Search form

لوقا 15

15‏-نجی باب

ییتِن قُیون میثالی

مَتّیٰ 18‏:12‏-14

1هِمّه مالییات آلیانچیلار بیلِن گونَه‌کَرلِر عیسانینگ آیدیان زاتلارینی دینگلِمِک اوچین، اُنونگ داشینا اویشیَردیلِر.‏ 2فَریسی‌لِر بیلِن دین عُلَمالار بُلسا:‏ ‏«‏بو آدام گونَه‌کَرلِری قابول اِدیَر، اُلار بیلِن ناهار ایییَر»‏ دیییپ زِیرِنیشیَردیلِر.‏

3سُنگرا عیسی اُلارا شو میثالی آیتدی:‏ 4‏«‏سیزدِن بیرینینگ یوز قُینی بار دییِلی.‏ اُل بولارینگ بیرینی ییتیریَر.‏ شُندا اُل تُغسان دُقوزسینی دوزده قُیوپ، تا ییتِن قُینونی تاپیانچا، اُنونگ ایزینا گُزِمَگَه گیتمِزمی؟ 5تاپاندا بُلسا، اُنی بِگِنچ بیلِن گِرشینه آلیپ قایدار.‏ 6اُیونه گِلیپ، دُستلارینی، هِمسایالارینی چاغیریپ:‏ ‏”‏مِنینگ بیلِن بیله شاتلانینگ، ییتِن قُینومی تاپدیم!‏“‏ دییِر.‏ 7سیزه شونی آیدیارین:‏ شونونگ یالی توبا اِدِن یِکه گونَه‌لی اوچین آسماندا بُلجاق شاتلیق توبا مَحتَج دَل تُغسان دُقوز دُغری آدام اوچین بُلجاق شاتلیقدان خاص اولی بُلار.‏»‏

ییتِن پول میثالی

8‏«‏آیدالی، بیر آیالینگ اُن سانی کوموش پولی بار میشدیق.‏ اُل بولارینگ بیرینی ییتیریَر.‏ شُندا اُل ایشیغی یاقیپ، اُیی سوپوریپ، اُنی تاپیانچا، دیقّات بِریپ گُزلِمِزمی؟ 9تاپاندا بُلسا اُز بُیدُشلارینی، هِمسایالارینی چاغیریپ:‏ ‏”‏مِنینگ بیلِن بیله شاتلانینگ، ییتِن پولومی تاپدیم“‏ دییِر.‏ 10مِن سیزه شونی آیدیارین:‏ توبا اِدِن یِکِجه گونَه‌لی اوچین، خودایینگ پِریشده‌لِرینینگ آراسیندا اِدیل شونونگ یالی اولی شاتلیق بُلار.‏»‏

ییتِن اُغول میثالی

11عیسی سُزونی دُوام اِتدی:‏ ‏«‏بیر آدامینگ ایکی اُغلی بار میشدیق.‏ 12کیچی اُغلی آتاسینا:‏ ‏”‏آتا، مال-مولکدِن مِنینگ پاییما دوشِنینی بِر“‏ دیییَر.‏ آتاسی هِم بایلیغینی اُغولّارینینگ آراسیندا بُلوپ بِریَر.‏ 13بیرنَچه گوندِن سُنگ کیچی اُغلی بار-یُغونی ییغناپ، بیر اوزاق یوردا گیدیَر.‏ اُل یِرده شادی-خُرّاملیقدا یاشاپ، مال-مولکونی یِله سُووریار.‏ 14بار زادینی سُواندان سُنگ، یانگقی یوردا قاتی آچلیق دوشوپ، اُل خُرلوق چِکمَگه باشلایار.‏ 15شِیله‌لیکده، اُل گیدیپ، شُل یورتدا گوذِران اوچین گونلوکچی بیرینینگ یانیندا دوریار.‏ اُل هِم اُنی اُز اِکینچیلیگینَه دُنگوز باقماغا ایبِریَر.‏ 16اُغلان دُنگوزلارینگ ایییَن زاتلاری بیلِن قارنینی دُیراسی گِلیَردی، اِمّا اُنگا هیچ کیم هیچ زات بِرمِیَردی.‏ 17اُل آخیرسُنگی عاقیلینا آیلانیپ، اُزونه شِیله دیییَر:‏ ‏”‏آتامینگ اِنچِمه گونلوکچیلِری بار، اُلارینگ هِمّه‌سینینگ هِم دُییانچا اییمَگه چُرِکلِری بار.‏ مِن بُلسا بو یِرده آچلیقدان اُلجِک بُلوپ یُرون!‏ 18قُووسی، آتامینگ یانینا باریپ، اُنگا:‏ آتا، مِن آسمانداقا-دا و سانگا-دا قارشی گونَه اِتدیم.‏ 19مِن ایندی سِنینگ اُغلونگ دیییلمَگه-ده میناسیپ دَل.‏ مِنی اُز گونلوکچیلِرینگدِن بیری یالی قابول اِت“‏ دییِن.‏ 20شُندان سُنگرا اُغلان آتاسینینگ یانینا اوغرایار.‏

‏«‏اُغلی حَضیر اوزاقداقا، آتاسی اُنی گُریَر.‏ اُنگا یورِگی آوییار، یُرتوپ باریپ اُغلونینگ بُینوندان قوجاقلاپ، اُنی اُغشایار.‏ 21اُغلی اُنگا:‏ ‏”‏آتا، مِن آسمانداقا-دا، سانگا-دا قارشی گونَه اِتدیم.‏ مِن ایندی سِنینگ اُغلونگ دیییلمَگه-ده میناسیپ دَل“‏ دیییَر.‏ 22اِمّا آتاسی خیدماتکَرلِرینه دِستور بِریپ:‏ ‏”‏دِرِّو اینگ قاوی دُنی گِتیرینگ-ده، اُنگا گِیدیرینگ.‏ اِلِّرینه یوزوک داقینگ، آیاقلارینا کُووش گِیدیرینگ.‏ 23باغا باقیلان تانانی گِتیریپ، داماغینی چالینگ، ایییپ شاتلانالینگ!‏ 24سِبَبی بو اُغلوم اُلودی، ایندی دیرِلدی؛ اُل ییتیپدی، ایندی تاپیلدی“‏ دیییَر.‏ شِیدیپ، اُلار طُوی توتماغا باشلایارلار.‏

25‏«‏شُل واقت اُنونگ اولی اُغلی اِکینچیلیکینده میشدیق.‏ اُل اُیه قُلایلاندا، آیدیم-ساز بیلِن اُیون-گولکی سِسلِرینی اِشیدیَر.‏ 26اُل خیدماتکَرلِرینگ بیرینی یانینا چاغیریپ، مونونگ سِبَبینی سُرایار.‏ 27اُل هِم اُنگا:‏ ‏”‏کیچی دُغانینگ قایدیپ گِلدی.‏ آتانگ اُنونگ ساغامان ایزینا دُلانیپ گِلِنی اوچین، باغا باقیلان تانانینگ داماغینی چالدی“‏ دیییَر.‏ 28اولی اُغلی قاهارلانیپ، ایچِری گیرمِک ایسلِمِیَر.‏ شُندا آتاسی داشاری چیقیپ، اُنگا یالباریار.‏ 29اِمّا اُل آتاسینا شِیله جُغاپ بِریَر:‏ ‏”‏گُریَنگمی، مِن نَچه ییلدیر، سِنینگ اوچین بِنده یالی ایشلِدیم، هیچ هاچان سِنینگ دِستورلارینگا یُق دییمِدیم.‏ مونگا باقمازدان، اُز دُستلاریم بیلِن شاتلیق اِدِر یالی، سِن مانگا هیچ هاچان بیر کیچی گِچی-ده بِرمِدینگ.‏ 30اِمّا هِمّه بایلیغینگی فاحیشه‌لِره ساوران بو اُغلونگ گِلِنده، سِن اُنونگ اوچین باغا باقیلان تانانینگ داماغینی چالدینگ.‏“‏ 31آتاسی اُنگا:‏ ‏”‏اُغلوم، سِن هِمیشه مِنینگ یانیمدا آخیری، مِنینگ بار زادیم سِنینگکیدیر.‏ 32بو گون بُلسا طُوی توتوپ، شاتلانماق گِرِک، سِبَبی سِنینگ اینینگ اُلودی، ایندی دیرِلدی؛ اُل ییتیپدی، ایندی تاپیلدی“‏ دیییپ جُغاپ بِریَر.‏»‏

مُقادِّس کیتاب

© 2016,Turkmen Truth. All rights reserved



More Info | Version Index