Search form

مَتّیٰ 5

5‏-نجی باب

حاقیقی خوشواقتلیق

لوقا 6‏:20‏-23

1عیسی اویشِن جِماغاتی گُروپ، داغا چیقیپ اُتوردی.‏ شَگیرتلِری اُنونگ یانینا گِلدیلِر، 2عیسی هِم اُلارا اُورِتمَگه باشلادی:‏

3‏«‏روحی قاریپلار خوشواقتدیر،

چونکی آسمانینگ پاتیشاهلیغی اُلارینگقیدیر.‏

4یاس توتیانلار خوشواقتدیر،

چونکی اُلارا تِسِلّی بِریلِر.‏

5فُروتَن آداملار خوشواقتدیر،

چونکی اُلار یِر یوزونی میراث آلارلار.‏

6دُغرولیغا آجیغیپ-سوسانلار خوشواقتدیر،

چونکی اُلار دُیارلار.‏

7رِحم اِدیَنلِر خوشواقتدیر،

چونکی اُلارا-دا رِحم اِدیلِر.‏

8قالبی پَکلِر خوشواقتدیر،

چونکی اُلار خودایی گُرِرلِر.‏

9پاراحاتلیق دُرِدیَنلِر خوشواقتدیر،

چونکی اُلارا خودایینگ اُغولّاری دییلِر.‏

10دُغرولیق اوچین آزارلانانلار خوشواقتدیر،

چونکی آسمانینگ پاتیشاهلیغی اُلارینگقیدیر.‏

11‏«‏مِن سِبَپلی سِوولِن، آزارلانان، ناحاق یِره هِر هیلی غیباتینگیز اِدیلِن ماحالی سیز خوشواقتسینگیز!‏ 12شاتلانینگ، بِگِنینگ، سِبَبی آسماندا آلجاق سیلاغینگیز اولودیر.‏ سیزدِن اُنگ پیغامبارلار-دا شِیدیپ آزارلاندیلار.‏

دوز و ایشیق

مَرقُس 9‏:50؛ لوقا 14‏:34‏-35

13‏«‏سیز دونیَه‌نینگ دوزوسینگیز، اِمّا دوز طاغامینی ییتیرسه، اُندا اُل نَمه بیلِن دوزلانار؟ داشاری زینگلیپ، آیاق آشاغیندا دِپِلِنمِکدِن باشغا هیچ زادا یاراماز.‏

14‏«‏سیز دونیَه‌نینگ نوریسینگیز.‏ دِپه‌ده قورلان شَهری گوزگَپ بُلماز.‏ 15چیراغی یاقیپ، قابینگ آشاغیندا قُییان دَلدیرلِر.‏ اُنی چیراغدانینگ اوستونده قُییاندیرلار، شُندا اُل اُیدَکیلِرینگ هِمّه‌سینه نور بِریَندیر.‏ 16دِگمه، سیزینگ نورینگیز آداملارینگ اُوونده پارلاسین، شُندا اُلار قاوی ایشلِرینگیزی گُروپ، آسمانداقی آتانگیزی اُوسینلِر.‏

عیسی تُورات بارادا سُز آچیار

17‏«‏مانگا تُورات بیلِن پیغامبارلارینگ یازغیلارینی باطیل اِتمَگَه گِلِندیر دیییپ گومَن اِتمَنگ.‏ مِن باطیل اِتمَگَه دَل-ده، اُلاری یِرینه یِتیرمَگَه گِلدیم.‏ 18سیزه دُغروسینی آیدیارین، آسمان بیلِن یِر گِچیپ گیتیانچا، هِمّه زات یِرینه یِتیَنچَه، تُورات‌دان یِکِجه حارپ-دا، بیر نُقتا-دا ییتمِز.‏ 19شُنونگ اوچین هِم کیم بو دِستورلارینگ اینگ کیچیسیندِن بیرینی پُزسا و شِیله اِتمِگی باشغالارا اُورِتسه، اُل آسمانینگ پاتیشاهلیغیندا اینگ کیچی حاساپلانار.‏ اِمّا کیم بولاری بِرجای اِدیپ، باشغالارا-دا اُورِتسه، اُل آسمانینگ پاتیشاهلیغیندا اولی حاساپلانار.‏ 20مِن سیزه شونی آیدیارین:‏ دُغرولیغینگیز دین عُلَمالارینگقی بیلِن فَریسی‌لِرینگکیدِن اولی بُلماسا، آسمانینگ پاتیشاهلیغینا آصلا گیرمِرسینگیز.‏

قاهار و حُکوم

21- ‏«‏سیز آتا-بابالاریمیزا:‏ ‏”‏آدام اُلدورمه، کیم آدام اُلدورسه، حُکومه سِزِوار بُلار“‏ آیدانلارینی اِشیدِنسینگیز.‏ 22اِمّا مِن سیزه شونی آیدایین:‏ اُز دُغانینا قاهارلانان آدام هِم حُکومه سِزِوار بُلار.‏ کیم اُز دُغانینا ‏”‏سامسیق“‏ دییسه، اولی حُکومینه سِزِوار بُلار.‏ حتّیٰ هیچ کیم ‏”‏آحماق“‏ هِم دییمِسین، یُغسام دُوزاخینگ اُدونا سِزِوار بُلار.‏ 23شُنونگ اوچین قربانلیق جاییندا صاداقا بِرمَگه باریارقانگ، دُغانینگ سِندِن اُیکه-کینِسینینگ باردیغی یادینگا دوشسه، 24قربانلیق جایینگ اُوونده قُی-دا، گیدیپ اُوونچَک دُغانینگ بیلِن یاراش.‏ سُنگرا گِلیپ، صاداقانگی هُدورله.‏

25‏«‏سِن داعواچینگ بیلِن هِنیز یُلدا باریارقانگ یاراش، یُغسام اُل سِنی قاضییا، قاضی هِم زیندان ساقچیسینا تابشیرایماسین.‏ شِیدیپ، سِن زیندانا دوشمِگینگ آخمال.‏ 26سانگا دُغروسینی آیدیارین، اینگ آخیرقیجا سِکّه‌نگی تُلِیَنچَنگ، اُل یِردِن آصلا چیقمارسینگ.‏

زیناکَرلیک

27- ‏«‏سیز:‏ ‏”‏زینا اِتمه“‏ آیدانلارینی اِشیدِنسینگیز.‏ 28اِمّا مِن سیزه، بیر آیالا هُوِس بیلِن باقان آدام اُز یورِگینده اِییَم اُنونگ بیلِن زینا اِدِندیر دیییَرین.‏ 29ساغ گُزونگ سِنینگ گونَه اِتمِگینگه سِبَپ بُلسا، اُنی سُغروپ چیقار.‏ بیر بُلِک بِدِنینگ یُق بُلماغی هِمّه بِدِنینگ دُوزاخا زینگیلماغیندان قُوودیر.‏ 30ساغ اِلینگ سِنینگ گونَه اِتمِگینگه سِبَپ بُلسا، اُنی چاپیپ زینگ.‏ بیر بُلِک بِدِنینگ یُق بُلماغی هِمّه بِدِنینگ دُوزاخا زینگیلماغیندان قُوودیر.‏

طالاق

مَرقُس 10‏:11‏-12؛ لوقا 16‏:18

31- ‏«‏شِیله هِم:‏ ‏”‏کیم آیالینی کُووپ گُیبِرسه، اُنگا طالاق نامه‌سینی بِرسین“‏ آیدیلاندیر.‏ 32اِمّا مِن سیزه دیییَرین، هِر کیم زینادان باشغا سِبَپ بیلِن آیالینی طالاق بِرِن آدام اُنونگ زینا اِتمِگینه سِبَپ بُلیاندیر.‏ طالاق آلان آیال بیلِن اُیلِنِن آدام هِم زینا اِدیَندیر.‏

قاسام ایچمِک بارادا

33- ‏«‏سیز یِنه قادیمقیلارا:‏ ‏”‏یالاندان قاسام ایچمه، اِمّا خودایینگ اُوونده ایچِن قاساملارینگی بِرجای اِت“‏ آیدانلارینی هِم اِشیدِنسینگیز.‏ 34اِمّا مِن سیزه آصلا قاسام ایچمَنگ دیییَرین:‏ نه آسمانا، چونکی آسمان خودایینگ تاختیدیر؛ 35نه یِره، چونکی یِر اُنونگ آیاقلارینینگ دوشِکدیر؛ نه-ده اورشلیمه، چونکی اُل بِییک پاتیشاهنینگ شَهریدیر.‏ 36اُز باشینگیزا هِم قاسام ایچمَنگ، سِبَبی سیز اُنونگ یِکه قیلینی-دا آق یا قارا اِدیپ بیلیَن دَلسینگیز.‏ 37سیزینگ ‏”‏هاووانگیز“‏ هاووا، ‏”‏یُغونگیز“‏ یُق بُلسون.‏ موندان آرتیغی شِیطانداندیر.‏

گُزه — گُز، دیشه — دیش

لوقا 6‏:29‏-30

38- ‏«‏سیز:‏ ‏”‏گُزه — گُز، دیشه — دیش“‏ آیدانلارینی اِشیدِنسینگیز.‏ 39اِمّا مِن سیزه شونی آیدایین:‏ یامان آداما قارشی دورما.‏ سِنینگ ساغ یانگاغینگا اورانا، بِیلِکی یانگاغینگی-دا توت.‏ 40سِنینگ بیلِن داعوالاشیپ، کُینِگینگی آلجاق بُلیانا دُنونگی-دا بِر.‏ 41کیم سِنی اُزی بیلِن بیر کیلومِتر یُل یُریمَگه مِجبور اِتسه، سِن اُنونگ بیلِن ایکی کیلومِتر یُل یُری.‏ 42دیلَنه — بِر، قارض دیلِیَندِن یوزونگی اُوورمه.‏

دوشمانلارینگیزی سُیونگ

لوقا 6‏:27‏-28، 32‏-36

43- ‏«‏سیز:‏ ‏”‏هِمسایانگی سُی، دوشمانینگی ییگرِن“‏ آیدانلارینی هِم اِشیدِنسینگیز.‏ 44اِمّا مِن سیزه شونی آیدایین:‏ دوشمانلارینگیزی سُیونگ، اُزونگیزی اِذیِت بِریَنلِر اوچین دُغا-دیلِگ اِدینگ.‏ 45شُندا سیز آسمانداقی آتانگیزینگ اُغولّاریدیغینگیزی بِلّی اِدِرسینگیز.‏ آسمانداقی آتانگیز اُز گونِشینی یامانلارینگ و یاغشیلارینگ هِم اوستونه دُغدوریار، یاغمیرینی دُغریلارینگ و اِگریلِرینگ هِم اوستونه یاغدیریار.‏ 46سیز اُزونگیزی سُییَنلِری سُییَن بُلسانگیز، اُندا نَمه سیلاق آلارسینگیز؟ مالییات آلیانچیلار-دا+ شِیله اِتمِیَرمی نَمه؟ 47دینگه اُز دُستلارینگیزا سالام بِریَن بُلسانگیز، اُندا نَمه آرتیقماچ ایش اِدیَرسینگیز؟ بُت‌پاراستلار-دا شِیله اِتمِیَرمی؟ 48شِیله‌لیکده، آسمانداقی آتانگیزینگ کَمیل بُلشی یالی، سیز هِم کَمیل بُلونگ.‏»‏

مُقادِّس کیتاب

© 2016,Turkmen Truth. All rights reserved



More Info | Version Index