Search form

Myeelwe 7

Zipo zyabasilutwe

1-Lino mubuzuba obo Musa naakamana kwiimika cikombelo, naakamana kucinanika akucisalazya azibelesyo zyaco zyoonse, alimwi naakamana kunanika akusalazya cipaililo azibelesyo zyaco zyoonse, 2-basilutwe baIsrayeli, bapati banzubo, basilutwe bamisyobo yabantu, ibakali kweendelezya abo ibakabalwa, bakaleta zipo zyabo. 3Bakaleta zipo zyabo kubusyu bwaJehova, iŋola zivumbidwe zili musanu aimwi, abasune bali ikumi ababili, nkokuti iŋola yomwe kulibasilutwe bobile bobile amusune omwe kulisilutwe umwi aumwi. Lino bakazileta kubusyu bwa-Jehova. 4Nkabela Jehova wakaambila Musa kuti, 5Uzitambule, zibe zyamilimo, zicite milimo yatente lyambunganino. Upe ba-Levi, umwi aumwi mbuli milimo yakwe. 6Mpawo Musa wakatambula iŋola abasune, wapa ba-Levi. 7Iŋola zyobile abasune bone wakazipa bana ba-Gerisoni, mbubonya bweelede milimo yabo. 8Aŋola zyone abasune bali musanu abatatu wakazipa bana na-Merari, mbubonya bweelede milimo yabo, nkokuti mumaanza aa-Itamara mwana wa-Aroni mupaizi. 9-Pele bana ba-Kohati, takwakabapa pe, nkaambo milimo yabo kiili milimo yacikombelo; bakali kuyumuna amakuko aabo. 10-Nkabela basilutwe bakaleta zipo zyakusalazya cipaililo mubuzuba obo necakananikwa. Basilutwe bakatuula zipo zyabo kunembo lyacipaililo. 11-Nkabela Jehova wakaambila Musa kuti, Balete zipo zyabo zyakusalazya cipaililo, silutwe umwi aumwi mubuzuba bumwi abumwi.

12Lino mubuzuba butaanzi Nasoni mwana wa-Aminadabu, wamusyobo wa-Juda, nguwakaleta cipo cakwe. 13-Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 14-muungo omwe wangolida wamasyekeli aali ikumi uuzwide tununkilizyo; 15kapoho komwe, mugutu omwe, kabelele komwe kamwaka omwe, zyacipaizyo cakutenta; 16-sijembwe omwe wacipaizyo cazibi; 17-azipaizyo zyakutontozya-basune bobile, bagutu bosanwe, basijembwe bosanwe, atubelele tosanwe twamwaka omwe, Ncecipo ca-Nasoni mwana wa-Aminadabu,

18Lino mubuzuba bwabili Netaneeli mwana wa-Zuwara, silutwe wamusyobo wa-Isakara, nguwakaleta cipo cakwe. 19Cipo ncaakaleta nceeci: cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 20muungo omwe wangolida wamasyekeli aali ikumi uuzwide tununkilizyo; 21-kapoho komwe, mugutu omwe, kabelele komwe kamwaka omwe, zyacipaizyo cakutenta; 22sijembwe omwe wacipaizyo cazibi; 23-azipaizyo zyakutontozya-basune bobile, bagutu bosanwe, basijembwe bosanwe, atubelele tosanwe twamwaka omwe, Ncecipo ca-Netaneeli mwana wa-Zuwara.

24Lino mubuzuba bwatatu Eliabu mwana wa-Heloni, silutwe wabana ba-Zebuloni, wakaleta cipo cakwe. 25Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 26muungo omwe wangolida wamasyekeli aali ikumi uuzwide tununkilizyo; 27-kapoho komwe, mugutu omwe, kabelele komwe kamwaka omwe, zyacipaizyo cakutenta; 28sijembwe omwe wacipaizyo cazibi; 29azipaizyo zyakutontozya-basune bobile, bagutu bosanwe, basijembwe bosanwe, atubelele tosanwe twamwaka omwe, Ncecipo ca-Eliabu mwana wa-Heloni.

30Lino mubuzuba bwane Elizuri mwana wa-Sedeuri, silutwe wabana ba-Rubeni, wakaleta cipo cakwe. 31Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 32muungo omwe wangolida wamasyekeli aali ikumi uuzwide tununkilizyo; 33kapoho komwe, mugutu omwe, akabelele komwe kamwaka omwe, zyacipaizyo cakutenta; 34sijembwe omwe wacipaizyo cazibi; 35azipaizyo zyakutontozya-basune bobile, bagutu bosanwe, basijembwe bosanwe, atubelele tosanwe twamwaka omwe, Ncecipo ca-Elizuri mwana wa-Sedeuri.

36Lino mubuzuba bwasanu Selumiyeli mwana wa-Zurisadai, silutwe wabana ba-Simeoni, wakaleta cipo cakwe. 37Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile kazizwide busu bunante buvwelene amafuta bwakupaizya; 38muungo omwe wangolida wamasyekeli aali ikumi uuzwide tununkilizyo; 39-kapoho komwe, mugutu omwe, kabelele komwe kamwaka omwe, zyacipaizyo cakutenta; 40sijembwe omwe wacipaizyo cazibi, 41azipaizyo zyakutontozyabasune bobile, bagutu bosanwe, basijembwe bosanwe, tubelele tosanwe twamwaka omwe, Ncecipo ca-Selumiyeli mwana wa-Zurisadai.

42-Lino mubuzuba bwamusanu abumwi Eliyasafe mwana wa-Deyueli, silutwe wabana ba-Gadi, wakaleta cipo cakwe, 43-Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 44muungo omwe wangolida wamasyekeli aali ikumi uuzwide tununkilizyo; 45-kapoho komwe, mugutu omwe, kabelele komwe kamwaka omwe, zyacipaizyo cakutenta; 46sijembwe omwe wacipaizyo cazibi; 47azipaizyo zyakutontozyabasune bobile, bagutu bosanwe, basijembwe bosanwe, atubelele tosanwe twamwaka omwe, Ncecipo ca-Eliyasafe mwana wa-Deyueli,

48-Lino mubuzuba bwamusanu aabili Elisama mwana wa-Amihudi, silutwe wabana ba-Efraimu, wakaleta cipo cakwe. 49Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 50-muungo omwe wangolida wamasyekeli aali ikumi uuzwide tununkilizyo; 51-kapoho komwe, mugutu omwe, kabelele komwe kamwaka omwe, zyacipaizyo cakutenta; 52sijembwe omwe wacipaizyo cazibi; 53azipaizyo zyakutontozyabasune bobile, bagutu bosanwe, basijembwe bosanwe, atubelele tosanwe twamwaka omwe. Ncecipo ca-Elisama mwana wa-Amihudi.

54-Lino mubuzuba bwamusanu aatatu Gamaliyeli mwana wa-Pedazuri, silutwe wabana ba-Manase, wakaleta cipo cakwe. 55Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 56-muungo omwe wangolida wamasyekeli aali ikumi uuzwide tununkilizyo; 57-kapoho komwe, mugutu omwe, kabelele komwe kamwaka omwe, zyacipaizyo cakutenta; 58sijembwe omwe wacipaizyo cazibi; 59-azipaizyo zyakutontozyabasune bobile, bagutu bosanwe, basijembwe bosanwe, tubelele tosanwe twamwaka omwe. Ncecipo ca-Gamaliyeli mwana wa-Pedazuri,

60Lino mubuzuba bwamusanu aane, Abidana mwana wa-Gideoni, silutwe wabana ba-Benjamini, wakaleta cipo cakwe. 61-Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile zyakalizwide busu bunante buvwelene amafuta bwakupaizya; 62-muungo omwe wangolida wamasyekeli aali ikumi uuzwide tununkilizyo; 63-kapoho komwe, mugutu omwe, kabelele komwe kamwaka omwe, zyacipaizyo cakutenta; 64sijembwe omwe wacipaizyo cazibi; 65-azipaizyo zyakutontozyabasune bobile, bagutu bosanwe, basijembwe bosanwe, tubelele tosanwe twamwaka omwe. Ncecipo ca-Abidana mwana wa-Gideoni.

66-Lino mubuzuba bwakumi Ahiezeri mwana wa-Amisadai silutwe wabana ba-Dani, wakaleta cipo cakwe. 67-Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba wansiliya iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile kazizwide busu bunante buvwelene amafuta bwakupaizya; 68-muungo omwe wangolida wamasyekeli aali ikumi uuzwide tununkilizyo; 69kapoho komwe, mugutu omwe, kabelele komwe kamwaka omwe, zyacipaizyo cakutenta; 70sijembwe omwe wacipaizyo cazibi; 71azipaizyo zyakutontozya-basune bobile, bagutu bosanwe, basijembwe bosanwe, tubelele tosanwe twamwaka omwe. Ncecipo ca-Ahiezeri mwana wa-Amisadai.

72-Lino mubuzuba bwakumi abumwi Pagiyeli mwana wa-Okirani, silutwe wabana ba-Aseri, wakaleta cipo cakwe. 73Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile kazizwide busu bunante buvwelene amafuta bwakupaizya; 74-muungo omwe wangolida wamasyekeli aali ikumi uuzwide tununkilizyo; 75kapoho komwe, mugutu omwe, kabelele komwe kamwaka omwe, zyacipaizyo cakutenta; 76sijembwe omwe wacipaizyo cazibi; 77azipaizyo zyakutontozya-basune bobile, bagutu bosanwe, basijembwe bosanwe, tubelele tosanwe twamwaka omwe, Ncecipo ca-Pagiyeli mwana wa-Okirani.

78-Lino mubuzuba bwakumi aabili Ahira mwana wa-Enani, silutwe wabana ba-Nafitali, wakaleta cipo cakwe. 79-Cipo cakwe cakali cilongo comwe cansiliva icakali abulemu bwamasyekeli aali mwanda amakumi otatwe, amutiba omwe wansiliva iwakali abulemu bwamasyekeli aali makumi aali musanu aabili (cakupimya asyekeli lyacikombelo), zyoonse zyobile kazizwide busu bunante buvwelene amafuta bwakupaizya; 80muungo omwe wangolida wamasyekeli aali ikumi uuzwide tununkilizyo; 81kapoho komwe, mugutu omwe, kabelele komwe kamwaka omwe, zyacipaizyo cakutenta; 82sijembwe omwe wacipaizyo cazibi; 83azipaizyo zyakutontozya-basune bobile, bagutu bosanwe, basijembwe bosanwe, tubelele tosanwe twamwaka omwe, Ncecipo ca-Ahira mwana wa-Enani.

84Lino mbuboobu mbucakabede cituuzyo cakusalazya cipaililo, mubuzuba bwakunanikwa kwaco, ncibakalaleta basilutwe baba-Israyeli; zilongo zyansiliva zili ikumi azibili, mitiba yansiliva iili ikumi aibili, myuungo yangolida iili ikumi aibili; 85bulemu bwacilongo cimwi acimwi bwakali masyekeli aansiliva aali mwanda amakumi otatwe, abulemu bwamutiba umwi aumwi bwakali masyekeli aali makumi aali musanu aabili, nkokuti bulemu bwansiliva yoonse bwakasika kumasyekeli aali zyuulu zyobile amyanda yone (cakupimya asyekeli lyacikombelo), 86-amyuungo yangolida iili ikumi aibili iizwide tununkilizyo, umwi aumwi wakali abulemu bwamasyekeli aali ikumi (cakupimya asyekeli lyacikombelo), nkokuti bulemu bwangolida yoonse bwakasika kumasyekeli aali mwanda amakumi obile; 87-abanyama boonse bazipaizyo zyakutenta bakali bapoho bali ikumi ababili, bagutu bali ikumi ababili, tubelele twamwaka omwe tuli ikumi atubili, antoomwe azipaizyo zyazyo zyabusu; abasijembwe bali ikumi ababili bazipaizyo zyazibi; 88abanyama boonse bazipaizyo zyakutontozya bakali bapoho bali makumi obile abane, bagutu bali makumi aali musanu alimwi, basijembwe bali makumi aali musanu alimwi, tubelele twamwaka omwe tuli makumi aali musanu alimwi, Ncecipo cakusalazya cipaililo necakamana kunanikwa.

89-Lino Musa naakanjila mutente lyambunganino kuyooambaula a-Jehova, wakamvwa ijwi limwaambila kuzwa kucuuno caluzyalo icakali atala lyabbokesi lyacizuminano, akati kabaangelo bakerubi bobile. Mbuboobo mbwaakamwaambila.