Search form

مَتّیٰ 4

4‏-نجی باب

عیسی ایمتِحانلانیار

مَرقُس 1‏:12‏-13؛ لوقا 4‏:1‏-13

1سُنگرا عیسی شِیطان طارافیندان ایمتِحان بُلماق اوچین مُقادِّس روح سِبَبی بیابانا اَکیدیلدی.‏ 2عیسی قیرق گیجه-گوندیز آرازا توتاندان سُنگرا آجیقدی.‏ 3شُل واقت اُنونگ یانینا شِیطان گِلیپ:‏ ‏«‏اِگِر سِن خودایینگ اُغلی بُلیان بُلسانگ، اُندا شو داشلارینگ چُرِگه اُورولمِگینی بویور»‏ دییدی.‏ 4- اِمّا عیسی اُنگا:‏ ‏«‏‏”‏اینسان یِکه چُرِک بیلِن یاشامایار، اُندان باشغا خودایینگ آغزیندان چیقان هِر بیر سُز بیلِن هِم یاشایاندیر“‏ دیییپ یازیلاندیر»‏ دیییپ جُغاپ بِردی.‏

5سُنگرا شِیطان عیسانی مُقادِّس شَهره گِتیردی.‏ اُنی عیباداتخانانینگ دِپه‌سینه چیقاریپ:‏ 6‏«‏اِگِر سِن خودایینگ اُغلی بُلسانگ، اُزونگی آشاق اُقلا.‏ چونکی شِیله یازیلاندیر:‏ - اُل پِریشده‌لِرینه سِن باباتدا دِستور بِرِر، آیاغینگ داشا بودوریمِز یالی، اُلار سِنی اِلِّرینده گُتِرِر»‏ دییدی.‏ 7- عیسی اُنگا:‏ ‏«‏‏”‏تانگری خودایینگیزی ایمتِحان اِدمَنگ“‏ دیییپ هِم یازیلاندیر»‏ دییدی.‏

8شِیطان بو گِزِک عیسانی بِییک بیر داغینگ باشینا چیقاردی.‏ اُنگا دونیَه‌نینگ هِمّه شاهلیقلارینی و اُلارینگ بِییکلیگینی گُرکِزیپ:‏ 9‏«‏اِگِر دیزینگا چُکوپ، مانگا سِجده اِتسِنگ، بولارینگ بارینی سانگا بِرِیین»‏ دییدی.‏ 10- عیسی اُنگا:‏ ‏«‏یُق بُل، شِیطان!‏ ‏”‏تانگری خودایینگیزا سِجده اِدینگ، یِکه اُنگا خیدمات اِدینگ“‏ دیییپ یازیلاندیر»‏ دییدی.‏

11شوندان سُنگ شِیطان عیسانی قُیوپ گیتدی.‏ پِریشده‌لِر گِلیپ، عیسی خیدمات اِتدیلِر.‏

عیسی خوش خاباری اِعلان اِتمَگه باشلایار

مَرقُس 1‏:14‏-15؛ لوقا 4‏:14‏-15

12عیسی یحیانینگ زیندان اِدیلِندیگینی اِشیدِنده، جلیلَه دُلانیپ گِلدی.‏ 13اُل اَوَّل ناصِره شَهرینه گِلدی، اِمّا اُل یِرده اوزاق اِگلِنمَن، زِبولون بیلِن نافتالی وِلایاتیندَکی جِلیل دِریانینگ کِناریندا یِرلِشیَن کَفَرناحوم‌دا جایلاشدی.‏ 14شونلوقدا، اِشعیا پیغامبارینگ اوستو بیلِن آیدیلان شو سُز بِرجای بُلدی:‏

15- ‏«‏اِی، زِبولون و نافتالی یوردی،

دِریا یُلونینگ تُوِرِگیندَکی،

اُردُن آرناسینینگ گوندُغاریندَکی یورت،

بیگانه میلِّتلِرینگ یاشایان یِری بُلان جلیله‌سی!‏

16قارانگقیلیقدا باریان خالق اولّاقان نور گُردی،

اُلوم کُلِگه‌ده یاشایانلارینگ اوستونه نور سِچیلدی.‏»‏

17شُل واقتدان باشلاپ، عیسی:‏ ‏«‏توبا اِدینگ!‏ آسمانینگ پاتیشاهلیغی قُلایلادی»‏ دیییپ، واغیظ اِتمَگه باشلادی.‏

عیسی اَوَّلکی شَگیرتلِرینی سایلایار

مَرقُس 1‏:16‏-20

18عیسی جلیله دِریانینگ کِناریندان گِچیپ باریارقا، ایکی دُغانینگ دِریایا تُر زینگیپ دورانلارینی گُردی.‏ اُلارینگ بیری پِطرُس لاقابی شمعون، بِیلِکیسی هِم آندرِیاسدی.‏ اُلار بالیقچیدیلار.‏ 19عیسی اُلارا:‏ ‏«‏مِنینگ ایزیما دوشونگ، مِن سیزی اینسان توتیان بالیقچیلار یالی اِدِرین»‏ دییدی.‏ 20اُلار هِم شُل واقتینگ اُزونده تُرلارینی قُییپ، اُنونگ ایزینا دوشدولِر.‏ 21بیرآز یُرییِنلِریندِن سُنگ، عیسی باشغا ایکی دُغانی، زِبِدینینگ اُغولّاری یعقوب بیلِن یوحنانی گُردی.‏ اُلار قاییقینگ ایچینده آتالاری زِبِدی بیلِن تُرلارینی بِجِریپ اُتیردیلار.‏ عیسی اُلاری چاغیردی.‏ 22اُلار هِم دِرِّو قاییق بیلِن آتالاری زِبِدینی تِرک اِدیپ، عیسانینگ ایزینا دوشدولِر.‏

عیسی مِریضلِری شِفا بِریَر

23عیسی هِمّه جلیله‌نی آیلانیپ چیقدی، اُل یِردَکی کِنیسه‌لِرده تَعلیم بِردی و آسمانینگ پاتیشاهلیغینینگ خوش خابارینی واغیظ اِتدی، خالقینگ آراسینداقی هِر هیلی دِرتلِری و مِریضچیلیکلِری شِفا بِردی.‏ 24اُنونگ آد-آوازاسی هِمّه سوریه یایرادی، هِر هیلی دِرتلِره دوچار بُلان هِمّه مِریضلِری، دیوانالاری، توتماغلیلاری و فِلِجلِری عیسانینگ یانینا گِتیردیلِر، اُل هِم اُلاری شِفا بِردی.‏ 25جلیله‌دِن، دِکاپولیسدِن، اورشلیمدِن، یهودیه‌دِن و اُردُنینگ گوندُغار طارافیندان اولی جِماغات اُنونگ ایزینا دوشدی.‏

مُقادِّس کیتاب

© 2016,Turkmen Truth. All rights reserved



More Info | Version Index