Search form

Acts 4:3-4

3-4Ngala kajamukunyi, kuyu yali bulangi jangkurr. Manku yali bulanya, baki kuyu yali bulangi jangkurr. Nanamanji kajamuku, yali kuyu jangkurr Jisuskanyi, mijimbangu, 5000 barri. Ngala ngarrangarra yali muwa nanamuku mambukamuku, baki yali wudumba bulanya, marrimba yali. Yarrijba yali Bida baki Jun brisinyina, milidimbangangi buli jangkurr wankiykanyi mili. Jungku buli brisinyina mungana. Barriwa.

5-6Munganawa, mambukamuku jurjkanyi baki nanamuku jalili milidimba yuwa Jukanyi, yali jungku malumba. Jungku yali Jirusalimnyina. Marda jungku yali walkurramuku mambukamuku jurjkanyi. Niji yalungi Yanas, baki Kayabas, baki Jun, baki Yalisanda. Jungku yali nanaba nanamuku walkurramuku mambukamuku jurjkanyi. Yingkamuku nanaba marda. Walkurra muran, jungku yali malumba.

Kunyba Jangkurr Kudkanyi

Wycliffe Bible Translators, Inc. All rights reserved

More Info | Version Index