Search form

Mak 6:51-52

51-52daage ilimi finang tam bot tem uyo tam tama e, dulul uyo binimanu ko. Kale ninggil imi aget fugunin uyo dogobeta yuut bam daata Yesus beyo dogonupmin titil uta ku-bomta kanu-be kalaa agan-nuubaalip binim kale, tam kamaki uyo ninggil iyo utamipta, Yesus iyo bret katip uyo unang tinum kwiin tagang iyo togobela unan-bii tii kelip kalaa agebip kuta, Yesus beyo dogonupmin tinum kalaa age bam daalin-tem ke-nilip e minte, aaltam kogal mungkup ninggil iyo utamipta, Yesus beyo ok daang kun diim ilep talan-be kalaa agelip kuta, beyo dogonupmin tinum kalaa agelin-tem ke no ke-nilipta, atin kumang molip ko.

Yesus no kafin Genesaret kal unang tinum mafak ilin iyo telela imkamsa uta ko

Mat 14:34-36; Ap 5:15-16, 19:11-12

53Kale kota ok muk mat iip uyo kupkaa yak abiip Genesaret umi mep so ok kan tem ko yak abe-nilip e, bot uyo kwep yak ok kan tem daa sok kup-dii

God Imi Weng

© 1988, Wycliffe Bible Translators, Inc. All rights reserved. More Info | Version Index