Search form

Matthew 7:26-27

26-27Ngala yingka barri nyuli nganinyi mudu. Yabimba nyuli barrawu, ngala miku yundu kunybana jambana, ngala yabimba nyuli barrawu yundu jundurrjundurrina yajina, bundu bundalina. Baki janjawala barri, warrmbayi yaji kudanyu yunkurrwanyi, baki yirrbayi walkurra janja. Wirlkuyi mali, baki dalyawijbayi nanda nangangi barrawu bukamba. Mikuyaji barrawunyi barri nangangi. Baki nani barri, jaliyi narri miku kuyu ngaki jangkurr, jaliyi narri miku ngayangayijba ngakinkanyi jangkurranyi, baki narri jungkuka barrinani nanda barrawu dalyawijba jali. Jala yingkamukunyi yalu yabimba kiji narringi, jala yalu linjumba narrinya, jala yalunjalu karu balkinyi jangkurranyi narringi, baki miku narriyi jungku ngiruka ngaki. Ngala janarringka yangkalamba ngakinbunanyi, mikungangi narrimi jungku ngiruka ngaki, mikungangi narrimi marrimba ngaki jangkurr narringinyina kurduluna.” Barriwa.

28Nani barri milidimbayi yalunya muran Jisuswanyi. Baki manmala yali nanganginkanyi jangkurranyi jali nyulu milidimba yalunya. Manmala yali kudanyu barri.

Kunyba Jangkurr Kudkanyi

Wycliffe Bible Translators, Inc. All rights reserved

More Info | Version Index