Search form

كْنتِ تِقٍ int

مَسٍنيِ ندٍ يِ كِتَابُي شَ قٍ رَ

عَننَبِ مُنسَ شَ كِتَابُي نَانِ ندٍ كُي، عِسِرَيِلَ حَمَ شَ تَرُشُي ندٍ مَسٍنشِ نَا نَشَن تِدٍ فبٌ دَنشَنِيَتْي بِرِن بّ. عَلَتَلَ نُ بَرَ عِسِرَيِلَ رَ مِنِ مِسِرَ كٌنيِيَ كُي سِفَقٍ رَ كَنَان بْشِ مَ، عَ دّننَشّ لَايِدِشِ عٍ بٍنبَيٍ بّ. نَ سِفّ كُي عَ نُ لَنمَ عٍ شَ فبٍنفبٍرٍنيِ عِفِرِ. عٍ تٌ تُرُ سِنِنَ فٍيَ لِ، عَلَتَلَ نَشَ مِنِ حَمَ مَ عَلَكٌ عٍ شَ فَاشُ عَ يَ رَ، عٍ مَن شَ عَ شَ سّرِيّ كٌلٌن.

كْنْ نَ دَنفِ شَنبِ، عِسِرَيِلَ نَشَ تَفَن نَ حّرّ مَ، عَلَ نَشَ عٍ شْنْ شُي مّ. عَلَ نُ قٍ بِرِن نَبَمَ عَلَكٌ عٍ شَ عَ كٌلٌن عَ نَ مّينِقٍ عٍ مَ بِيَاسِ كُي، كْنْ عٍ مُ وَ سَ نَ رَ. عٍ تٌ مَكْرّ كَنَان بْشِ رَ، عَلَ نَشَ مِشِيٍ سُفَندِ عٍ يَ مَ نَشٍيٍ سِفَ نَا رَبّندٍ. نٍيٍ شَ دّنتّفّ نَشَ عَ نِيَ عِسِرَيِلَ شَ كْنتْقِلِ عَ حَاشِ رَ، عٍ قَ تٌندِ سِفَدٍ نَ بْشِ سُشُدٍ.

نَ كُي عَلَتَلَ نَشَ نَتّ تٌنفٌ نَ مِشِيٍ شِلِ مَ، نَشٍيٍ مِنِشِ مِسِرَ بْشِ مَ، عَ عٍ سٍسٍ مُ نُ نْمَ كَنَان بْشِ مَسْتْدٍ قَ، قٌ عٍ شَ دِيٍ. عِسِرَيِلَ حَمَ نَشَ حّ تٌنفٌ نَانِ رَبَ فبٍنفبٍرٍنيِ مَ، عَلَكٌ قٌرِيٍ بِرِن شَ قَشَ، عٍ شَ دِيٍ شَ مْ نَ بِيَاسِ كُي.

عَ رَحْنيِ، عٍ نَشَ مَكْرّ كَنَان نَانِنيِ رَ. مٌوَبَكَيٍ مُ تِن عٍ شَ سٌ، كْنْ عَلَ نَشَ عَ مَسٍن عَ قِيشّ رَ عَ سٍسٍ مُ نْمَ عَ نِيَدٍ عَ شَ عَ شَ حَمَ عِسِرَيِلَ رَبّحِن. هَلِ عٍ تٌ بَرَ نُ يُنُبِ سْتْ، عَلَ عٍ حَشَنكَتَشِ نَشَن مَ قٍ رَ، عَ مُ دَنيِ سَ عَ شَ هِننّ مَ عٍ بّ.

سّرِيّ نَن نَ كِ دَنشَنِيَتْي بِرِن بّ. يُنُبِ مُ قَن، عَ عَلَ رَشْنْمَ. وٌن نَ فبِلٍن عَلَ شَ سّرِيّ قْشْ رَ، وٌن شَ عَ كٌلٌن نَ مُ قِندِ مَ قٍ قَنيِ رَ وٌن بّ. كْنْ عَلَ يُفٍ نَ كِ نَشّ، هَلِ عَ يُنُبِتْي حَشَنكَتَ عَ شَ يُنُبِيٍ شَ قٍ رَ، عَ مَن كَتّ بِرِن نَبَمَ عَلَكٌ عَ شَ تِن عَ شَ هِننّ رَ نَشَن نْمَ قِندِدٍ كِسِ رَ عَ بّ عَبَدَن. عَلَ تِنشِن، عَ شَ كِيتِ مُ كَنَمَ. كْنْ عَ شَ شَنُنتٍيَ فبٌ دَنفِ قٍ بِرِن نَ. عَ وَ مَ عِبُنَدَ مَ بِرِن شَ لُ عَ شَ حَمَ يَ مَ، عٍ قَ سٌ عَرِيَننَ. عَلَ شَ نَ رَبَ وٌن بِرِن بّ. عَمِنَ.

تَوُرٍتَ مُنسَ

عِسِرَيِلَ شَ كْنتِ تِقٍ

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index