Search form

كْنتِ تِقٍ 25

عِسِرَيِلَكَيٍ شَ كُيٍ بَتُي

1عِسِرَيِلَكَيٍ تٌ نُ يٌنكِنشِ سِتِمِ، عٍ نَشَ سٌ يّنّ رَبَقٍ مٌوَبَ فِنّيٍ رَ. 2نَ فِنّيٍ نَشَ عِسِرَيِلَ شّمّيٍ شِلِ عٍ شَ لَن عٍ شَ سّرّشّيٍ مَ، نَشٍيٍ نُ بَمَ عٍ شَ كُيٍيٍ بّ. 3عِسِرَيِلَكَيٍ تٌ ثٍيٌرِ شَ بَلِ كُيٍ بَتُ قْلْ، عَلَتَلَ نَشَ شْنْ عٍ مَ. 4عَلَتَلَ نَشَ عَ قَلَ مُنسَ بّ، عَ عَ شَ حَمَ يَرٍرَتِ بِرِن فبَكُ وُرِ كْن نَ عَ يَ عِ، عَ عٍ يَ رَقِندِ سٌفٍ مَ، عَلَكٌ عَ شَ شْنّ شَ فبِلٍن عِسِرَيِلَ قْشْ رَ. 5مُنسَ نَشَ عِسِرَيِلَ كِيتِسَيٍ يَمَرِ، «وٌ شَ مِشِ بِرِن قَشَ، نَشَن بَرَ ثٍيٌرِ شَ بَلِ كُيٍ بَتُ!»

6عَ قّقّ نَ قَلَ، عِسِرَيِلَكَ ندٍ نَشَ قَ مَدِيَنكَ فِنّ ندٍ رَ عَ نفَشَكٍرٍنيِيٍ يَ عِ. مُنسَ نُن عِسِرَيِلَ حَمَ نَشٍيٍ نُ نَ وَقٍ هْرْ مْلِنفِرَ سٌدٍ دّ رَ، نَشَ نَ فِنّ نُن نَ شّمّ تٌ. 7هَرُنَ شَ مَمَدِ، عٍلٍيَسَرِ شَ دِ شّمّ قِنٍشَسِ سّرّشّدُبّ تٌ نَ فِنّ نُن نَ شّمّ تٌ، عَ نَشَ كٍلِ، عَ تَنبّ تٌنفٌ، 8عَ بِرَ نَ شّمّ قْشْ رَ كِرِ بَنشِ كُي، عَ سَ عَ تَن نُن نَ فِنّ سْشْ عَ شَ تَنبّ رَ عٍ قُرِ مَ كٍرٍن نَ. نَ تّمُي عَلَتَلَ شَ شْنّ نَشَ دَن. 9مِشِ وُلُ مْشْحّن نُن نَانِ نَن قَشَ نَ فبَلٌي كُي.

10عَلَتَلَ نَشَ عَ مَسٍن مُنسَ بّ، 11«هَرُنَ سّرّشّدُبّ شَ مَمَدِ، عٍلٍيَسَرِ شَ دِ شّمّ قِنٍشَسِ، بَرَ ﭑ مَ شْنّ بَ عِسِرَيِلَكَيٍ مَ. ﭑ مَ شَنُنتٍيَ ﭑ مَ حَمَ بّ نُ نَ عَ بْحّ كُي، عَ قَ عَ نِيَ عَ شَ نَ رَبَ. ﭑ تَن مُ عِسِرَيِلَ بِرِن سْنتْ ﭑ مَ شَنُنتٍيَ شَ قٍ رَ. 12عَ قَلَ قِنٍشَسِ بّ، ﭑ بَرَ بْحّسَ سَاتّ شِرِ عَ تَن نُن ﭑ تَن تَفِ. 13نَ سَاتّ لُمَ ﭑ تَن نُن عَ بْنسْي تَفِ، عٍ قَ قِندِ سّرّشّدُبّيٍ رَ عَبَدَن، بَرِ مَ ﭑ مَ شَنُنتٍيَ نُ نَ عَ بْحّ كُي، عَ مَن قَ عَ نِيَ عِسِرَيِلَكَيٍ شَ يُنُبِ شَ شَقَرِ.»

14عِسِرَيِلَكَ نَشَن قَشَ عٍ نُن نَ مَدِيَن فِنّ رَ، عَ نُ شِلِ سِمِرِ، سَلُ شَ دِ شّمّ. سِمٍيْن بْنسْي شُنيِ ندٍ نَن نُ عَ رَ. 15نَ فِنّ مَدِيَنكَ تَن نُ شِلِ كْسِبِ، سُورُ شَ دِ فِنّ. مَدِيَن شَبِلّ ندٍيٍ شُنيِ نَن نُ عَ بَبَ رَ. 16عَلَتَلَ نَشَ عَ مَسٍن مُنسَ بّ، 17«وٌ شَ مَدِيَنكَيٍ فٍرٍ عَلْ يَشُييٍ! 18عٍ قِندِشِ وٌ بّ يَشُييٍ نَن نَ ثٍيٌرِ كُيٍ شَ قٍ رَ، نُن عٍ مَافِنّ كْسِبِ شَ قٍ رَ. كْسِبِ قِندِشِ عٍ شَ يَرٍرَتِ ندٍ شَ دِ فِنّ نَن نَ، 19نَشَن قَشَ ثٍيٌرِ كُيٍ شَ قٍ كُي.»

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index