Search form

مَتّیٰ 16

16‏-نجی باب

یُلباشچیلار عالامات طالاب اِدیَر

مَرقُس 8‏:11‏-13؛ لوقا 12‏:54‏-56

1فَریسی‌لِر بیلِن صادّوقی‌لِر عیسانینگ یانینا گِلدیلِر.‏ اُلار عیسانی ایمتِحان اوچین، اُنونگ اُزلِرینه آسماندان بیر عالامات گُرکِزمِگینی ایسلِدیلِر.‏ 2اُل شِیله جُغاپ بِردی:‏ ‏«‏آغشام دوشِنده:‏ ‏”‏آسمانینگ یوزی قیزاریپ دور، هُوا قاوی بُلجاق“‏ دیییَرسینگیز.‏ 3اِرتیرینه هِم:‏ ‏”‏آسمانینگ یوزی قارالیپدیر هِم توتوق، بو گون قای تورجاق“‏ دیییَرسینگیز.‏ سیز آسمانا گُزَپ هُوانینگ یاغدایینی سایغاریپ بیلیَرسینگیز-ده، زامانینگ عالاماتلارینی سایغاریپ بیلمِیَرسینگیزمی؟ 4- بو زامانینگ یامان هِم خودایا بیوِپا نِسلی بیر عالامات طالاب اِدیَر، اِمّا اُنگا یونس پیغامبارینگقیدان باشغا عالامات بِریلمِز.‏»‏ شِیله‌لیکده، عیسی اُلاردان آیریلیپ گیتدی.‏

فَریسی‌لِر بیلِن صادّوقی‌لِرینگ خامیرمایاسی

مَرقُس 8‏:14‏-21

5شَگیرتلِری دِریانینگ بِیلِکی طارافینا گِچِنلِرینده، چُرِک آلماغی یادّان چیقاریارلار.‏ 6عیسی اُلارا:‏ ‏«‏خاباردار بُلونگ!‏ فَریسی‌لِر بیلِن صادّوقی‌لِرینگ خامیرمایاسیندان داش دورونگ»‏ دییدی.‏ 7اُلار بیری-بیرینه:‏ ‏«‏اُل مونی بیزینگ چُرِک آلماندیغیمیز اوچین شِیله دییَندیر»‏ گومَن اِتدیلِر.‏ 8اِمّا عیسی اُلارینگ نَمه دیییشیَندیکلِرینی بیلیپ، شِیله دییدی:‏ ‏«‏اِی، ایمانی آزلار!‏ چُرِک آلماندیریس دییشیپ، نَمه اُزآرانگیزدا چِکِلِشیَرسینگیز؟ 9هِنیز هِم دوشونِنگیزُقمی؟ بَش چُرِک بیلِن بَش مونگ آدامینگ دُیاندیغی، آرتانینینگ نَچه سِبِد بُلاندیغی یادینگیزا دوشمِیَرمی؟ 10یِدی چُرِک بیلِن دُرت مونگ آدامینگ دُیاندیغی، آرتانیندان نَچه سِبِدی دُلدوریپ ییغناندیغینگیز هِم یادینگیزا دوشِنُقمی؟ 11سیز نَدیپ چُرِک بارادا گورّونگ اِتمِیَندیگیمه دوشونِنگیزُق؟ مِن سیزه:‏ ‏”‏فَریسی‌لِر بیلِن صادّوقی‌لِرینگ خامیرمایاسیندان داش دورونگ“‏ دیییَرین.‏»‏ 12شَگیرتلِر عیسانینگ اُزلِرینه خامیرمایا دَل-ده، فَریسی‌لِر بیلِن صادّوقی‌لِرینگ تاغلیماتیندان قُرانینگ دییَندیگینه شُندا دوشوندیلِر.‏

پِطرُس عیسانینگ مسیحدیگینی ایقرار اِدیَر

مَرقُس 8‏:27‏-30؛ لوقا 9‏:18‏-21

13عیسی قیصریه-فیلیپُس شَهرینینگ قُلایینا گِلِنده، شَگیرتلِریندِن:‏ ‏«‏آداملار اینسان اُغلونا کیم دیییَرلِر؟»‏ دیییپ سُرادی.‏ 14شَگیرتلِری اُنگا:‏ ‏«‏کَبیرلِری یحیی تَعمید بِریَنچی، کَبیرلِری اِلیاس، کَبیرلِری اِرمیا، یا-دا پیغامبارلاردان بیری دیییَرلِر»‏ دیییپ جُغاپ بِردیلِر.‏ 15عیسی اُلاردان:‏ ‏«‏سیز مانگا کیم دیییَرسینگیز؟ سیزینگ فیکرینگیزچه مِن کیم؟»‏ دیییپ سُرادی.‏ 16شمعون پِطرُس:‏ ‏«‏سِن دیری خودایینگ اُغلی مسیحسینگ»‏ دیییپ جُغاپ بِردی.‏ 17عیسی اُنگا شِیله دییدی:‏ ‏«‏نَهیلی خوشواقت سِن، اِی، یونانینگ اُغلی شمعون!‏ بو سیری سانگا آیان اِدِن اینسان دَل-ده، آسمانداقی آتامدیر.‏ 18مِن سانگا شونی آیدایین:‏ اِی، پِطرُس!‏+ سِن قایاسینگ، مِن کِلیسامی بو قایانینگ اوستونده قورارین، حتّیٰ اُلوم-ده بو کِلیسامی یِنگیپ بیلمِز.‏ 19آسمانینگ پاتیشاهلیغینینگ آچارلارینی سانگا بِرِرین.‏ یِر یوزونده باغلانزادینگ آسماندا-دا باغلانار.‏ یِر یوزونده آچانزادینگ آسماندا-دا آچیلار.‏»‏ 20سُنگرا شَگیرتلِرینه عیسی اُزونینگ مسیحدیگینی هیچ کیمه آیتمازلیغی تابشیردی.‏

عیسی اُز اُلومی بارادا آیدیار

مَرقُس 8‏:31‏—9‏:1؛ لوقا 9‏:22‏-27

21شُندان سُنگ عیسی شَگیرتلِرینه اُزونینگ اورشلیمه گیتمِلیدیگینی، یاشولیلارینگ، یُلباشچی کاهینلارینگ و دین عُلَمالارینگ اِلیندِن کَن عاذاپلار گُرمِلیدیگینی، اُلدوریلیپ، اوچولِنجی گون دیرِلمِلیدیگینی دوشوندیرمَگه باشلادی.‏ 22پِطرُس اُنی بیر چِته چِکیپ:‏ ‏«‏آقام، خودای ساقلاسین!‏ سِنینگ باشینگا آصلا بِیله ایش دوشمِز!‏»‏ دیییپ، اُنگا کَیِمَگه باشلادی.‏ 23اِمّا عیسی پِطرُس طارافا اُورولیپ:‏ ‏«‏چِکیل اُوومدِن، شِیطان!‏ سِن مانگا پَسگِل بُلیارسینگ، سِبَبی سِن خودایینگ ایشلِرینی دَل-ده، اینسان ایشلِری حاقدا فیکر اِدیَرسینگ»‏ دییدی.‏

24سُنگرا عیسی شَگیرتلِرینه یوزلِنیپ:‏ ‏«‏کیم مِنینگ ایزیما دوشمِک ایسلِیَن بُلسا، اُزونی اینکَر اِتسین-ده، صلیبینی آلیپ، ایزیما دوشسون.‏ 25هِر کیم جانینی نِجات بِرمِک ایسلِیَن، اُنی ییتیرِر، اِمّا کیم جانینی مِنینگ اوچین ییتیرسه، اُنی نِجات بِرِر.‏ 26اینسان هِمّه دونیَه‌نی قازانسا-دا جانیندان ماحروم بُلسا، مونونگ اُنگا نَمه پِیداسی بار؟ یا-دا اینسان اُز جانینا دِرِک نَمه بِریپ بیلِر؟ 27اینسان اُغلی آتاسینینگ بِییکلینده اُز پِریشده‌لِری بیلِن گِلِنده، هِر کیمه اِدِن ایشلِرینه گُرَه حاقینی بِرِر.‏ 28سیزه دُغروسینی آیدیارین:‏ بو یِرده دورانلارینگ کَبیری اینسان اُغلونینگ پاتیشاه بُلوپ گِلیَنینی اُلمَنکَه گُرِرلِر»‏ دییدی.‏

مُقادِّس کیتاب

© 2016,Turkmen Truth. All rights reserved



More Info | Version Index