Search form

مَتّیٰ int

تانیشلیق

بو کیتاپ عیسانینگ شَگیردی مَتّیٰ طارافیندان یازیلدی.‏ مَتّیٰ عیسی ساتاشمازیندان اُزال مالییات آلیانچیدی.‏ اِمّا عیسی مسیح بیلِن بُلان ساتاشیق اُنونگ ناظارینی دونیَه باباتدا هِمیشِلیک اویتگِدیَر.‏ عیسی اُنی اُز ایزینا دوشمَگه چاغیراندا، مَتّیٰ دِرِّو ایشینی گُیبِریپ، اُنونگ ایزینا دوشیَر.‏ مَتّیٰ عیسی نیرَه گیتسه، اُنونگ بیلِن بیله گیدیَر و سُنگرا اُنونگ اُن ایکی رِسولینینگ بیری بُلیار.‏

مَتّیٰ اُز کیتابیندا کُنه عَهد یازغیلارینا ایز-ایزینا دِلیل گِتیریَر.‏ اُل کیتابینی عیسانینگ نِسیل شِجِره‌سینی بِیان اِتمِکدِن باشلایار.‏ شِیله اِتمِک بیلِن، اُل عیسانینگ بیلدیرمِزلیکدِن پِیدا بُلمان، شُندا کُنه عَهدَّکی واعدالارا گُرَه دُغلاندیغینی بِلِّیَر.‏ مَتّیٰ عیسانینگ مسیح دیگینی، اُنونگ پیغامبارلار اوستو بیلِن واعدا بِرلِن پاتیشاهدیغینی آیان اِدیَر.‏ پیغامبارلار عیسی مسیحینگ داوود پیغامبارینگ نِسلیندِن دُغلوپ، خودایینگ پاتیشاهلیغینی بِرقارار اِتجِک نِجات بِریَندیگینی مونگلِرچه ییل اُزال آیدیپ گِچیپدیرلِر.‏ مَتّیٰ اُزونینگ شاهات بُلان واقالارینی بِیان اِدیپ، عیسی مسیحینگ دُغرودان-دا خودایینگ اُغلودیغینی تاصدیقلایار.‏

مَتّیٰ خودایینگ پاتیشاهلیغی بارادا خاص کَن یازیار.‏ اُل بو پاتیشاهلیغینگ گوندُغاردا، یا گونباتاردا، یا هایسیدیر باشغا بیر یِرده دَل-ده، آداملارینگ اُزلِرینی عیسی تابشیریپ، اُنگا یِتیشِن یِرلِرینده قاییم بُلیاندیغینی اُقییانلارینا معلیم اِدیَر.‏ عیسی مسیحه ایمان گِتیریپ، اُنونگ تابشیریقلارینی بِرجای اِدیَن ایسلِندیک آدام دُغری دورموشدا یاشاپ، خودایینگ پاتیشاهلیغینی میراث آلیار.‏

مَتّیٰ اُز کیتابیندا عیسانی اُستاد دیییپ آدلاندیریار، سِبَبی عیسی مُقادِّس یازغیلاری هِمّه ایختییارلیلیق بیلِن آیان اِدیپ و خودایینگ پاتیشاهلیغینی شاهات حُکمونده بِیان اِدِردی.‏

ماضمونی

عیسی مسیحینگ نِسیل شِجِره‌سی و دُغلوشی 1‏:1‏—2‏:23

یحیی پیغامبارینگ خیدماتی 3‏:1‏-12

عیسانینگ تَعمید بِریلمِگی و ایمتِحانلانماغی 3‏:13‏—4‏:11

عیسانینگ جِلیل وِلایاتینداقی خیدماتی 4‏:12‏—18‏:35

جِلیلدِن اورشلیمه چِنلی 19‏:1‏—20‏:34

اینگ آخیرقی هِفته و اورشلیم شَهرینه گیرمِگی 21‏:1‏—27‏:66

عیسانینگ اُلومی و دیرِلیشی 28‏:1‏-20

مُقادِّس کیتاب

© 2016,Turkmen Truth. All rights reserved



More Info | Version Index