Search form

مَرقُس 16

16‏-نجی باب

عیسانینگ دیرِلیشی

مَتّیٰ 28‏:1‏-8؛ لوقا 24‏:1‏-12؛ یوحنا 20‏:1‏-10

1سَبَّت گونی تاماملانان‌سُنگ، گیچ اُیلَن مَجدَلَلی مریم، یعقوبینگ اِنه‌سی مریم و سالُمه گیدیپ، عیسانینگ جِسِدینه خوش ایسلی زاتلار چالماق اوچین ساتین آلدیلار.‏ 2یِکشَنبه گونی، اُلار گون دُغاندا، قابرینگ باشینا گِلدیلِر.‏ 3اُلار بیری-بیرلِرینه:‏ ‏«‏قابرینگ آغزیندان داشی بیزه کیم آیریپ بِرِرکَه؟»‏ دیییشیَردیلِر.‏ 4باشلارینی قالدیریپ سِرِدِنلِرینده، داشینگ بیر چِته تُغالاناندیغینی گُردولِر.‏ سِبَبی داش قاتی اولودی.‏

5قابرا گیرِنلِرینده بُلسا، ساغ طارافدا آق لِباس گِینِن بیر یاش ییگیدینگ اُتوراندیغینی گُروپ حایران قالدیلار.‏ 6اُل بولارا:‏ ‏«‏حایران قالمانگ!‏ سیز صلیبه چویلِنِن ناصِره‌لی عیسانی گُزلِیَرسینگیز.‏ اُل دیرِلدی، بو یِرده یُق!‏ اینه، اُنونگ جِسِدینینگ قُیلان یِری.‏ 7ایندی بُلسا بارینگ-دا، اُنونگ شَگیرتلِرینه و پِطرُسا:‏ ‏”‏عیسی سیزدِن اُنگ جلیلَه باریار، اُزونینگ سیزه آیدیشی یالی، اُنی شُل یِرده گُرِرسینگیز“‏ دییینگ»‏ دییدی.‏

8آیالّار قابردان چیقیپ قاچدیلار.‏ اُلاری تیترِمه هِم حایرانلیق قاپلاپ آلیپدی.‏ اُلار قُرقولاریندان یانگا هیچ کیمه هیچ زات آیتمادیلار.‏

عیسی شَگیرتلِرینه گُرونیَر

مَتّیٰ 28‏:9‏-10؛ یوحنا 20‏:11‏-18؛ لوقا 24‏:13‏-35

‏[‏ 9عیسی یِکشَنبه گونی ایر بیلِن دیرِلدی.‏ اُل اَوَّل مَجدَلَلی مریمه گُروندی.‏ عیسی اُنونگ ایچیندِن یِدی جینی کُووپ چیقاریپدی.‏ 10مریم گیدیپ، مونی عیسی بیلِن بُلان و ایندی بُلسا اُنگا یاس توتوپ، آغلاشیپ اُتوران شَگیرتلِرینه خابار بِردی.‏ 11اِمّا اُلار عیسانینگ دیریدیگینی و مریمه گُرنِندیگینی اِشیدِنلِرینده، مونگا اینانمادیلار.‏

12شُندان سُنگ عیسی شَگیرتلِریندِن ایکیسینه باشغا صوراتدا گُروندی.‏ اُل ایکیسی اُبا طاراف باریاردیلار.‏ 13اُلار هِم ایزلارینا اُورولیپ، مونی بِیلِکیلِره خابار بِردیلِر، اِمّا اُلار بولارا-دا اینانمادیلار.‏ 14سُنگرا عیسی ساچاق باشیندا اُتوران اُنبیر شَگیرتلِرینگ اُزلِرینه گُرنوپ، ایمانسیزدیقلاری، یورِکلِرینینگ تِکِپبیرلیدیگی اوچین اُلارا کَیِدی.‏ سِبَبی اُلار اُنونگ دیرِلِندیگینی گُرِن آداملارا اینانماندیلار.‏

15عیسی شَگیرتلِرینه شِیله دییدی:‏ ‏«‏هِمّه دونیَه آیلانینگ-دا، خوش خاباری هِمّه آداملارا واغیظ اِدینگ.‏ 16ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.‏ 17شو عالاماتلار ایمان گِتیریَنلِرینگ هِمراسی بُلار:‏ مِنینگ آدیم بیلِن جینلاری کُووپ چیقارارلار، تَزه دیلِّرده کِپلَرلِر.‏ 18اِلِّری بیلِن ییلان توتسالار-دا، زَهِر ایچسِلِر-ده، اُلارا ضِرِر یِتمِز.‏ اِلِّرینی مِریضلِرینگ باشینا قُیارلار، اُلار هِم شِفا تاپارلار.‏»‏

19عیسی مسیح اُلارا بولاری گورّونگ بِرِنیندِن سُنگ، آسمانا آلیندی و خودایینگ ساغیندا اُتوردی.‏ 20اُنسُنگ شَگیرتلِر گیدیپ، اینجیلی هِمّه یِرده واغیظ اِتدیلِر.‏ خودای اُلار بیلِن ایشلَپ، یِرینه یِتیَن عالاماتلار بیلِن اُز سُزونی تاصدیقلایاردی.‏]‏

مُقادِّس کیتاب

© 2016,Turkmen Truth. All rights reserved



More Info | Version Index