Search form

Jon 12:14-15

14-15Sugayok uyo God imi suuk kon tem weng uyo bogo-nulu e,

“Abiip Sayon ko age Jerusalam kasel ibaa. Ipmi king iyo tolon-tema kale, finanin ba ko. Beyo kong ko age dongki man kagum imi daang kun diim kal ton-nalata, tolon-tema o,”

agesu kale, Yesus iyo dongki man kagum maak du-nalata, bemi daang kun diim kal tonta tala ko. 16Am ko daanbu bomi kuguup ko kanube-silip bomi magam uyo imi okumop man iyo bam daa tele utamin-tem ke-silip kuta, biiluta, Yesus iyo tigi mo-nalata, asok abiil tigiin unata, kota okumop man iyo asok aget fugunolipta e, God imi suuk kon tem weng uyo kam agesu kalaa age-nilipta, imi kuguup kanube-silip umi magam uyo kota utam-silip ko.

God Imi Weng

© 1988, Wycliffe Bible Translators, Inc. All rights reserved. More Info | Version Index