Search form

مَتّیٰ 19

19‏-نجی باب

نیکاح و طالاق بارادا

مَرقُس 10‏:1‏-12

1عیسی بو سُزلِری تاماملاندان سُنگ، جلیله‌دِن چیقیپ، اُردُن آرناسینینگ آنگیرسینداقی یهودیه اِطرافینا گیتدی.‏ 2اولی جِماغات اُنونگ ایزینا دوشدی، عیسی هِم شُل یِرده اُلارینگ مِریضلِرینی شِفا بِردی.‏

3عیسانینگ یانینا گِلِن کَبیر فَریسی‌لِر اُنی ایمتِحان اِتمِک اوچین:‏ ‏«‏بیر آدامینگ هِر بیر زادی باهانالاپ، آیالینی طالاق بِرمِگی شِریغاتا دُغری گِلیَرمی؟»‏ دیییپ سُرادیلار.‏ 4عیسی هِم:‏ ‏«‏سیز نَمه تُورات‌دا اُقیمادینگیزمی؟ یارادانینگ اُزی اُزال-باشدا ‏”‏اُلاری اِرکِک و آیال اِدیپ یاراتدی“‏- .‏ 5- شِیله هِم:‏ ‏”‏شُل سِبَپدِن اِرکِک اِنه-آتاسینی تِرک اِدیپ، آیالی بیلِن بیرلِشیَر و اُلارینگ ایکیسی بیر تِن بُلیار.‏“‏ 6شِیله‌لیکده، اُلار ایندی ایکی دَل، بیر تِندیر.‏ شُنونگ اوچین هِم خودایینگ بیرلِشدیرِنینی اینسان آییرماسین»‏ دییدی.‏

7- فَریسی‌لِر عیسادان:‏ ‏«‏اُندا نَمه اوچین موسی طالاق نامه‌سینی یازیپ، آیریلیشماغا ایختییار بِریپدیر؟»‏ دیییپ سُرادیلار.‏ 8عیسی اُلارا:‏ ‏«‏موسی سیزینگ قاتی یورِکدیگینگیز اوچین آیالینگیزی طالاق بِرمَگه ایختییار بِردی، اِمّا اُزال-باشدا بِیله دَلدی.‏ 9مِن سیزه شونی آیدیاندیرین:‏ هِر کیم آیالینی زینادان باشغا سِبَپ بیلِن طالاق بِریپ، باشغا آیالا اُیلِنسه، زینا اِدیَندیر»‏ دیییپ جُغاپ بِردی.‏

10شَگیرتلِر اُنگا:‏ ‏«‏اِگِر اَر-آیالینگ آراسینداقی یاغدای شِیله بُلسا، اُندا اُیلِنمِزلیک قُوودیر»‏ دیییشدیلِر.‏ 11اِمّا عیسی اُلارا:‏ ‏«‏هِمّه آداملار بو سُزی قابول اِدیپ بیلمِزلِر، یِکه اُزلِرینه بِرلِنلِر قابول اِدیپ بیلِرلِر.‏ 12کَبیر آداملار عُمور بُیی آغتادیرلار، کَبیرلِری بُلسا آداملار طارافیندان آغتا اِدیلِندیر.‏ باشغا بیرلِری بُلسا، آسمانینگ پاتیشاهلیغینینگ خاطیراسینا هیچ کیم بیلِن بیرلِشمِیَر.‏ مونی قابول اِدیپ بیلِن قابول اِتسین»‏ دییدی.‏

عیسی چاغالارا بِرِکِت بِریَر

مَرقُس 10‏:13‏-16؛ لوقا 18‏:15‏-17

13سُنگرا باشلارینا اِلینی قُیوپ، دُغا-دیلِگ اِتسین دیییپ، آداملار چاغالاری عیسانینگ یانینا گِتیردیلِر، اِمّا شَگیرتلِر چاغالاری گِتیرِنلِره کَیِدیلِر.‏ 14عیسی بُلسا:‏ ‏«‏چاغالاری مِنینگ یانیما گُیبِرینگ، اُلاری ساقلامانگ، سِبَبی آسمانینگ پاتیشاهلیغی شولار یالیلارینگقیدیر»‏ دییدی.‏ 15اِلِّرینی اُلارینگ باشلارینا قُیوپ، بِرِکِت بِرِندِن سُنگ، عیسی اُل یِردِن گیتدی.‏

بای یاش ییگیت

مَرقُس 10‏:17‏-31؛ لوقا 18‏:18‏-30

16شُل ماحال بیر آدام عیسانینگ یانینا گِلیپ:‏ ‏«‏اِی، اُستاد، اِبِدی یاشایشیم بُلار یالی، مِن نَمه یاغشی ایش اِتمِلی؟»‏ دیییپ سُرادی.‏ 17عیسی:‏ ‏«‏نَمه اوچین مِندِن یاغشی ایش حاقیندا سُرایارسینگ؟ یِکه خودایدان باشغا هیچ کیم یاغشی دَلدیر.‏ اِگِر اِبِدی یاشایشا قُووشماق ایسلِیَن بُلسانگ، دِستورلاری بِرجای اِت»‏ دییدی.‏ 18- اُل عیسادان:‏ ‏«‏هایسی دِستورلاری؟»‏ دیییپ سُرادی.‏ عیسی:‏ ‏«‏آدام اُلدورمه، زینا اِتمه، اُغورلیق اِتمه، یالان شاهاتلیق بِرمه، 19اِنه-آتانگا حُرمات قُی، هِمسایانگی اُزونگی سُیشونگ یالی سُی»‏ دیییپ جُغاپ بِردی.‏ 20یاش ییگیت عیسادان:‏ ‏«‏مِن بولارینگ هِمّه‌سینی یاشلیغیمدان بَری بِرجای اِدیپ گِلیَرین، یِنه نَمه کِمیم بار؟»‏ دیییپ سُرادی.‏ 21عیسی اُنگا:‏ ‏«‏کَمیل بُلایین دییسِنگ، گیت-ده، نَمَه‌نگ بار بُلسا ساتیپ، قاریپلارا پایلا، شُندا آسماندا خازینانگ بُلار.‏ سُنگرا گِل-ده، مِنینگ ایزیما دوش»‏ دییدی.‏ 22یاش ییگیت بو سُزی اِشیدیپ، غاملی بُلوپ گیتدی، سِبَبی اُنونگ مال-مولکی کَندی.‏

23عیسی شَگیرتلِرینه:‏ ‏«‏سیزه دُغروسینی آیدیارین، بای آدامینگ آسمانینگ پاتیشاهلیغینا گیرمِگی قیندیر.‏ 24مِن سیزه یِنه-ده شونی آیدیارین، بیر دویَه‌نینگ اینگَّه‌نینگ گُزوندِن گِچمِگی بای آدامینگ خودایینگ پاتیشاهلیغینا گیرمِگیندِن آنگساتدیر»‏ دییدی.‏ 25مونی اِشیدِنلِرینده، شَگیرتلِری قاتی حایران قالیپ:‏ ‏«‏اُندا کیم نِجات تاپیپ بیلِر؟»‏ دیییپ سُرادیلار.‏ 26عیسی اُلارا گُزَّپ:‏ ‏«‏اینسانلار اوچین بو مومکین دَل، اِمّا خودای اوچین هِمّه زات مومکیندیر»‏ دییدی.‏

27سُنگرا پِطرُس اُنگا:‏ ‏«‏اینه، بیز هِمّه زادیمیزی تِرک اِدیپ، سِنینگ ایزینگا دوشدوک!‏ مونونگ اوچین بیز نَمه آلاریس؟»‏ دییدی.‏ 28عیسی اُلارا:‏ ‏«‏سیزه دُغروسینی آیدیارین، هِمّه زادینگ تَزه‌لِنِن زامانی اینسان اُغلی اُز بِییک تاختیندا اُتوراندا، مِنینگ ایزیما دوشِن سیز هِم اُن ایکی تاختدا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏ 29هِر کیم مِنینگ خاطیرام اوچین اُیلِرینی، دُغانلارینی، آیال دُغانلارینی، آتاسینی، اِنه‌سینی، اُغلان-اوشاقلارینی، مال مولکلِرینی تِرک اِدِن ایزینا یوز بِرابار اِدیپ قایتاریپ آلار.‏ اُلار اِبِدی یاشایشینگ میراثچیسی بُلارلار.‏ 30اِمّا اَوَّلکیلِرینگ کَنسی آخیرقیلار، اینگ آخیرقیلارینگ هِم اَوَّلکیلِر بُلارلار»‏ دییدی.‏

مُقادِّس کیتاب

© 2016,Turkmen Truth. All rights reserved



More Info | Version Index