ تَن نُن عَ شَ دٍنبَيَ شُنسَرٍ رَ. عَ شَ نَ تُورَ كْن نَشَبَ يُنُبِ شَقَرِ سّرّشّ رَ. 12عَ شَ سُرَيِ فَنسٍ رَقٍ تّ وٌلٍ رَ نَشَن تٌنفٌشِ سّرّشّبَدٍ قَرِ ﭑ تَن عَلَتَلَ يَ عِ. عَ شَ سُرَيِ قُحِ بّلّشّ يَ قِرِن قَن تٌنفٌ. عَ شَ نَ بِرِن شَنِن دُفِ فبَكُشِ شَنبِ رَ يِرٍ سّنِيّنشِ كُي. 13عَ شَ نَ سُرَيِ فَن ﭑ تَن عَلَتَلَ يَ عِ، عَلَكٌ تُورِ نَشَن تٍمَ نَ شَ سَاتّ كَنكِرَ نْشُن عَ مَ عَلَكٌ عَ نَشَ قَشَ. 14عَ شَ تُورَ وُلِ ندٍ تٌنفٌ عَ بّلّشّسٌلٍ رَ، عَ شَ عَ كَسَن سَاتّ كَنكِرَ مَكٌتٌ سٍ مَ شُنسَرَدٍ سٌفٍتٍدٍ بِرِ سَنمَيَ سٌلٌقٍرٍ، عَ مَن شَ عَ كَسَن نَ مَكٌتٌ سٍ يَ رَ. 15عَ شَ سِكْتّ كْن نَشَبَ حَمَ شَ يُنُبِ شَقَرِ سّرّشّ رَ، عَ قَ عَ وُلِ شَنِن دُفِ فبَكُشِ شَنبِ رَ. عَ شَ نَ وُلِ كَسَن سَاتّ كَنكِرَ مَكٌتٌ سٍ مَ نُن سَاتّ كَنكِرَ مَكٌتٌ سٍ يَ رَ، عَلْ عَ رَبَشِ تُورَ وُلِ رَ كِ نَشّ.»

16«نَ كِ عَ شُنسَرٍ سْتْمَ يِرٍ سّنِيّنشِ بّ عِسِرَيِلَكَيٍ شَ سّنِيّنتَرٍحَ، عٍ شَ قٍ كٌبِيٍ، نُن عٍ شَ يُنُبِيٍ شَ قٍ رَ. عَ شَ عَ رَبَ نَ كِ هْرْ مْلِنفِرَ قَن بّ، نَشَن تِشِ عِسِرَيِلَكَ سّنِيّنتَرٍيٍ تَفِ. 17مِشِ يٌ نَشَ لُ هْرْ مْلِنفِرَ كُي هَن هَرُنَ مِنِمَ يِرٍ سّنِيّنشِ قِسَمَنتٍ كُي تّمُي نَشّ. عَ شَ عَ تَن نُن عَ شَ دٍنبَيَ شُن سَرَ، عَ نُن عِسِرَيِلَ حَمَ بِرِن. 18عَ شَ سِفَ سّرّشّبَدٍ يِرٍ نَشَن نَ ﭑ تَن عَلَتَلَ يَ عِ، عَ قَ شُنسَرٍ بَ نَ سّرّشّبَدٍ بّ. عَ شَ تُورَ نُن سِكْتّ وُلِ سَ قٍرِيٍ مَ نَشٍيٍ نُ نَ سّرّشّبَدٍ تُنشُنيِ نَانِيٍ رَ. 19عَ شَ وُلِ كَسَن عَ بّلّشّسٌلٍ رَ سَنيَ سٌلٌقٍرٍ سّرّشّبَدٍ مَ، عَلَكٌ عَ شَ سّنِيّن عِسِرَيِلَكَيٍ شَ سّنِيّنتَرٍحَ شَ قٍ رَ.»

20«هَرُنَ نَ فّ شُنسَرٍ بَدٍ يِرٍ سّنِيّنشِ، هْرْ مْلِنفِرَ، نُن سّرّشّبَدٍ بّ، عَ شَ سِكْتّ بٌورٍ مَسٌ نَشَن مُ نُ قَشَ. 21عَ شَ عَ بّلّشّ قِرِنيِيٍ سَ نَ سِكْتّ شُن تَفِ، عَ قَ عِسِرَيِلَكَيٍ شَ سّنِيّنتَرٍحَ، عٍ شَ قٍ كٌبِيٍ، نُن عٍ شَ يُنُبِ بِرِن مَسٍن ﭑ تَن عَلَ بّ. عَ نَ فّ نَ كٌتٍ بِرِن سَدٍ سِكْتّ شُن، عَ شَ نَ سِكْتّ بّحِن وُلَ عِ مِشِ ندٍ سَابُي رَ نَشَن بَرَ تِن نَ وَلِ رَ. 22نَ سِكْتّ يُنُبِ بِرِن شَنِنمَ عَ شُن مَ وُلَ عِ، عَ بّحِن دّننَشّ.»

23«نَ دَنفِ شَنبِ، هَرُنَ شَ سٌ هْرْ مْلِنفِرَ كُي، عَ شَ عَ شَ دُفِ فّسّ قُتٍ دَاشِيٍ بَ، عَ نَشٍيٍ رَفٌرٌشِ عَ مَ بٍينُ عَ شَ سٌ يِرٍ سّنِيّنشِ كُي. عَ شَ نٍيٍ لُ نَ. 24عَ شَ عَ مَشَ يٍ رَ يِرٍ سّنِيّنشِ كُي، عَ دُفِ فبّتّيٍ رَفٌرٌ عَ مَ. عَ نَ فّ، عَ شَ مِنِ، عَ سّرّشّ فَن دَاشِ قِرِن بَ، كٍرٍن عَ يّتّ بّ، بٌورٍ حَمَ بّ. عَ شُنسَرٍ سْتْمَ عَ يّتّ بّ نُن حَمَ بّ نَ كُي. 25عَ مَن شَ يُنُبِ شَقَرِ سّرّشّ تُرٍ فَن سّرّشّبَدٍ قَرِ.»

26«نَشَن سِكْتّ بّحِن وُلَ عِ سٍنتَنّ بّ، نَ لَن عَ شَ عَ شَ دُفِيٍ شَ، عَ عَ قَتٍ مَشَ، عَ قَ فبِلٍن حَمَ يٌنكِندٍ. 27تُورَ نُن سِكْتّ نَشٍيٍ بَشِ يُنُبِ شَقَرِ سّرّشّ رَ، نَشٍيٍ وُلِ قِندِ شُنسَرٍ رَ يِرٍ سّنِيّنشِ، نٍيٍ لَن عٍ شَ شَنِن حَمَ يٌنكِندٍ قَرِ مَ، عٍ كِرِ، عٍ سُبٍ، نُن عٍ حَحّ بِرِن شَ فَن تّ رَ. 28نَشَن نَ وَلِ رَبَمَ، عَ شَ عَ شَ دُفِيٍ شَ، عَ شَ عَ قَتٍ مَشَ يٍ رَ، عَ قَ فبِلٍن حَمَ يٌنكِندٍ.»

29«سّرِيّ نَن نَ كِ وٌ بّ نَشَن مُ كَنَمَ عَبَدَن. كِكٍ سٌلٌقٍرٍ ندٍ، شِ قُ لْشْي، وٌ شَ سُنيِ سُشُ، وٌ نَشَ وَلِ يٌ رَبَ، وٌ تَن، نُن مِشِ نَشٍيٍ سَبَتِشِ نَا كْنْ عٍ مُ قِندِ عِسِرَيِلَكَيٍ رَ. 30نَ قِندِ مَ شُنسَرٍ لْشْي رَ وٌ بّ، عَلَكٌ وٌ شَ سّنِيّن، وٌ شَ يُنُبِ بِرِن شَ شَقَرِ ﭑ تَن عَلَتَلَ يَ عِ. 31نَ قِندِ مَ مَلَبُي نُن سَلِ لْشْي رَ وٌ بّ. وٌ شَ سُنيِ سُشُ نَ لْشْي. يِ سّرِيّ مُ كَنَمَ عَبَدَن.»

32«عَلَ نَشَن سُفَندِشِ، عَ نَشَن تِشِ سّرّشّدُبّ كُنتِفِ رَ، نَ نَن وٌ شُن سَرَ مَ. عَ لُمَ عَ بَبَ شَ وَلِ رَبَ رَ. عَ لُمَ سّرّشّدُبّ دُفِ سّنِيّنشِيٍ رَفٌرٌ رَ عَ مَ. 33عَ لُمَ يِرٍ سّنِيّنشِ، هْرْ مْلِنفِرَ، سّرّشّبَدٍ، سّرّشّدُبّيٍ نُن عِسِرَيِلَ حَمَ بِرِن شُن سَرَ رَ. 34يِ سّرِيّ مُ كَنَمَ عَبَدَن، عَلَكٌ حّ بِرِن شُنسَرٍ شَ بَ عِسِرَيِلَكَيٍ بّ عٍ شَ يُنُبِ بِرِن مَ قٍ رَ.»

عٍ عَلَتَلَ شَ يَامَرِ بِرِن سُشُ عَلْ عَ مَسٍنشِ عَننَبِ مُنسَ بّ كِ نَشّ.

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index