Search form

لوقا int

تانیشلیق

بو کیتاپ لوقا آدلی طِبیب طارافیندان یازیلدی.‏ اُل عیسی ایمان گِتیرِن اَوَّلکی آداملارینگ بیریدی.‏ لوقا عیسانینگ دورموشینینگ، گُرکِزِن قودراتلارینینگ، واغیظلارینینگ شاهادی بُلان آداملارینگ گورّونگلِرینی ایخلاص بیلِن ییغناپ، ایکی کیتاپ:‏ لوقانینگ اینجیلی و رِسولّارینگ ایشلِری کیتاپلاری یازدی.‏

لوقا اینجیلی عیسی مسیحینگ نِجات بِریَندیگی باراداقی خاباری هِمّه‌لِره معلیم اِتمِک ماقصادی بیلِن یازیار.‏ بو نِجات بِریَن قادیمداقی پیغامبارلار آرقالی خودای طارافیندان واعدا بِرلیپدی.‏ لوقا بو اینجیلینگ دینگه بیر نِسل یا-دا خالق اوچین دَل-ده، هِمّه آدامزات اوچیندیگینی قایتا-قایتا آیدیار.‏ اُل قاریپلار و آیالّار یالی کَن کِمتوتولماغلارا و ظولوما دوچار بُلیانلار بارادا عیسی مسیحینگ قارینداشلیق بیلِن قایغی اِدِندیگینی بِیان اِدیَر.‏ لوقا عیسی مسیحینگ اُزی بارادا آیدانلارینی میثال گِتیریپ، شونی یازیار:‏ ‏«‏خودایینگ روحی اوستومدِدیر.‏ قاریپلارا خوش خاباری بیلدیرمِگیم اوچین، اُل مِنی سِچیپ سایلادی… ظولوم آشاغیندَکیلِری آزاتلیغا چیقارماغا، خودایینگ مِرحِمِت ییلینی اِعلان اِتمَگه مِنی ایبِردی»‏ ‏(‏لوقا 4‏:18)‏.‏

لوقا خودایینگ سُیگوسی، مُقادِّس روح، دُغا-دیلِگینگ گویجی بارادا کَن یازیار.‏ اُل اُز کیتابیندا عیسانینگ کَن میثالّارینی آیدیپ بِریَر.‏ بو میثالّار عاداتی دورموشا اِساسلانیپ، خودایینگ پاتیشاهلیغی بارادا، بو شاهلیغینگ موطیع بُلماق اوچین نَمه اِتمِلیدیگینی اُقیجا سادا دیلده دوشوندیریَر.‏

ماضمونی

گیریش 1‏:1‏-4

یحیی پیغامبارینگ و عیسی مسیحینگ دُغولماغی، اُلارینگ چاغالیغی 1‏:5‏—2‏:52

عیسی مسیحینگ ایمتِحانلانماغی و تَعمیدلِنمِگی 3‏:21‏—4‏:13

عیسی مسیحینگ جلیله‌ده گُرکِزِن مُعجِزه‌لِری و واغیظلاری 4‏:14‏—9‏:50

عیسی اورشلیم اوغرایار 9‏:51‏—19‏:27

اورشلیمه هایباتلی گیریش و سُنگ بُلان واقالار 19‏:28‏—23‏:56

عیسانینگ دیرِلیشی، شَگیرتلِرینه گُرونمِگی و آسمانا آلینماغی 24‏:1‏-53

مُقادِّس کیتاب

© 2016,Turkmen Truth. All rights reserved



More Info | Version Index