Search form

مَتّیٰ 1

1‏-نجی باب

عیسی مسیحینگ نِسلی

لوقا 3‏:23‏-38

1ابراهیم و داوود اُغلی بُلان عیسی مسیحینگ نِسلینه، شِیله‌دیر:‏

2ابراهیم اسحاقینگ آتاسیدی، اسحاق یعقوبینگ آتاسیدی، یعقوب یهودا و اُنونگ دُغانلارینینگ آتاسیدی.‏

3یهودا فارِص بیلِن زارِحینگ آتاسیدی، اُلارینگ اِنه‌سی تاماردی.‏ فارِص حِصرونینگ، حِصرون هِم آرامینگ آتاسیدی.‏

4آرام عمینادابینگ، عمیناداب نَحشونینگ، نَحشون هِم سالمونینگ آتاسیدی.‏

5سالمون بوعَزینگ آتاسیدی، اُنونگ اِنه‌سی راحابدی.‏ بوعَز عوبیدینگ آتاسیدی، اُنونگ اِنه‌سی روتدی.‏ عوبید یَسانینگ آتاسیدی،

6یَسا داوود پاتیشاهنینگ آتاسیدی.‏ داوود سلیمانینگ آتاسیدی.‏ سلیمانینگ اِنه‌سی اوریانینگ دول آیالی باتشِبادی.‏

7سلیمان رِحُبعامینگ، رِحُبعام اَبیانینگ، اَبیا آسانینگ آتاسیدی.‏

8آسا یِهوشافاطینگ، یِهوشافاط یورامینگ، یورام عُزیانینگ آتاسیدی.‏

9عُزیا یوتامینگ، یوتام آحازینگ، آحاز حِزِقیانینگ آتاسیدی.‏

10حِزِقیا ماناسینینگ، ماناسی آمونینگ، آمون یوشیانینگ آتاسیدی.‏

11یوشیا بابِل تَبعیدینده دُغان یِکُنیانینگ و اُنونگ دُغانلارینینگ آتاسیدی.‏

12یِکُنیا بابِل تَبعیدیندِن سُنگرا دُغان سالتیئیلینگ آتاسیدی.‏ سالتیئیل زِروبابِلینگ آتاسیدی.‏

13زِروبابِل اَبیهودینگ، اَبیهود ایلیاقیمینگ، ایلیاقیم عازورینگ آتاسیدی.‏

14عازور صادوقینگ، صادوق یاقیمینگ، یاقیم اِلیهودینگ آتاسیدی.‏

15اِلیهود ایلعازَرینگ، ایلعازَر ماتانینگ، ماتان یعقوبینگ آتاسیدی.‏

16یعقوب مریمینگ آدامسی یوسفینگ آتاسیدی، مریمدِن بُلسا مسیح دیییپ آدلاندیریلان عیسی دُغدی.‏

17شِیله‌لیکده، ابراهیمدان داوودا چِنلی بُلان نِسیلِّر جِمی اُن دُرت آرقادیر.‏ داوودّان بابِل تَبعیدینه چِنلی هِم اُن دُرت، بابِل تَبعیدیندِن مسیحه چِنلی هِم اُن دُرت آرقادیر.‏

عیسی مسیح دُغیار

لوقا 2‏:1‏-7

18عیسی مسیحینگ دُغومی شِیله بُلدی:‏ اُنونگ اِنه‌سی مریم بیلِن یوسف آداغیلیدی، اِمّا اُلار هِنیز بیرلِشمَکَلِر، مریم اُزونینگ مُقادِّس روح بیلِن گُورِلی بُلاندیغینی بیلدی.‏ 19اُنونگ آداغیلیسی یوسف دُغری بیر آدامدی، شُنگا گُرَه اُل مریمینگ ایله ماسغارا بُلماغینی ایسلِمَن، اُنی گوزگین آیریپ گُیبِرمِگی یورِگینه دوودی.‏ 20اِمّا یوسف مونی نییِتینه دووِندِن سُنگ، خودایینگ بیر پِریشده‌سی اُنونگ دیشینه گیریپ:‏ ‏«‏اِی، داوود اُغلی یوسف!‏ سِن مریم بیلِن اُیلِنمِکدِن قُرقما، سِبَبی اُنونگ گُوره‌سیندَکی چاغا مُقادِّس روح اوستو بیلِندیر.‏ 21اُل بیر اُغول دُغرار، سِن اُنونگ آدینا عیسی+ داقارسینگ، سِبَبی اُل اُز خالقینی گونَه‌لِریندِن نِجات بِرِر»‏ دییدی.‏ 22‏-23- بولارینگ هِمّه‌سی خودایینگ پیغامباری سِبَبی:‏

‏«‏اینه، بیر باکِره قیز گُورِلی بُلوپ، اُغول دُغرار.‏

اُنونگ آدینا عِمانوئیل داقارلار»‏

دیییپ آیدان سُزونینگ بِرجای بُلماغی اوچین بُلدی.‏ بو آد ‏«‏خودای بیزینگ بیلِندیر»‏ دییِن مَعنینی بیلدیردیَر.‏

24یوسف اوقودان اُیانانسُنگ، خودایینگ پِریشده‌سینینگ دِستورینی یِرینه یِتیردی-ده، مریم بیلِن اُیلِندی.‏ 25اِمّا مریم اُغلونی دُغوریانچا، یوسف اُنگا یاناشمادی.‏ یوسف دُغان چاغانینگ آدینا عیسی داقدی.‏

مُقادِّس کیتاب

© 2016,Turkmen Truth. All rights reserved



More Info | Version Index