Search form

Rom 9:27-28

27-28Kale Aisaya iyo Israel kasel imi sang uyo bogo-nala e,

“Bisel God iyo alugum kafin diim komi unang tinum iyo im-kugu-bom yegeman-tema kota, yuut ilimi fengmin umi kun uyo atin yan kebelan-tema kale, kanube tam Israel kasel imi man ilop kuteman-temip kutop uyo fen yol ok kan tem umi ok diniing ulutap kelan-temu kuta, God iyo atin iip maak maak ita kup telela imola waalanan-temip o,”

age-se kale, 29Aisaya iyo bomi sang uyo kaltem kebe bogo-nala e,

“Kanube God titil tebesa iyo numi tinum iip maak maak imkalan-tema iyo binim umaak nimnam, nuyo Sodom kasel so Gomora kasel so iyo God tebe anola kaan binimansip ulutap kelan agin kuta, iip maak maak nuyo imkalata, nan-temup o,”

age-se ko.

God Imi Weng

© 1988, Wycliffe Bible Translators, Inc. All rights reserved. More Info | Version Index