Search form

Números 35:20-21

20-21“Me oy boch'o tspuj ta net'el xchi'il yu'un stsoq'uet yo'nton yu'une, o me oy c'usi tspajbe batel ta scoj ti yu'un chopol c'usi snopoje, me icham ono'ox yu'une, ja' xa jmilvanej chc'ot o. Xchi'uc me oy boch'o tsmaj ta sc'ob xchi'il yu'un scontra ono'oxe, me te icham o yu'une, ja' xa jmilvanej chc'ot noxtoc. Li jmilvaneje, ac'o yich' milel ec. Me oy jech chc'ot ta pasele, li yuts' yalal boch'o chchame ja' me oy ta sventa ac'o spacbe sutel li boch'o imilvan me oy bu la stae.

22“Pero me oy boch'o tspuj ta net'el xchi'il ta anil no'oxe, me mu yu'unuc scontrainoj sbaique, o me oy c'usi ta spajbe batel ti muc ta scojuc yu'un oy c'usi chopol snopoje, me te icham o yu'une, tsc'an chich' chapanel lec ba'yuc c'u yu'un ti la smile.

Bible in Tzotzil de Chenalhó with Deuterocanon

Biblia en Tzotzil de Chenalhó

Texto © Sociedades Bíblicas Unidas, A. C. 1997

SOCIEDAD BÍBLICA DE MÉXICO, A. C.

More Info | Version Index